Fuad Haxhibeti: Refuzimi i votimit të vendimit për interesa personale
Ulqin, 28.12.2013
Refuzimi i votimit të vendimit për interesa personale
Refuzimi i votimit të Vendimit për financim të përkohshëm të Komunës së Ulqinit , nga ana e këshilltarëve te subjekteve politike në Kuvendin e Komunës së Ulqinit me përjashtim të Forcës së re demokratike , dëshmon mos gadishmërin dhe mospërgjegjsin e subjekteve politike .
Me gjithë angazhimin maksimal të kryetarit të komunës z. Nazif Cungut , që për këto dy vite ka arritur ti shlyej borxhet e bëra nga ekzekutivi i mëparshëm në vlerë afer 4 milon euro, komuna nuk ka pasur mundësi për të shlyer të gjitha obligimet financiare ndaj subjekteve të ndryshme. Andaj duke patur parasysh gjendjen aktuale financiare,do te kishte qene e udhes qe këshilltarët të reflektojnë pozitivisht ne menyre qe te tejkalohet kjo situatë e jo të refuzohet miratimi i Vendimit për financim të përkohshëm.
Forca e re demokratike i kupton subjektet politike se në prag të zgjedhjeve lokale kanë nevojë për marketing politik , por njofton opinonin se një veprim i tillë është kundër interesave të të punsuarve dhe subjekteve në admininistratë komunale të cilët gjatë dy viteve të fundit punuan me një përkushtim të madh. Andaj, një përgjegjesi e tillë bie mbi ata subjekte politike të cilët nuk votuan pikën e rendit të ditës për financim të përkohshëm , ku në rend të parë kanë interesin personal dhe partiak, e jo atë të qytetareve të cilët i perfaqesojne.
Andaj , si deri më tash edhe në të ardhmen Forca do të jetë në mbrojtje të interesit të qytetareve , dhe si e tillë dallohet nga subjektet tjera politike , që është dëshmuar edhe me mbështetjen e votueseve në komunën e Ulqinit.
Kryetari i Klubit
Mr. Fuad HAxhibeti