Nga Beqir Sina

Duke iu rikthyer historisë bashkësia shqiptare në Amerikë këtë 100 – Vjetorë të Ditës së Flamurit – Shpalljes së Pavarësisë, kudo në qendrat më të populluara me shqiptarë në Amerikë, këtë ditë të shenjtë – 28 Nandori – 1912-, është përgatitur për t’a shënuar me një madhështi të pashoqe.

Në Amerikë ka ditë që kanë filluar përgatitjet e mëdha – ato i sheh me një interesim të jashtëzakonshëm  kudo në klubet shqiptare, shoqatat dhe organizatat shqiptare në Amerikë. Kudo dhe për çdo ditë në vigjilje të festës ka lajme se janë mbajtur aktivitete në nderë të këtij 100 vjetori.

Të cilat janë paraparë të kulmojnë në 28 Nëntor në zemër të Nju Jorkut – me ngritjen e flamurit dhe një koncert të madh festivë në qendër të qytetit sheshin e famshëm “Times Square”. Si dhe me veshjen vetëm kuq e zi të çdo rruge dhe sheshi , shtëpie apo biznesi , veture apo klase ku jetojnë e punojnë shqiptarët e Amerikës.

Një delegacion i gjerë nga shqiptarët e Amerikës, 100  patriot, atdhetar dhe veprimtarë të dalluar të bashkësisë shqiptare në Amerikë, niset këto ditë, për të marrë pjesë si një qind vjet më parë në Vlorë, i ftuar nga qeveria shqiptare, dhe personalisht Kryeministri Berisha, në festimet madhështore që do të organizohen në Shqipëri.

Ata janë gati të shkojnë si 100 vjetë më parë, kur u ngritë në Vlorë – flamuri dhe nga shoqata PanShqiptare e Amerikës VATRA, që u themelua gjashtë muaj më parë se të Shpalljes Pavarësia e Shqipërisë, dhe dha sinjalin e saj të parë se Pavarësia e Shtetit Shqiptarë po vinte-

Përkujtimi i ngritjes së Flamurit Kuq e Zi me shkabën dy krenare, në Vlorën historike,me dinjitet e krenari të lart kombëtare, do të festohen edhe në Toronto – Kanada – Bashkatdhetarët tanë atje shoqatat, organizatat dhe grupe të tjera kanë përgatitur një koncert të madh festivë me disa nga këngëtarët, aktorët, dhe personalitetet më të shquara nga komuniteti dhe nga vendlindja.

Gazetat e komunitetit Illyria, Bota Sot, dhe Dielli janë duke u përgatitur për daljen me numra special kushtuar 100 Vjetorit të Pavarësisë së Shqipërisë.

Njëherit, masat janë marrë edhe për ngritjen e flamurit shqiptarë në shtizën e Bashkisë së Torontos si në New York, dhe në Boston – Uster Massachusetts në Stamford dhe Waterbury të Connecticut, dhe qytetet e tjera në SHBA. Kisha Katolike Shqiptare Zoja e Shkodrës në Kumbonën e saj sipas traditës bënë ngritjen e flamurit kuq e zi dhe do të mbaj meshën e Pavarësisë. Sikurse, edhe Kisha Katolike Shqiptare Zoja Pajtore dhe Shën Palit, në Michigan do të mbajë meshë të veçantë me rastin e 100 Vjetorit të Pavarësisë. Edhe Teqeja Bektashiane dhe Xhamitë do të kenë veprimtari me rastin e Pavarësisë.

Padyshim, që kulmi i këtyre festimeve mendohet se do të jetë kryeqendra e re shqiptarëve të Amerikës, Tre- Shtetshi, New Yorku, New Jersey, Connecticut – zona ku mendohet se jetojnë rreth 150 mijë shqiptarë.

Në Boston dhe Uster Massachusetts në Stamford dhe Waterbury të Connecticut do të ketë darka, koncerte dhe pjesë teatrale si dhe do të bëhet ngritja e Flamurit Kuq e Zi me shkabën dy krenare në majën e shtizës së bashkisive të këtyre qyteteve.

Në New York, “kryeqyteti” i Shqiptarëve të Amerikës, shqiptarët do të jenë të përbashkuar nga të gjitha trojet, Shqipëria, Kosova, Kraja Ulqini, Plavë – Gucia, Presheva, Bujanovci e Medvegja, Tetova e Gostivari, Struga, Kumanova e Dibra, Preveza, Filati  – Çamëria,  të përbashkuar rreth shoqatave dhe organizatave të tyre do të festojnë në mënyrën më madhështore. Në çdo shoqatë, organizatë dhe grupe shqiptarësh ka një interesim të jashtëzakonshëm në mesin e shqiptarëve këtu. Kudo ndihet atmosfera e festës së 100 vjetorit të Shtetit Shqiptarë i lirë, sovranë dhe i pavarur.

