Vujanoviq: Njohja e Kosovës ka tri dimensione për Malin e Zi

Podgoricë, 29 gusht - Presidenti malazez Filip Vujanoviq ka vlerësuar se Mali i Zi edhe më tej do të ketë një qëndrim të vemendshëm ndaj njohjes së Kosovës, posaçërisht duke pasur parasysh synimet evropiane dhe evroatlantike të Podgoricës. Ai ka saktësuar se sa i përket deklarimit mbi Kosovën, për Malin e Zi janë thelbësore tri dimensione: “Rrethanat në Mal të Zi, detyrimet e ruajtjes së marrëdhënieve të mira me Beogradin dhe Prishtinën dhe, natyrisht vlerësimi i asaj që janë integrime evropiane dhe evroatlantike të Mali të Zi”, është shprehur Vujanoviq. Sipas mediave malazeze, Vujanoviq gjithashtu thotë se është qeveria ajo që merr vendimin për njohjen e Kosoëvs, por gjithsesi për këtë çështje do të shprehet edhe parlamenti i Malit të Zi.
Burimi / QIK