Leterisa ure lidhese midis popujve – Video
Në kuadër të projektit ndërkombëtarë “ Dy gjuhë një libër” të cilin sëbashku e realizojnë organizata joqeveritare “ Prostori” nga Podgorica dhe Universiteti “ Luigj Gurakuqi “nga Shkodra, në Podgoricë u bë promovimi i librit “ Darka e Gabuar ” e Ismail Kadarese në gjuhën malazeze. Pas veprës “Gjenerali i Ushtrise së Vdekur” ky ështe romani i dytë me rradhë i Kadaresë që vjen ne gjuhën sllave. Interesimi per veprimtarine letrare të Ismail Kadarese në qarqet intelektuale malazeze ishte shumë i madh .
Projekti “ Dy gjuhë një libër ” sipas koordinatores Varja Gjukiq ëshë mirëpritur në te dy vendet fqinje si në Mal të Zi ashtu edhe në Shqipëri dhe po jep rezultatet e në njohjen reciproke te kulturave të dy vendeve dhe forcimit të raporteve të mira midis tyre.
Varja Djukiq
“Unë mendoj që bashkëpunimi kulturor në fushën e përkthimit dhe bashkëpunimit me institucionet e ndryshme kulturore dhe arsimore është më se i nevojshëm jo vetëm për Shqipërinë dhe Malin e Zi por edhe për mbarë rajonin “
Ndërkaq shkrimtari Ismail Kadare vlerësoj lartë mardhëniet e mira midis Shqipërisë dhe Malit të Zi dhe tha se ky është një lajm i mirë për Ballkanin
Ismail Kadare
“Të parët vende që janë në Ballkanin e ngushtë që po shkojnë mirë tashti është Shqipëria me Malin e Zi. Kjo është një gjë e mirë jo vetëm nga ana politike dhe gjeostrategjike e Ballkanit por duket edhe prekëse nga ana njerëzore. Është i pari popull sllav që po shkon normalisht me shqiptarët . Ky është një lajm i mirë në Ballkanin, është një lajm shpresëdhënës ëshë një lajm që i nderon të dy popujt dhe nderon Ballkanin në përgjithësi sepse Ballkani nuk është mjaft i nderuar .”
kadare ndër të tjera tha se autorët më të njohur malazez kanë qenë të njohur në Shqipëri që nga koha e Monarkisë dhe gjatë viteve të diktaturës . Në këtë aspekt ai u ndal tek veprimtaria e shkrimatrit malazez Mark Milani i cili siç dihet ka shkruajtur për doket dhe zakonet shiptare. Sipas tij këta shembuj eshtë dashur te shfrytezohen dhe te përmenden në kohen kur Ballkani ka qenë arenë konfliktesh .
Ismail Kadare
“ Mua më vjen keq që porositë e tij nuk janë kujtuar vitet e fundit kur Ballkani kishte kaq shumë nevoj për to .Mua më vjen shumë mirë që ky njeri nderohet në Mal të Zi . Kjo tregon që porositë e tij nuk hidhen poshtë por me sa duket me vonesë janë ripërtrirë.”
Me mjaft vemendje nga publiku u përcoll intervista që me z Kadare zhvilloi artisti dhe regjisori i njohur boshnjak Dino Mustafiq . Mesazhet që dha Kadare gjatë bisedës disa herë u ndëprenë me duartrokitje nga publiku . Kësaj ngjarje sot po i kushtojne rëndësi të vecante të gjitha mediat në Mal të Zi si dhe takimit që ismail Kadare pati me Kryeministrin e Malit të Zi Igor Llukshiq .