Tubimi me qytetarë të Malësisë lidhur me projektligjin për organizimin teritorial të Malit të Zi
KËSHILLI NACIONAL I SHQIPTARËVE NË MALIN E ZI
NACIONALNI SAVJET ALBANACA U CRNOJ GORI
ALBANIAN NATIONAL COUNCIL IN MONTENEGRO
Ulqin më, 30. 09. 2009
NJOFTIM PËR OPINION
Këshilli Nacional i Shqiptarëve në Malin e Zi në kuadër të diskutimit publik që po zhvillohet lidhur me dy projektligjet: Projektligjin për Organizimin Teritorial të Malit të Zi dhe Projektligjin për ndryshimin dhe plotësimin e Ligjit për Vetëqeverisjen Lokale, ka organizuar me datë 25.09.2009 tubim me qytetarë të Malësisë, në të cilin pas shumë diskutimeve ku u dëgjuan shumë vërejtje e sugjerime produktive dhe qëllimmirë , u arritën këto përfundime :
1.Këshilli Nacional i Shqiptarëve në Malin e Zi në tërësi përkrah kërkesën legjitime të qytetarëve të Malësisë për të pasur Komunën e plotë sikurë të gjitha komunat tjera në Malin e Zi .
2.Këshilli Nacional i Shqiptarëve në Malin e Zi poashtu në tërësi përkrahë propozimet të cilat përfaqësuesit e Komunës Urbane të Tuzit i kanë paraqitur dhe dërguar Propozuesit të Projektligjit për organizimin teritorial të Malit të Zi ,në Cetinë, në kuadër të diskutimit publik,me datë, 23.09.2009 ; e të cilat përputhen plotësisht me vërejtjet dhe propozimet e KNSHsë.
3.Sa i përket projektligjit për ndryshimin e Ligjit për Vetqeverisjen Lokale, KNSH,vlerëson se meqë ky Projektligjë nuk mundëson decentralizimin në përputhje me praktikën e vendeve demokratike dhe në harmoni me Kartën Evropiane për Vetëqeverisjen Lokale,që do të thot se pushteti Lokal mbetet ende i centralizuar , prandaj propozohet që projektligji në fjalë të tërhiqet në tërësi .
4.Këto përfundime ,bashkë me vërejtjet dhe ndryshimet e propozuara i dërgohen Ministrisë së Punëve të Mbrendshme të Malit të Zi (Propozuesit).
KRYETARI
Tahir Tahiri