Video – Inaugurimi i çarshis së Ulqinit nga Gëzim Hajdinaga
Inaugurimi i çarshis së Ulqinit
Hajdinaga: Investimet, dëshmi e qartë për zhvillimin e vendit
Kryetari i Komunës së Ulqinit, Gëzim Hajdinaga, bëri një përmbledhje të një serie investimesh në komunat e Ulqinit. Gjatë fjalimit të tijë kryetari i komunës së Ulqinit, inauguroi përfundimin e rikonstruksionit të kalldremimit të qendrës së qytetit të Ulqinit.
Duke siguruar për vëmendjen e vazhdueshme të qeverisë së Ulqinit ndaj problemeve të tyre,kryetari theksoi se qeveria e Ulqinit është e vendosur të bëjë të gjitha investimet për zhvillimin e infrastrukturës së Ulqinit.
Projektet janë financuar nga buxheti i qeverisë së komunës së Ulqinit në shumë prej 900 mijë €, ndërkaq në të ardhmen e afërt priten të finalizohen edhe disa projekte të reja të qeverisë së komunës së Ulqinit.
Në këtë ceremoni ishin të pranishëm edhe shumë përfaqësues të institucioneve vendëse dhe nga tëre Republika e Malit të Zi.
Lajme nga Ulqini
Sot përurimi i përfundimit të kalldrëmimit të rrugës “Hafiz Ali Ulqinaku”
Rikthehet shkëlqimi i dikurshëm
Ulqin – Sot do të bëhet përurimi i kalldrëmimit të rrugës “Hafiz Ali Ulqinaku” dhe i unazës në këtë pjesë të qytetit, ku me propozim të kryetarit të Komunës së Ulqinit Gëzim Hajdinaga është vendosur mulliri i vjetër për ullinj i cili përveç detarisë është një traditë e ulqinakëve.
Më poshtë, në drejtim të Plazhit të Vogël, pas 70 vjetësh është rihapur kroni, i cili është pjesë e
trashëgimisë së ulqinakëve.
Rruga “Hafiz Ali Ulqinaku” tashmë ka një pamje krejtësisht të re. Trotoaret janë zgjeruar me pllaka mermeri dhe është vendosur ndriçimi i ri publik në përputhshmëri me ambientin e ri. Kryetari i Komunës së Ulqinit, Gëzim Hajdinaga, thotë se qëllimi i këtij projekti madhor për të dhe qytetarët e Ulqinit është kthimi i shkëlqimit të dikurshëm të kësaj pjese të qytetit me qëllim të ruajtjes dhe valorizimit të trashëgimisë kulturore dhe historike të këtij qyteti të lashtë.
Sipas Hajdinagës, projekti në fjalë ka kushtuar rreth një milion euro. Për këtë akt solemn, i cili zyrtarizon hapjen e sezonit turistik 2009 në Ulqin, është paraparë një program i pasur kulturo-zbavitës, ku do të marrin pjesë artistë të njohur, grupe muzikore e ansamble folklorike nga Ulqini e qytete të tjera, por nuk do të mungojë as tryeza e pasur ulqinake me lloj-lloj specialitetesh nga kuzhina e Ulqinit.
Manifestimi mbyllet me pjesëmarrjen spektakolare të yllit kroat Severina Vuçkoviq në Ranë, e cila do t’i kushtojë arkës së Komunës së Ulqinit mbi 25 mijë euro
Gj. Gjonaj
Koha Javore