Perkujtohet 10 vjetori i masakres se Reçakut
Nga te gjitha viset shqiptare vizitore te shumte i jane drejtuar Reçakut per te bere homazhe per 42 civilet e masakruar 10 vjet me pare nga forcat ushtarake serbe.
Ne mesin e familjareve te viktimave, per te cilet plaget mbeten ende te hapura, bene homazhe edhe kreret shteteror te Kosoves. Forcat paramilitare serbe nuk kursyen as femijet dhe pleqte e ketij fshati. “Me kane vrare tre djemte dhe nuk mund ta harroj kete ngjarje”, shprehet Faik Ramadani.
Por, per banoret e fshatit Recak dhe te gjithe kosovaret eshte nje njeri te cilit ata i jane shume mirenjohes, ai eshte William Wallker.
“Bashkohem perseri me ju per femijet, te rinjte dhe pleqte qe humben jeten nga kjo masaker cnjerezore, qe beri qe nderkombetaret te kthenin koken ne Kosove. Shume masakra perfunduan pa u hetuar, por ajo e Reçakut nuk mund te harrohet”, ka deklaruar Wallker.
Gjate kesaj ceremonie ne qender te qytezes se Shtimes ne shenje perkujtimi, banoreve iu drejtuan edhe udheheqesit e shtetit.
“Misionet e vendit po kujdesen per familjet e te reneve ne lufte, qe dhane jeten per atdheun. Do te kemi vemendjen nga ata”, ka deklaruar presidenti Sejdiu.
Ndersa kryeministri Thaçi eshte shprehur: “Krimi e mbushi kupen mbi popullaten e pafajshme te nisur nje shekull me pare nga Serbia. Kjo solli dhe nderhyrjen ushtarake nderkombetare”.
Per nder perkujtimi per viktimat e kesaj tragjedie te popullit te Kosoves, pritet qe se shpejti te perfundoje edhe kompleksi memorial i te reneve.
Top Channel
