Zenun Pajaziti:Presim njohjen nga Mali i Zi
Prishtina pret që Mali i Zi së shpejti të njohë pavarësinë e Kosovës, ka deklaruar ministri i Punëve të Brendshme të Kosovës, Zenun Pajaziti në një intervistë për gazetën malazeze “Vijesti”. Madje, Pajaziti ka thënë se kryeministrat e Malit të Zi dhe Kosovës janë në kontakt.
“Mëzi presim që Mali i Zi dhe Maqedonia të na njohin dhe pranojnë zyrtarisht. Ky është interes direkt i popullit të Kosovës dhe shtetit tonë. Synimi ynë është t’i vëmë sa më parë marrëdhëniet bilaterale më të gjithë fqinjët”, ka thënë Pajaziti.
Ai ka shtuar se Mali i Zi për Kosovën nuk është vetëm shtet fqinj, por edhe shtet me të cilin synohen të vihen kontaktet sa më të afërta dhe bashkëpunimi sa më intensiv në fushën e ekonomisë dhe kulturës – pasi që, siç është shprehur ai, “(këto dy shtete) kanë të kaluar të përbashkët”.
Pajaziti po ashtu ka pohuar se në këtë drejtim ekzistojnë kontaktet në mes të dy kryeministrave, Millo Gjukanoviqit dhe Hashim Thaçit. “Ata janë liderë që kaherë ndodhen në skenën politike. Mirëpo, këto ditë, në fakt së shpejti, presim të vendosim raporte konkrete me Qeverinë në Podgoricë”, ka shtuar ai.
Autor / Telegrafi