Shkaku i kësaj përleshje nuk është bërë i ditur në  Kantonspolizei Zürich, ndërsa incidentin nuk e ka konfirmuar edhe zëdhënësi i policisë në Zurich, i cili ka thënë se policia nuk është në ndjekje të personave pjesëmarrës të këtij incidenti.

Lajme nga Ulqini

Sot në orët e para të mëngjesit anëtarët e labelit “BABA STARS” kanë rrahur reperin, Noizy, dhe një anëtar tjetër të grupit OTR.

E gjithë ngjarja ka ndodhur sot në mëngjes në aeroportin e Zurich-ut.

Sipas burimeve, Noizy ka pësuar lëndime të rënda trupore dhe tashmë gjendet në përkujdesjen e mjekëve.

Ndërsa anëtarët e labelit “BABASTARS”, janë shoqëruar në stacionin policor të kantonit.

Noizy e mohon te jete rrahur nga Grupi Babastars

Noizy, ka shfrytëzuar profilin e tij në Facebook për të demantuar se ai është rrahur nga BabaStars. Ai ka postuar edhe një video, ku shfaqet shëndoshë e mirë dhe ku po ashtu shfaq një stoli të një prej anëtarëve të BabaStars. Të njëjtën gjë më vonë e kanë bërë edhe këta të fundit, me Ledrin që e ka ftuar Noizyn për duel tjetër në Zurich.

 

Ngjarja e cila besohet të ketë ndodhur në aeroportin e Zurichut në ora 9:00 të mëngjesit ka pasur për protagonistë anëtarët e ‘labelit’ BabaStars dhe reperin e OTR, Noizyn, ashtu si një mik të këtij të fundit. Burimet e Telegrafit kanë konfirmuar se Noizy ka pësuar lëndime dhe se është rrahur nga BabaStars, por këtë e ka demantuar reperi kontravers.

“Në Zurich në gjendje shumë të mirë. Thuju atyre ta bëjnë një video tani pasi Noizy e bëri hahahahahha”, është shprehur Noizy në profilin e tij në Facebook.

Më poshtë mund të shihni dhe videon në të cilën Noizy ‘reklamon’ pjesët e trupit të tij në ora 15:00, vetëm 20 minuta pas lansimit të lajmit nga ana e Telegrafit. Noizy në këtë video po ashtu ka shfaqur një stoli e cila besohet se i takon një prej figurave kryesore të BabaStars, Ledrit.

Nga ana tjetër, disa orë pas rrahjes, anëtari i BabaStars, Visar Shala, ka postuar një fotografi ku është shfaqur shëndoshë e mirë dhe pa shenja nga rrahja. Pos Visarit, në Twitter është shprehur edhe Ledri, i cili ka shkruar:

“A osht bajram sot a?! Se i kena pre dy kurbana për hapjen e Duplex-Club në Zurich Mo-fo City1 haha That’s What’s Up, BabaStars”, ka theksuar Ledri duke i quajtur anëtarët e OTR, Noizyn dhe Onzinon si kurbanë pas rrahjes.

Kështu, ende nuk dihet sakt se kush kë e ka rrahur, por një gjë është e sigurtë – Përçarjet dhe konfliktet mes reperëve shqiptarë jo që do të ndalen, por vetëm sa janë intensifikuar pas këtij incidenti.     /Telegrafi/