Fjalë të rënda midis Mehmet Bardhit dhe Luigj Skrelja gjatë debatit mbi ligjin zgjedhor në televizionin e Ulqinit “TV Teuta” – VIDEO

February 15, 2010   | Politika

Ndërpritet debati televiziv për shkak të duelit verbal

Fjalë të rënda, sharje dhe ofendime midis kryetarit të Lidhjes Demokratike të Shqiptarëve Mehmet Bardhi dhe funksionarit të “DPS” Luigj Skrelja në duelin televiziv kushtuar ligjit zgjedhor i cili u votua nga shumica në Kuvendin malazez, ku shqiptarët humbasin edhe ato pak drejta të cilat i kishin të garantuara; gjegjësisht njësinë e veçantë zgjedhore në vendet ku shqiptarët janë shumicë e cila shqiptarëve do tu siguronte 5 deputet në Kuvëndin malazez.

Për shkak të situatës së krijuar së studio, transmetimi i duelit është ndërprerë dhe u transmetuan reklama. Qytetarë të shumtë janë drejtuar dje në redaksinë e gazetës DAN që të zbulojnë nëse policia e Ulqinit intervenoi, e cila mendohet se është informuar për këtë incident.
Anëtar i DPS dhe njëkohësisht kreu i DPS-it në Ulqin Luigj Skrelja na tha se nuk kishte nevojë për intervenimin e policisë gjatë duelit verbal në mes tij dhe kryetarit të LD-së Mehmet Bardhi.

Shkrelja ka akuzuar Bardhin se në zemër ende mbart SNP-në dhe Predrag Bullatoviç, kurse kreu i LD-së i ishte përgjigjur se në zemër mbart vetëm anëtarët e familjes.
Pastaj pasuan fyerjet e sharjet ndërsa udhëheqësi i programit u përpoq të qetësoj grindjet por pa sukses, ku atëherë kërkoi që transmetimi të ndalohet me transmetimin e reklamave.

Në një deklaratë për Dan, Shkrelja shpjegoi se ishte politikani i vetëm i cili i takon DPS-it, si parti qytetare e cila e donë Malin e Zi demokratik.
Gjatë gjithë kohës kam qenë i ekspozuar ndaj sulmeve të papërshtatshme nga të pranishmit, krerët e partive kombëtare.
Përveç Shkrelja dhe Bardhit, të pranishëm ishin edhe kreu i partisë FORCA Nazif Chung,  përfaqësues i “Perspektivës” Amir Hollaj dhe deputeti UDSH-së Mehmet Zenka.
Shkrelja pohon se si anëtar i DPS-it ishte cak i sulmit vulgar nga pjesëmarrësit e tjerë.
Unë nuk e di çfarë të ju them vetëm se Bardhi dhe unë në fund u ulëm së bashku dhe i sqaruam gjërat. Nuk kishte asnjë nevojë për të thirrur policinë, sepse kemi pasur mundësi më parë për të kundërshtuar argumentet në Parlamentin e Malit të Zi, por edhe në parlamentin lokal.
Në fund ne ramë dakord se nuk kishte nevojë të reagojmë kështu.
Unë personalisht kam mësuar një mësim të mirë, kështu që tjetrën herë do ta kam parasysh në se do të bisedojë apo jo me njerëz të tillë – thotë Shkrelja.
Mehmet Bardhi dje konfirmoi se çështja erdhi në një duel verbal, por nuk dëshiron të komentojë ngjarjen.
Çdo gjë ishte publike, mund ta shohin atë që dëshirojnë.
Ka pasur polemika, por në fund, erdhëm në përfundim se nuk kishte nevojë për reagime të tilla – tha Bardhi.
Ai përsëriti se askush nuk ka të drejtë të anulojë të drejtat për shqiptarët dhe është një zgjidhje jo e mirë e shumicës politike në Kuvëndin e Malit të Zi e ligjit zgjedhor të propozuar.

Përkthyar nga www.malesia.org

DAN

Zotni Luigj Lubo Shkrela ju përgjigjet direkt në Facebook
YouTube Preview Image

59