Humb jetën personi i pestë i familjes kosovare që u aksidentua në Mal të Zi

Ka vdekur edhe anëtari i pestë i familjes Metaj nga fshati Hereç i Gjakovës, të cilët humbën jetën para dy dite në një aksident të rëndë në aksin rrugor Podgoricë-Kollashin. Besarta, Besniku dhe Gonxhja kanë vdekur në vendin ku kishte ndodhur aksidenti, Besarti gjatë rrugës për në spital, ndërsa Tekiu vdiq disa orë pasi mjekët e Podgoricës u përpoqën t’ia shpëtonin jetën.

Aksident i rëndë në aksin rrugor Podgoricë-Kollashin

Familja Metaj nga fshati Hereç i Gjakovës ishte duke udhëtuar nga Prishtina drejt bregdetit malazes, por nuk ka mundur të mbërrijë atje pasi në afërsi të Kollashinit iu ka ndodhur aksidenti tragjik. Shkak i aksidentit ka qene humbja e kontrollit te automjetit tip “Audi A4”, nga shoferi ku për pasojë ka dalur në krahun tjeter te rrugës dhe është ndeshur me një kamion që vinte nga ana e kundërt. Besarta, Besniku dhe Gonxhja kanë vdekur në vendin ku kishte ndodhur aksidenti, Besarti gjatë rrugës për në spital, ndërsa Tekiu vdiq disa orë pasi mjekët e Podgoricës u përpoqën t’ia shpëtonin jetën. Presidenti i Republikës së Kosovës, Fatmir Sejdiu i ka dërguar një telegram ngushëllimi familjes Metaj të Hereqit të Gjakovës. Në telegramin e presidentit Sejdiu ndër të tjera thuhet: “Pranoni ngushëllimet e mia më të sinqerta dhe të popullit të Kosovës për ndarjen nga jeta të katër anëtarëve të familjes suaj, të cilët pësuan tragjikisht derisa po udhëtonin për në bregdet”. “Lajmi i kobshëm për këtë tragjedi tuajën familjare e ka prekur thellë secilin qytetar të republikës sonë. Prandaj, në këto çaste zie, ne të gjithë jemi shpirtërisht me Ju dhe lutemi për bashkëfamiljarët tuaj”. Burimi / Gazeta Lajm