Në kryeqendrën e festimeve madhështore për 100 – Vjetorin e Pavarësisë së Shtetit Shqiptarë, Federata PanShqiptare Vatra, e cila ishte e para që 100 vjet më parë solli lajmin e Pavarësisë në Amerikë, bëri thirrje që të festojmë të përbashkuar dhe i kujtojë edhe një herë Bashkësisë shqiptare se  me 25 Nëntor, ora 7:00 e mbrëmjes, në lokalin e njohur në Bronx – New York, “Maestro”s”.

Federata Panshqiptare e Amerikës së bashku me Bashkësinë shqiptare dhe Shërbimet Diplomatike Shqiptare(Kosovë e Shqipëri) në SHBA, festojnë 100 vjetorin e Pavarësisë. (Argëtojnë: Grupi i mjeshtërve të muzikës popullore shqiptare bilbili i këngës së “Shqipërisë së Mesme ” Merita Halilit me fizarmonicistin e mrekullueshëm Raif Hysenit si dhe këngëtarë të tjerë të komunitetit. – I ftuar special është këngëtari i ri i talentuar: Bledar Maqellara dhe Haxhi Dauti i cili ka bërë dy këngë enkas për këtë 100 vjetor një për Pavarësinë e Shqipërisë dhe një për Vatrën.

Anëtari i Asamblesë së New Yorkut, bashkatdhetari ynë Mark Gjonaj i dalluar si veprimtarë dhe aktivist i komunitetit në këtë zonë, dhe një zë i fuqishëm për komunitetin shqiptar në këtë lagje të qytetit Bronx-it, i cili ka popullsinë më të madhe të emigrantëve shqiptarë, nga Kosova, Shqipëria, dhe viset shqiptare, e dyta ose e treta për nga numri në shtetin e New Yorkut, për  28 Nëntorin Ditën e Flamurit tonë Kombëtarë,, me shpenzimet e tij e zbukuron qytetin e Bronxit me flamujt kuq e zi, duke bërë që që flamuri ynë kombëtarë të valëvitet në çdo rrugë e shesh të këtij qyteti me dy milion banorë.

Në Michigan – Detroit, duket se çdo gjë do të kulmojë në ““The Imperial House” me pronarë shqiptarë zotin Ndue Ftoni, i cili ka deklaruar se :” Me shume se 1000 vetë janë pjesëmarrësit që do të festojnë me 28 nëntor 2012 ,ditën e 100 vjetorit të shpalljes së Pavarsise Kombetare dhe krijimit të shtetit tonë- në lokalin e tij ku gjithçka do të jetë gratis- falas”.

Ky lajm bëhet i ditur nëpërmjet deklaratave të pronarit të saj Ndue Ftoni dhe stafit organizativ të festes ku thuhet se hyrja e më shumë se 1000 vetëve do të jete falas – ushqimi dhe vera në tavolinat e pjesëmarrësve do të jetë falas po nga pronari Ndue Ftoni, shkruajnë mediat shqiptare nga Detroiti.

Sipas tyre në këtë “dasmë” të madhe shqiptare do të ketë fjalime të rastit si dhe do të marrin pjesë, përfaqësues nga shteti i Michiganit,drejtues te qytetit ku ka veprimtarinë e tij “The Imperial House” dhe biznesi i Ndue Ftonit.Grupe me këngëtarë dhe valltar, të ftuar nga Shqipëria do të krijojnë një atmosferë festive” shkruajnë portalet shqiptare nga Michagani.

Por, në Michigan nga pamundësia për të mbledhur të gjithë shqiptarët bashkë ngaqë ka një interesim të jashtëzakonshëm në këtë komunitet ashtu si dhe në vendbanimet e tjera me shqiptarë në Amerikë, shoqatat, organizatat dhe grupe të tjera do të organizojnë manifestime të mëdha në kuadrin e 100 Vjetorit të Shtetit Shqiptarë, me koncerte, fjalime dhe darka argëtuese.

Në Atlanta të Gjorgjisë, Grinsboro të Karolinës së Veriut dhe Roanoke të Virxhinisë, Bashkësitë shqiptaro-amerikanë të këtyre tri shteteve Ditën Pavarësisë dhe të Flamurit tonë kombëtar, do t’a shënojnë përmes manifestimeve kulturore artistike, që do të organizohen me këtë rast.

100 Vjet Pavarësi është titulluar manifestimi i madh me shqiptaret që do të mbahet në Madison Wisconsin- Kremtimi i 100 Vjetorit të pavarësisë!!!! Kryesia e komunitetit shqiptaro amerikan për Madison, Wisconsin do të organizoje manifestimin madhështor, thonëtë ky komunitet shqiptarësh.

