Presidenti Sejdiu pushoi funksionin në LDK
Zëdhënësi i LDK Vehbi Miftari mohoi zërat se pas pezullimit të postit partiak të presidnetit Fatmir Sejdiu, LDK do zgjedh Eqrem Kryeziut kryetar të ri .Me hyrjen në fuqi të Kushtetutës së Republikës së Kosovës më 15 qershor Presidenti I Kosovës, Fatmir Sejdiu, ka pezulluar postin e kryetarit të Lidhjes Demokratike të Kosovës.
LDK, e cila nuk ka marrë ndonjë njoftim zyrtar për vendimin mbi pezullimin e postit të liderit partiak, e vlerëson si legal pozitën dhe punën e Presidentit Sejdiu, duke theksuar se nuk ka nevojë të zyrtarizohet një vendim që është marrë nga momenti kur Sejdiu është bërë, për herë të parë, kryetar I shtetit kosovar.
“Presidenti Sejdiu e ka pezullluar postin e Kryetarit të Lidhjes Demokratike të Kosovës që nga momenti kur nga Kuvendi i Kosovës është zgjedhur President i vendit. si pjesë e detyrimeve kushtetuese, ne tani kemi një kryetar të partisë i cili nuk e ushtron funksionin e tij në parti”, deklaroi zëdhënësi i LDK-së, Vehbi Miftari.
Zëdhënësi Miftari, thotë se pas pezullimit të postit të kreut partiak nga ana e Sejdiut, partia do të vazhdojë punën me strukturat ekzistuese. Ai hedhë kështu poshtë zërat për mundësinë e zgjedhjes së Eqrem Kryeziut si kryetar të ri të LDK-së.
“Ne nuk mund të paragjykojmë se kush do të ishte kryetari i ardhshëm në rast se LDK shkon në një proces zgjedhor. Tani për tani ne nuk jemi në këtë moment, sikur e dini nuk kemi shpallur zgjedhje të brendshme në subjektin tonë politik dhe konsiderojmë se nuk ka nevojë që kjo të ndodhë. Tani për tani ne kemi të gjitha strukrurat e kompletuara dhe do të vazhdojmë të funksionojmë sipas këtyre rregullave”, tha Miftari.
Më 10 shkurt 2006, Fatmir Sejdiu u zgjodh President i Kosovës, kurse më 9 janar 2008 u rizgjodh në mandatin e dytë në këtë post. Kushtetuta e Kosovës ndonëse e ngarkon Presidentin Sejdiu me përgjegjësi shtesë por ia ndalon atij ushtrimin e posteve të tjera publike. Angazhimi I Sejdiut si kryetar shteti dhe kryetar partie do të ishte shkelje e pikës një dhe dy të nenit 88 të aktit themeltar të vendit.
Autor / Alsat