Hajdinaga priti delegacionin e Bashkësisë Islame të Malit të Zi të kryesuar nga Reisi Rifat Fejziq
Kryetari i Komunës së Ulqinit z. Gëzim Hajdinaga dhe bashkëpunëtorët e tij priten në një takim pune delegacionin e Bashkësisë Islame të Malit të Zi të kryesuar nga Reisi Rifat Fejziq.
.
Fillimisht mysafirët vlerësuan lartë ndihmesën dhe kontributin e dhënë nga ana e Kryetarit Hajdinaga në zgjidhjen e çështjeve të rëndësishme që preokupojnë Bashkësinë Islame dhe paralajmëruan që sëshpejti atij do t’i dakordohet edhe mirënjohje e veçantë.
Më pas delegacioni në fjalë u ndal dhe foli për projektet që parasheh të realizojë në një të ardhme të afërt dhe ku kërkohet ndihma e komunës.
Nga ana tjetër Kryetari Hajdinaga falenderoi mysafirët dhe theksoi që Bashkësia Islame dhe komunitetet e tjera që jetojnë në Ulqin e që për te paraqesin pasuri përherë mund të llogarisin në ndihmën e pakursuer të tij dhe të ekzekutivit që drejton, konform normave ligjore.
Ishte konstatim i përbashkët që kur ekziston dëshira dhe angazhimi i të gjithë subjekteve mund të realizohen projekte me vlerë jo vetëm për besimtarët e konfesioneve të ndryshëm por edhe që kanë vlera të përgjithshme për qytetin.
.
Municipality of Ulcinj / Ulqin – Montenegro
Arsllan Hajdinaga