Do te nise sot ne mbremje ne oren 20:45 ne “Top Channel” “reality show” “Big Brother Albania”, ne drejtimin e Arbana Osmanit. Stafi i “Big Brother” eshte kujdesur, qe asnje detaj te mos publikohet ne media, ne lidhje me personazhet, se cilet jane ata. Vecse nje reklame qe transmetohet ne “Top Channel”, numeron ditet mbrapsht te nisjes se spektaklit me te ndjekur, qe do vazhdoje dy muaj. Ne shtepine me te famshme do te hyjne 14 banoret e rinj, te cilet do te jene protagonistet e edicionit te dyte te ketij spektakli. Kete vit stafi i “Big Brother” garanton se personazhet, qe do te hyjne ne shtepi jane interesante dhe se jane perzgjedhur mes mijera aplikanteve, te cilet kane qene pjese e audicioneve per “Big Brother Albania”. Publiku pret bashkejetesen e re televizive, me dashurite, konfliktet, inatet, dhe largimet nje nga nje te banoreve nga shtepia, dhe shpalljen e fituesit. Spektakli do te transmetohet 24 ore ne 24, ne 2 kanale te DigitAlb, si dhe ne “Top Channel”, ku cdo dite perreth 30 minuta do te transmetohet permbledhja e ngjarjeve me te rendesishme te dites, ndersa te shtunen do te zhvillohet spektakli “live”. “Big Brother” realizohet nen marken e kompanise “Endemol”. Edicioni i pare pati shikueshmeri te larte, ndersa banoret me te spikatur vazhdojne te jene pjese e faqeve roze te shtypit te perditshem.

Panorama Plus