JP CENTAR ZA KULTURU

NP QENDRA E KULTURËS

Ulcinj-Ulqin

Br./Nr.zyrtare

25.12.3013

 

                                                            Konferencë për media

Ka kohë që ekziston një çështje e pazgjidhur në mes Qendrës së Kulturës dhe Ministrisë së Arsimit, e ate jo me fajin tone por me qendrimin e refuzues nga ana e Minsitrisë së arsimit. Fjala është për hapësirat të cilat i shfrytëzon Shkolla për arsim fillor të muzikës në sipërfaqe prej 272m2, pa asnjë vendim apo kontartë nga data 18.5.2010.

Enkas në lidhje me ketë çështje në mbledhjen e Këshillit Drejtues të Qendrës së Kulturës me datë 24.6.2013, është marrë vendim qe të përgatitet Kontrata dhe ajo te nënshkruhet ne mes Qendrës së Kultures dhe Ministrisë së arsimit  e nëse diçka e tillë nuk arrihet atëher përfaqësuesit e Shkollës për arsim fillor të muzikës duhet të  lirojnë objektin. Unë e kam përgatitur Kontartën dhe e njëjta i është dorëzuar në Arkiven e Ministrisës së Arsimit në Podgoricë dhe mban nr. e protokollit 01-3375/2 më datë 13.9.2013. Në Kontartë janë shënuar obligimet e Ministrisë për të shlyer borxhin e qerasë për vitin shkollor 2010/2011, 2011/2012 dhe 2012/2013, në shumën totale prej 20.000 euro, ndërsa për vitin shkollor 2013/2014 duhet të përgatitet kontratë e veçantë.

Edhe pse është arritur marrëveshje paraprake me këshilltarën e ministrit që ajo do të nënshkruhet  deri më tash nuk kemi  përgjigje nga ana e Ministrisë. Nga një veprim i tillë  del qartë  se Shkolla për arsim fillor të  muzikës është duke e shfrytëzuar  lokalin  tonë  pa asnjë vendim apo kontratë  valide nga data 18.5.2010, që është rast pa paresedan ne boten demokratike.

Njoftojmë  më ketë rast se si më parë edhe tash Qendra mbulon shpënzimet e ujit dhe komunalisë edhe për  Shkollën e ulët të muzikës pa asnjë kompensim. Veprimi refuzues nga ana e Minsitrisë së Arsimit nuk mund të arsyetohet më asgjë, sepse  kur ka mjete financiare për të investuar në mjedise të tjera në Mal tël Zi  me miliona euro, atëher duhet të ketë  mjete për të paguar edhe qeranë ndaj nesh e cila është shumë e ulët.  Ne habitemi me qasje joserioze për një çështje shumë serioze nga ana e Ministrisë së arsimit. Një veprim i tillë nuk nderon as Ministrinë e arsimit e as Qeverinë e Malit të Zi.  Por, ne  fund presim që kjo çështje të zgjidhet  me konsenzus qe  të jetë në favor të dy palëve, në të kundërtën do të jemi të detyruar për të marrë masa të cilat nuk janë në etikën tonë.

Drejtori

Dr.Nail  Draga