28/03/09 23:45

“Bjordi duhet të të them diçka!”- i ka thënë Adelajda Bjordit. Adelajda, gjatë spektaklit, në momentin e nominimeve, dha dy emra: Aida dhe Bjordi. Për këtë të fundit arsyeja ishte se ajo i thoshte të largohej dhe ai nuk e bënte. Dhe sqarimi kishte të bënte pikërisht me këtë. “Ke thënë emrin tim – e ka pyetur ai, – pse, ngaqë ishte Aida?” Adelajda ka pohuar dhe i ka thënë se ndihej keq. Bjordi i ka thënë se po qe se ndihej keq, të mos e kishte bërë. Më pas i është shpjeguar se nuk mund ta nominonte Mimozën, Republikën dhe Dritanin sepse kishte frikë se mos rrezikonin, për Qetsorin dhe Arjonin i vinte keq se kishin qenë shumë herë të nominuar dhe duke menduar se askush nuk do të thoshte emrin e Bjordit, kishte nominuar atë.