Popullsia e Anës së Malit është e ndarë në 20 fshatra, të cilat deri në vitet 1970 kanë qenë të mirëpopulluara, por për arsye të kushteve jo të mira ekonomike anamalasit deytrohen të emigrojnë. Sipas regjistrimit të fundit të popullsisë, i cili u zhvillua në vitin 2003 Ana e Malit kishte 5538 banorë, apo 627 më pak se në regjistrimin e vitit 1991.
Popullsia fshatare
Kjo trevë përbehet nga popullsia fshatare. Struktura e popullsisë në përbërje të saj ka të gjitha grupmoshat, por pjesa më e madhe e saj është në moshë aktive, në moshë pune. Mosha mesatare e popullsisë është relativisht e re, por për shkak të papunësisë kjo popullsi aktive është pakësuar kryesisht për shkak të migrimit të ndjeshëm të rinisë. Popullsia e kësaj treve malore përballet përditë me kushte relativisht të vështira jetese për vetë faktin se këtu mungojnë investime në fusha të ndryshme ekonomike, pavarësisht nga resurset e mrekullueshme që i ka falë Zoti. Popullsia e Anës së Malit është e ndarë në 20 fshatra, të cilat deri në vitet 1970 kanë qenë të mirëpopulluara, por për arsye të kushteve jo të m i r a e k o n omi k e a n ama l a s i t deytrohen të emi g r o j n ë . S i p a s regjistrimit të fundit të popullsisë, i cili u zhvillua në vitin 2003 Ana e Malit kishte 5538 banorë, apo 627 më pak se në regjistrimin e vitit 1991.

Regjistrimi ifundit i popullsisë Ana Malit	Regjistrimi i vitit      1991	Regjistrimi i vitit      2003
Amull	55	30	– 25
Bojk	228	195	– 33
Brajshë	801	760	– 41
Katërkollë	855	819	– 36
Këllezna Naltë	181	165	– 16
Këllezna Poshtë	180	144	– 36
Draginë	167	162	– 5
Kaliman	15	8	– 7
Kosiq	206	257	+ 51
Kravar	708	619	– 89
Krythë	735	603	– 132
Leskovc	86	72	– 14
Lisna Borë	198	178	– 20
Megjureç	34	9	– 25
Millë	347	225	– 122
Rashtishë	488	410	– 78
Sukubinë	403	375	– 28
Fraskanjel	69	76	+ 7
Shas	268	298	+ 30
Shtodër	141	133	– 8
Gjithsej	6165	5538	– 627

Fiset (familjet)

Popullata e Anës së Malit, siç na kumtoi Mefit Tela, nga fshati Sukubinë, me profesion profesor i gjuhës dhe i letërsisë shqipe në SHF ”Mareshalli Tito, “në Ulqin, përbëhet nga këto fise apo familje: Peraj, Tela, Mustafa, Kurti, Avdiu, Ujkashi, Cuca, Hoxha, Luca, Mehmeti, Kovaçi, Draga, Lleshi, Haxhicani, Llolla, Bardhi, Gjoni, Gjekaj, Astafa, Llunji, Hollaj, Salaj, Suma, Maxharri, Zeneli, Taipi
Alaj, Musliu, Kaleziq, Husi, Luka, Rizoja, Tahiri, Pali, Asllani, Doda, Muçaj, Tagani, Xhurreta, Bajraktari, Sinani, Hidra, Dibra, Zeneli, Osmani, Gjeloshi, Velia, Bulla, Heba, Avdiu, Shkreli, Mehmeti, Nelaj, Hajdari, Muja, Duraku, Rexhepi, Çobi, Seferi, Dushku, Çapriqi, Halili,Kulla, Kurmemi, Brkani, Hoti, Shabani Roma, Rexha, Nolekiq, Mehani, Shabani, Nasradini, Sylejmani, Nika, Islami, Rama, Ibroçi, Ceka, Saloviq, Jahja, Akamoli, Dabi, Ismaili, Husi, Ibrahimi, Likaj, Lukaj, Cekaj, Shabaj, Osmanaj, Çaushaj, Kasneci, Çotaj, Gjelaj, Kokaj, Kallaba, Dedaj, Palaj, Demiri, Bajra, Aloshi, Tafica, Bisha, Avdalli, Shaptafi, Cenaj, Zagaj, Laniku, Kraja, Cuku, Curani, Puliq, Bogaj, Seljan dhe Doçi.

