28/02/09 10:55

Vetëm Dritani dhe Adi janë ngritur këtë mëngjes. Ata shoqërojnë njeri-tjetrin në kopësht. Të dy bëjnë biseda të shkurtra e me tema të ndryshme. Dritani hap bisedën duke i thënë Adit se do të ishte keq nëse e humbasin provën e kësaj jave. Ai thotë se nga java në javë loja po bëhet më e fortë dhe uron që njerëzit që kanë jashtë t’i mbështesin sa më shumë. Adi ja kthen se edhe jashtë bëhet lojë e fortë.
Dritani i tregon Adit se kur kishte shkuar për të ndërruar bateritë e Agonit, kishte vënë re se ai nuk ndodhej në shtratin e tij por, kishte shkuar nga dhoma e vajzave si Arjoni.
Adi mendon se javën tjetër të organizojnë një “harem party” e të vishen me callma kurse vajzat të mbulohen me shami. Dritani i thotë se ndoshta zysha nuk do të jetë dakord kurse Adi pa prishur terezinë i thotë se ajo mos të kërcejë fare.