Mali i Zi ka njohur sot pavarësinë e Kosovës, lajmi është bërë i ditur nga ministri i Jashtëm malezes Milan Rochen. Kështu Mali i Zi bëhet vendi i 49 i cili ka njohur Kosovën shtet. Ndërkohë Serbia pritet të tërheqë ambasadorin e vet nga Podgorica, kryeqyteti i Malit të Zi, pasi disa ditë më parë ministri i Jashtëm serb Jeremiç tha se njohja e pavarësisë nga Mali i Zi do të ishte thikë pas shpine për Serbinë
MAL I ZI- Qeveria e Malit të Zi e ka njohur Kosovën si shtet të pavarur, njoftoi ministri i Jashtëm malazez, Milan Rochen. “Qeveria njëzëri ka vendosur ta njohë Republikën e Kosovës”, u tha ai gazetareve. Beogradi pritet të tërheqë ambasadorin e vet nga Podgorica, kryeqyteti i Malit të Zi.
Disa ditë më parë ministri i Jashtëm serb Vuk Jeremiç tha se njohja e pavarësisë nga Mali i Zi do të ishte thikë pas shpine për Serbinë pasi ky vend fqinj e njihte mirë situatën.

Të premten Parlamenti i Malit të Zi ka miratuar Rezolutën për domosdoshmërinë e përshpejtimit të procesit të integrimit të Malit të Zi në strukturat evropiane dhe euroatlantike që shërbeu si bazë edhe për qëndrimin e Malit të Zi ndaj çështjes së Kosovës.
Burimi / a.r/news24/balkanweb