Rritet interesimi për ndërtimin e kompleksi turistik në Plazhin e Madh nga Rotana hotels Group

Kryetari i Komunës së Ulqinit, Nazif Cungu, priti Selim El Zyr, direktorin dhe fondatorin e Rotana Hotel Group

Kryetari i komunës së Ulqinit, Nazif Cungu, ka pritur një grup investitorësh nga Libani të Rotana Hotel Group, të cilët janë të interesuar për ndërtimin e një kompleksi turistik në Plazhin e Madh.

Në kuader të këtij takimi investitorëve libanez  në krye me direktorin dhe fondatorin e Rotana Hotel Group z. Selim El Zyr iu prezantuan mundësitë e investimeve dhe valorizimit të Plazhit të Madh. Në deklaratën për shtyp të Zyrës së kryetarit të Komunës së Ulqinit thuhet se investitorët libanez kanë shprehur gatishmëri për ndërtimin e një kompleksi turistik me 4 apo 5 yje në këtë zonë, me të gjithë infrastrukturën përcjellëse.

Kryetari Cungu me bashkëbiseduesit nga libani u takovën për her të pare në Panairin e patundëshmerive në Mynih të Gjermanisë.