Heqja dorë nga  rruga e Limanit dhe ndërtimit të marinës së Ulqinit
Ardhja e përfaqësuesve të qeverisë së Malit te Zi ne Ulqin, me 12 Shtator, prapë qiti në pah paaftësinë dhe papunësinë e organeve të pushtetit lokal. Tash sa kohe e kemi të qartë epilogun e kësaj rruge por edhe të investimeve tjetra të rëndësishëm sepse  sekretariati përkatës nuk e ka përgatitur propozimin për shpalljen e interesit të përgjithshëm për rrugën e Limanit,çka është si pasoj pamundësia për eksproprimin e tokës për ndërtimin e rrugës. Përfaqësuesit e Ministrive me siguri kanë shpresuar se partnerët e koalicionit të tyre do të përfundojnë punët administrative të cilat do të kishin mundësuar që mjetet financiare të ndara nga Drejtoria për punë publike për zgjidhjen e gjendjes kaotike të infrastrukturën e Limanit.
Organeve të pushtetit lokal nuk i mjaftuan dy vite që të caktojnë interesin e përgjithshëm për këtë rrugë. Kjo rrugë duhet të zgjedh problemin shumëvjeçar të qytetarëve dhe të mundësoi zhvillimin e kapaciteteve turistike e jo si tani nëpër rrugë delesh dhe dhish.
Tash sigurisht e kanë të qartë edhe ministri Gvozdenoviq edhe drejtori i drejtorisë të punëve publike z. Zhivkoviq si dhe funksionarët tjerë të qeverisë, se premtimet e udhëheqësve të pushtetit lokal të Ulqinit nuk duhet ti i marrin seriozisht, përveç atyre që kanë të bëjnë me punësime me kriterin kryesorë, shpërblimi për votimet  në zgjedhjet e shtatorit të vitit 2006. Pra vihet pyetja, a është kjo e vetmja punë që dinë dhe janë të aftë ta bëjnë? Apo ndoshta është hequr dorë nga këto investime sepse viti 2007 dhe 2008 nuk kanë qene vitet  zgjedhore?
Drejtori i drejtorisë për punë publike Zharko Zhivkoviq ka theksuar se për shkak të çështjeve pronësore të pazgjidhura, që pushteti lokal është dashur ti i kryej, mjetet e ndara për  rrugën e Limanit do të drejtohen në investime tjera.Duke heq dorë nga ndërtimi i rrugës për në Lima, për fat të keq është edhe heqja dorë nga ndërtimi i Marinës në Lima. Çka ti thuhet qytetareve, çka ti thuhet Sllovenëve të mashtruar që kanë përgatitur disa  dokumentacione teknike, çka ti thuhet drejtoreve te emëruar?
A thua që me te vërtete dikush ka besuar se  investimet e tilla mund te bëhen pa dokumentacione ligjore, teknike dhe urbanistike?
Zotëri Zhivkoviq ka deklaruar që dokumentacionin e përgatitur për ndërtimin e Urës në Portë Milenë ia ka dorëzuar organeve të pushtetit lokal në procedurë të mëtejshme. A nuk e keni të qartë Z-ni Zhivkoviq se ky pushtet lokal nuk ka potencial as ti fillojë e jo ti mbarojë këto investime kaq komplekse dhe profesionale.  Në lidhje me premtimet e investimeve të reja, që i kanë dhanë përfaqësuesit e  Qeverisë së bashku me Z-ni Gëzim Hajdinagën, për  vitin e ardhshëm, tash për tash nuk do ti komentojmë,por na mbetet që të shpresojmë se do të realizohen dhe ne do të përcjellim dinamikën e realizimeve. 

Ulqin, me 15,09,08
Shërbimi Informativ i Forcës