Personalitetet popullore

Anamalasi për nga natyra është i zgjuar. Kjo veti është bartur brez pas brezi. E kaluara e bujshme dhe e trazuar historike e kësaj treve nxori në dritë personalitete të shquara popullore, që u dalluan për urti, mençuri, atdhedashuri dhe mbrotje të tokave shqiptare kundër pushtuesve të huaj. Në kujtesën popullore të kësaj ane, edhe sot ruhen burrat e dalluar popullorë, siç janë: Lanush Nuzi Peraj, pleqnues nga Shasi, Ali Çobi pleqnues nga
Krytha, Selim Shaptafi, klerik nga Kravari, Sait Cani Nika, kryeplak nga Rashtisha, vëllezërit Dyl e Nuz Mehmeti, Tahir Çapriqi, nga Shasi, Selim Duli Osmanaj, pleqnues nga Brajsha, Rexhep Mehani, pleqnues nga Milla, Sadik Velushi Kurta nga Sukubina, Musa Llolla, pleqnues nga Rashtisha, Malo Meti Kurti, kryeplak nga Sukubina, Rexhë Ahmeti Gjonaj, Jakup Xhafa, bajraktar nga Kravari, Mark Luca nga Amulli, Nuh Bajri, pleqnues nga Shtegvasha, etj. Këta dhe anamalas të tjerë jetuan me amanetin që asnjë pëllëmbë toke shqiptare të mos i shkëputet trungut dhe ajo të mbrohet.

Paria e Anës së Malit

Ana e Malit, sipas dëshmisë së veteranit të arsimit Faik Avdiu, 86 vjeç dhe vëllait të tij Rasim Avdiu, 84 vjeç, ish punëtor i Zyrës së vendit në Katërkollë, ka qenë komunë më vete gjatë viteve 1918 – 1955. Gjatë këtij harku kohor këtë komunë, qendër administrative e së cilës ka qenë Katërkolla, pohojnë vëllezërit

1.Tahir Ramja Çapriq, nga Krytha, kryetar (1918-1940)
2.Nuh Bajri, nga Kravari, kryetar (1940- 1944)
3. Qamil Luca, nga Sukubina, nënkryetar ( 1941-1943) dhe deputet në Kuvendin e Jugosllavisë së Vjetër
4. Ahmet Hoxha, nga Rashtisha, kryetar (1944-1954)
5. Musa Llolla, nga Rashtisha, kryetar i
Këshillit të Komunës së Anës së Malit ( 1946-1948)
6. Brahim Tagani, kryetar i komunës së Krythës.

Drejtuesit e komunës së Ulqinit dhe deputetët E rëndësishme të theksohet është fakti se kjo zonë ka nxjerrë tre kryetar të Komunës së Ulqinit, të cilët për 12 vjet kanë qëndruar në krye të saj, pastaj 2 nënkryetarë komune, 1 kryetar të Kuvendit Komunal dhe 4 deputetë. Kryetari i parë i Komunës së Ulqinit, nga kjo krahinë, në kohën e monizmit ishte Fadil Taipi, nga Katërkolla, Ai udhëhoqi këtë komunë dy mandate. Herën e parë udhëhoqi gjatë viteve 1969 – 1974 dhe, herën e dytë, gjatë viteve 1984 – 1985. Në kohën e pluralizmit politik këtë post e ushtroi Osman Rexha, nga Kllezna gjatë viteve 1996 – 1998 dhe Skender Hoxha, nga Sukubina gjatë viteve 1998 – 2002. Nënkryetar i Komunës së Ulqinit në kohën e tranzicionit ka qenë Tahir Tahiri, nga Katërkolla, në periudhën ( 2002-2006) , Ali
Doda, nga Shasi ( 2001-2002 ) dhe Osman Rexha . Nënkryetar aktual është Nail Rexha, nga Kllezna, ( 2007- ), kurse Muhamet Nika kryeson Kuvendin Komunal të Ulqinit. Pas viteve ‘ 90-të të shekullit të kaluar, në periudhën pas rënies së pushtetit komunist, deputet anamalas, përkatësisht të zgjedhurit e popullit ishin: Xheladin Zeneli nga Katërkolla ( 1990-1992) , Skender Hoxha, nga Sukubina ( 1992- 1994) Muhamet Nika, nga Rashtisha ( 1996-1998) dhe Amir Hollaj nga Katërkolla ( 2009-).

Koha Javore