Forca: Konferencë për media
Konferencë për media, 08-05-09
Ulqin, 08-05-2009
Nr: 188/09
Të nderuar qytetar,
Këtë konferencë e kemi organizuar që zyrtarisht ti falënderojmë të gjithë atyre të cilët janë angazhuar në mënyrë aktive dhe kanë ndikuar në ndryshimin e Vendimit mbi taksa lokale komunale të cilën e ka imponuar pushteti ekzekutiv në Ulqin në krye me kryetarin Hajdinaga dhe që fatkeqësisht atëherë e ka vërtetuar edhe shumica parlamentare.
Gati dy vite FORCA e re demokratike, me argumente ka kërkuar ndryshimin e këtij Vendimi me të cilin këto taksa joreale dhe tejet të larta janë paguar edhe në mënyrë selektive dhe disa nga tarifat ishin edhe mbi 10 here më të larta në krahasim me komunat tjera bregdetare.
Do të cekim vetëm disa shembuj:
Ajo taksë e cila ashtë paguar për Zonën e parë 16,50 EUR/m2 tani është 4,00 EUR/m2. kurse për Zonën e pestë nga 12,00 EUR/m2 është ulur në 2,00 EUR/m2.
Disa lami për afarizëm ishin plotësisht të bllokuara.
Derisa në Ulqin ashtë dashur për një shtëpizë për kamping të paguhet afër 7,00 EUR në ditë në Tivar vetëm 0,45 cent. Tash me vendim të ri në Ulqin do të paguhet 0,50 cent.
Pra dallimi ishte mbi 15 herë.
Me vendimin e ri këto tarifa janë përafërsisht të njëjta me komunat tjera bregdetare.
Ato qytetar – afarist të cilit nuk janë pajtuar me vendimin e Hajdinagës nuk i kanë paguar ato taksa të larta dhe kanë kaluar më mirë se ato të cilit i kanë paguar por fatkeqësisht disa prej tyre kanë qenë të obliguar të ndërpresin aktivitetet afariste.
Taksat Komunale nuk janë të vetmet të cilat janë më të larta për qytetarët e Ulqinit.
Taksat Administrative gjithashtu ne Ulqin janë në krahasim me ato të Tivarit prej 20 – 100% më të mëdha.
Kulminacioni i mos respektimit në aplikimin e Ligjit paraqesin kompensimet për rregullimin komunal, siç i quan populli komunalit. Për këtë problematikë do të bëjmë fjale në takimet e ardhme që do të organizoj Forca.
Prej rastit të Ulqinit, Ministritë përkatëse,duhet të kenë kujdes, që gjatë propozimit të Ligjeve, të i kufizojnë mundësit komunave për rritjen e taksave dhe tatimeve dhe mos të lejojnë që këto të jen në mëshirën e pushtetarëve lokale për mbushjen e buxheteve të tyre jo reale.
Ajo çka brengos edhe më shumë ashtë zbatimi pjesërisht i vendimit dhe që pagimet bëhen në mënyrë selektive, në baza partiake dhe pa evidenca të obligueseve tatimor.
Për të gjitha këto duhet të kujdesen organet përkatëse shtetërore për çka kanë tërhequr vërejtjet edhe revizorët shtetërorë të cilit për rastin e Ulqinit, kanë lajmëruar edhe Agjencinë për luftë kundër korrupsionit dhe kriminalit të organizuar.
Qytetarë të nderuar,
Jemi të kënaqur që si opozitë kemi arritur të ndikojmë që të ndryshojmë një vendim shum të rëndësishëm dhe FORCA do të vazhdoi me aktivitetet e veta edhe më tepër pasi që pushteti lokal nuk ashtë duke marr asnjëfarë mase për përgatitjen e sezonit turistik.
Nazif Cungu