100 Vjet Pavarësi  edhe në Florida me muzikë nga Shqipëria dhe Kosova e të gjitha trevat shqiptare.

Darke Festive për 100-Vjetorin e Pavarësisë së Shqipërisë në Massachusetts organizon edhe Shoqata shqiptaro-amerikane e Masaçusetsit “Besa”, e cila ka ftuar në festimin e madh të 100 vjetorit të Pavarësisë të gjithë shqiptarët.

Mbrëmje Madhështore per 100 Vjetorin e Pavarësisë edhe në shtetin e New Jerseyit – nga Fondi i Përbashkët Shqiptarë i Patersonit – Xhamia dhe shoqatat dhe organizatat e tjera atje të gjitha janë bërë gati për koncertin madhështor me rastin e 100 vjetorit Pavarësisë së Shqipërisë për komunitetin shqiptarë, në shtetin e New Jersey-it.

Festa madhështore ka mbërritur edhe në Los Angelos të Kalifornisë  me rastin e 100 vjetorit të Pavarësisë së Shqipërisë thuhet në një njoftim të këtij komuniteti. Komuniteti shqiptarë ka “hapur” dyert e festës edhe për shqiptarët atje.

Festa e Flamurit 100 vjet Pavarësi do të kremtohet edhe në Pennsylvania – Festojm 100 vjetorin e pavarësisë të Kombit shqiptare, në Restorantin King’s Caterers të dielën në 25 Nëntor nga ora  5pm deri në 11pm thuhet në një njoftim të tyre.

Mbrëmje e Madhe Shqiptare në Tennessee e kanë quajtur manifestimin e tyre komuniteti shqiptarë në Nashville ku njëjta madhështi mbizotëron edhe në të gjitha mjediset shqiptare në Illinoi shtetin fqinjë .Organizatorët atje kanë disa festime të përbashkëta në baza shoqatash, organizatash dhe grupeve të ndryshme në komunitet, Ndërkohë që njëri prej festime të shumta mbahet në nder të 100 vjetorit të pavarësisë së Shqipërisë në Marriott hotel me orkestër dhe këngëtar Shqiptar nga Chicago

Kremtim i 28 Nëntorit- 100 vjet Shtet Shqiptar, pritet me gëzim të madh edhe në North dhe South Carolina, Washington, Dallas – Texas, Feniks – Arizona, dhe deri në Alaskën e largët – ku ka njoftime se grupe shqiptarësh kanë lajmëruar se me rastin e 100 vjetorit të Pavarësisë së Shqipërisë do të organizojn një manifestim madhështor dhe që do të mbahet mend gjatë, në Alaskën e largët dhe ku jeton një komunitet i vogël shqiptarësh kryesisht i ardhur nga Dibra e Madhe.

E njëjta atmosferë festive ndihet në çdo mjedis  në mesin e shqiptarëve në New York, Çikago, Nju Jersi, Miçingan, Florida, Arizona, Teksas, Kaliforni, Karolina e Jugut dhe e Veriut, Uashington , Pensillvenia e Kenektiket, ku janë më të përqendruar shqiptarët.

Shqiptarët, në New York, sipas forumeve elektronike, po kërkojnë nga komuniteti që të ndriçojnë në ngjyrë të kuqe, njërën prej ndërtesave më të lartë në qytet – gradacilen – Empire State Building e cila është një 102-katëshe – rrokaqielli vendosur në Manhattan Midtown, New York City, në kryqëzimin e Fifth Avenue dhe West 34 Rruga dhe është simbol i ngjarjeve të veçanta në qytet.

Të gjithë janë bashkuar dhe do t’a festojnë këtë festë të bashkimit me moton: Shpallja e pavarësisë së Shqipërisë, vazhdim i natyrshëm i Bashkimit tonë Kombëtarë, ëndrrës së kamotshme të të gjithë shqiptarëve – deri në bashkimin me të gjitha trojet tona Etnike.

Bashkëpatriotët, tanë ku nuk munguan edhe delegatët nga Shqiptarët e Amerikës 100 – Vjet më parë më – 28 Nëntor 1912 -, në qytetin e vjetër të Vlorës, kur ngritën Flamurin kombëtar kuq e zi, thonë se këtë 100 Vjetor me mënyrën e të festuarit, në bazë grupesh të ndryshme, klubesh, shoqatash, organizatash, dhe shoqërive, do ti japin të kësaj feste kombëtare, e cila mbahet si një arritje e madhe në bashkësinë shqiptare në Amerikë, një madhështi të pa parë ndonjëherë në historinë e shqiptarëve të Amerikës.

Kudo kësaj feste është duke iu kushtuar një rëndësi e madhe, dhe interesim i jashtëzakonshëm e cila padyshim është e vetmja festë kombëtare, që i bashkon shqiptarët ngado, pa dallime fetare, krahinore apo ideologjike, e partiake. Dita e Pavarësisë, në bashkësinë shqiptare në Amerikë, shënohet në mbarë vendbanimet shqiptare, me darka solemne, koncerte festive, manifestime të ndryshme festive dhe me aktivitete të tjera. (INA)