Një vrasje e dyfishtë trondit Krajën
Vëllezërit Musa (44) dhe Shuquri Canoviq (42) janë ekzekutuar të martën në fshatin Runj të Krajës.
Vrasesi është mësuesi, Xhevdet Markoviqi (56), i cili nga dy pistoleta ka hapur zjarr, duke i lënë të vdekur dy vëllezërit Canoviq.
Pas kryerjes së krimit mësuesi është vetëdorëzuar në stacionin policor duke dorëzuar dhe armët e krimit.
Siç mësohet nga burimet e besueshme sherri në mes dy familjeve ka filluar për motive prone. Sipas burimeve mësuesi më herët ishte ankuar në polici për sjelljet e dy vëllezërve, duke i akuzuar ata se nuk e linin të qetë.
Mësuesi Xhevdet, siç njihet në Krajë, është në prag të pensionit dhe njihet në vend si njeri i ndershëm dhe i qetë.
Drejtori i Shkollës ku punonte mësuesi, Beqir Berjasheviq, deklaroi se ngjarja nuk është tragjedi vetëm për familjet por për të gjithë zonën.
Burimet nga policia deklarojnë se pikërisht të martën ishte caktuar seanca gjyqësore, ku dhe ka ardhur deri te konflikti i cili ka përfunduar me vrasje.
Gjykatësi hetues i Gjykatës së Lartë në Podgoricë, Mushika Dujoviq ka kryer hetimet në vendin e ngjarjes dhe ka vërtetuar identitetin e të vrarëve, por nuk ka dashur të komentojë rastin për arsye të hetimeve.
Autor / Gëzim Ibroçi
Burimi / Telegrafi