Kryetari i LD në MZ Mehmet Bardhi beson se Mali i Zi deri në qershor të vitit 2012 duhet të tregojë vullnet për për të zbatuar standardet euro-atlantike si vlera për në rrugën për në Bashkimin Europian.

Ai tha se shqiptarët nuk kanë dilema rreth anëtarësimit në institucionet euro-atlantike, por thotë se ata kërkojnë të realizohen dhe të respektohen të drejtat njerëzore dhe kombëtare.

“Në vitin që lamë pas autoritetet malazeze jo vetëm nuk i ka përmbushur pritjet dhe as që kanë korrigjuar padrejtësitë e bëra ndaj shqiptarëve në të kaluarën, por përkundrazi, me miratimin e disa ligjeve diskriminuese, shqiptarët në Mal të Zi i kanë i sjellë në një pozitë të pabarabartë, duke iu marrë të drejtat e tyre historike dhe kombëtare, madje edhe të drejtat e fituara”, tha Bardhi, shkruan Dan.

Autoritetet, sipas Bardhit, nuk ka treguar dëshirë të mirë që të respektojnë edhe kushtetutën kur është fjala për përfaqësimin autentik në kuvendin e Malit të Zi, si dhe përfaqësim në shërbimet publike, shtetërore dhe të vetëqeverisjes lokale.

“Shërbim publik shtetëror, programin në gjuhën shqipe” Mozaiku 60 “, nga një orë në javë e ka shkurtuar në 45 minuta për ta reduktuar kohëve të fundit në gjysëm ore. Injorimi i përfaqësuesve shqiptarë në bisedimet për tregti politike pas së cilës është miratuar ligji zgjedhor me votat e shumicës malazeze-serbe, shqiptarët  janë privuar nga të drejtat politike të fituara prej pesë vende në kuvend. Me miratimin e ligjit për organizim territorial, për Malësinë është bërë praktikisht e pamundur për të marrë komunën e plotë,” tha Bardhi.

Duke u përgjigjur pyetjes nëse viti 2012 do të jetë vit  zgjedhor, Bardhi tha se ka punë më të rëndësishme. /Ulqini Online/