U vendos dhe u largu kryqi ortodoks në Lima të Ulqinit

Shantazhet apo kërcënimet e disa personave e dhunojnë të drejtën e besimeve të tjera fetare, sepse edhe ato i kanë të njëjtat të drejta dhe detyrime sikur edhe kolegët e tyre në krahun tjetër.
Ndërtimi dhe vendosja e kryqit fetar ortodoks në Lima,do duhej të ishte shqetësuese jo vetëm pë komunitetin fetar mysliman e katolik, por edhe për vetë ortodoksët e më gjerë. Ajo që këto ditë arriti kulmin në skenën politike të Ulqinit lidhur me vendosjen e kryqit ortodoks në Lima duket sikur po i kalon caqet e qytetërimit të vetë përfaqësuesve të kishës serbe. Kjo çështje tashmë është bërë lajm i ditës dhe nuk ka se si të mos jetë temë e diskutimeve dhe e komenteve në qarqet politike malazeze por edhe atyre ulqinake.Kjo tashmë është një problem i pashmangshëm edhe për vetë qeverinë e ulqinit, duke i vu në siklet dikasteret përkatëse si të veprohet në raste të tilla. Drejtuesit e këtyre dikastereve, duke e ditur se Limani është vend turistik, u lënë hapësirë drejtuesve të kishës serbe që : “me krenari” ta shpallin këtë zonë të shqiptarëve si vend të shenjtë të tyrin. Me gjithë përpjekjet e dikastereve për ta prishur këtë kult fetar, duket se do ta kenë tepër të vështirë, këtë për shumë arsye.
Përkundër situatës delikate, ambiciet e disa personave të kishës serbe për të dominuar në politikën malazeze janë pengesa kryesore drejt krijimit të një shtetit të pavarur, si dhe të një veprimi homogjen të subjekteve politike shqiptare për të realizuar të drejtat nacionale. Rolin misionar të cilin ia ka dhënë vetvetes kisha serbe dhe partitë proserbe në Mal të Zi, paraqesin një pengesë për krijimin e veprimit të unifikuar të atyre që punojnë për mëvetësi të Malit të Zi.
Nga kjo pritet që të acarohen edhe më tepër raportet shtet/kishë serbe, gjë që do të ndikojë në ashpërsimin më të madh të raporteve brenda vetë komuniteteve. Paralajmërimet e kryetarit të ulqinit Gëzim Hajdinaga për rregullim të territorit se do të largohet kryqi ortodoks sot në Lima,janë në masat e kufijve ligjorë që kryetari i komunës së ulqinit Gëzim Hajdinaga i ndermori per largimin e kryqit ortodos nga limani,ku në akcion morrën pjes inspektorët e komunës së ulqinit dhe gjithashtu edhe sherbimi i ministrisë së mbrenshme policore me çka dëshmohet edhe një herë se është i paligjshëm veprimi i disa personave për të ushqyer destabilizimin e mëtutjeshëm të mbarë në ulqin por edhe në Mal të Zi. Shantazhet apo kërcënimet dhunojnë të drejtën e besimeve të tjera fetare, sepse edhe ata kanë të njëjtat të drejta dhe detyrime të njëllojta, sikur kolegët e tyre në krahun tjetër. Sido që të jëtë, me këto veprime të disa personave, pavarësisht variantit të fundit, Mali i Zi mund të zhytet në ujëra edhe më të turbullta të përçarjes në mes të komuniteteve.

LAJME NGA ULQINI