Mosaprovimi i llogarisë përfundimtare të komunës së ulqinit dhe buxhetit për vitin 2008
Kjo kumtese,me te cilën jemi drejtuar opinionit,ka për qellim qe ti rikujtojmë organet përgjegjëse te Komunës për obligimin ligjorë për përgatitjen e buxhetit për vitin 2008 por edhe për mos aprovimet e llogarive përfundimtare për vitet e kaluara.
Ligji për financimin e vetëqeverisjes lokale në nenin 43 qartë e definon përgjegjësinë dhe mënyrën e propozimit të buxhetit te cilën e ka Kryetari i Komunës.Deri ne fund te muajit nëntor Kuvendit i dërgohet buxheti për vitin 2008. Propozimi i buxhetit duhet të përmbaj edhe raportin e shqyrtimit publik.. Pra,shihet qartë se ekzekutivi është në vonesë për miratimin e këtij akti. i cili ende nuk ka filluar as te shqyrtohet.Edhe një here përkujtojmë te gjithë qytetaret se ende nuk janë aprovuar llogaritë përfundimtare te buxhetit për vitin 2004, 2005 dhe 2006-të.
Deri sot nuk kemi fituar asnjë përgjigje mbi llogaritë përfundimtare të buxhetit për tre vitet e fundit si dhe asnjë informatë mbi realizimin e buxhetit për gjashte muajt e pare te vitit 2007 pa marr parasysh përfundimet të Kuvendit te Komunës si dhe pas shumë kërkesave që janë dërguar nga ana e FORCES organeve përkatëse të Komunës
Thesari i Komunës nuk funksionon sipas ligjeve dhe në pajtim me udhëzuesin e thesarit. Shumica e shfrytëzuesve të mjeteve buxhetore nuk fitojnë rregullisht mjetet financiare dhe as nuk munden te kryejnë obligimet e veta ne pajtim me ligjin.
Buxheti i Komunës përdoret vetëm për të kryer obligimet e pagave të zyrtarëve kurse obligimet tjera janë anashkaluar.
Mosrealizimi i buxhetit te Komunës se Ulqinit për vitin 2007, në baze te Ligjit për financimin e vetëqeverisjes lokale dhe Ligjit për buxhet, i bën dem të madh të gjithë shfrytëzuesve te buxhetit por dëmi me i madh ashte për qytetarët e komunës tonë.
Shumica e investimeve kapitale qe janë paraparë me buxhetin e vitit 2007 nuk janë realizuar. Partive politike, Organizatave joqeveritare, shoqatave sportive etj.. nuk janë dhënë mjetet financiare ose ndarja e tyre është jotransparente.
Pasi që deri me sot ne nuk kemi fituar asnjë informatë e veçanërisht që Kuvendi Komunal i Ulqinit deri me sot nuk ka miratuar asnjë vendim mbi llogaritë përfundimtare për tre vitet e kaluar,pa marr parasysh ne obligime ligjore (neni 56), shprehim dyshim që ky pushtet ekzekutiv do të përgatis në afate të caktuara ligjore dokumentin më të rëndësishëm vjetorë.
Kryetari i FORCËS
Nazif Cungu