Feston ditëlindjen në ditën e Halloween

November 11, 2008   | Zbavitje / Zabava

Ka vendosur prej shumë kohësh që të mbajë gojën kyçur për median dhe këtë e respekton në mënyrën më korrekte. Show-girli i mirënjohur Inis Gjoni ka muaj që nuk shfaqet nëpër faqet e gazetave ndërsa në ekran të gjithë shikuesit e panë vetëm për disa minuta të ftuar në emisionin e Ardit Gjebreas “E diela shqiptare”. E teksa mundohet t’i shmanget çdo paparaci të mundshëm nëpër ambientet që ndodhet, apo çdo pyetje të ndonjë gazetari që e kërkon për intervistë, ja tek ka rënë në kurthin e paparacit tonë. Inis Gjoni është fotografuar në club “Sharm” nga paparaci ynë ndërsa festonte dy festa.
Në ditën e festës së “Halloween” të cilën po e kalonte më së miri me miqtë e saj në clubin pranë hotel Sheraton, Inis Gjoni ka festuar njëkohësisht edhe ditëlindjen. Ka qenë e shoqëruar nga familjarët, ku sapo ka parë fotografin tonë është munduar t’i shmanget menjëherë objektivit të aparatit dhe ka kërkuar që të mos bëhej më asnjë foto rreth saj, duke dashur që jetën private ta lërë të paprekur. Një fustan i zi, tejet i shkurtër dhe sensual dhe look-u që asnjëherë nuk ndryshon, diferencë bën vetëm mënyra e grimit. Inisi është shfaqur si gjithmonë në formë, tashmë edhe me kilogramët e tepërt të humbur prej disa kohësh. Është vënë re se në festën familjare të ditëlindjes së Inisit mungonte motra e saj Ingiridi e cila kishte shkuar diku gjetkë për të festuar, duke zgjedhur kështu miqtë e saj një një tjetër lokal të kryeqytetit.

Bluetooth

YouTube Preview Image