A jemi në prag të një skandali financiar në komunën e Ulqinit nga Muhamet Nika
A JEMI NË PRAG TË NJË SKANDALI FINANCIAR NË KOMUNËN E ULQINIT
KËTYRE DITËVE QËTETARI I THJESHTË MUND TË KËRKOJË TË KETË PËRGJEGJE RRETH DY ÇËSHTJEVE QË DO ISHIN :A ËSHTË KOMUNA E ULQINIT NË PRAG TË NJË SKANDALI TË RI FINANCIAR . OSE PËRSE DEPUTETËT SHQIPTARË VENDOSËN TË PËRKRAHIN DPS-IN E GJUKANOVIQIT DUKE BLLOKUAR NË KUVEND MOSZGJEDHJEN E PROKURORIT SHTEROR QË KËRKOJNË OPOZITARËT DHE AMERIKANËT , PASI NGA KOALICIONI ME DPS U SHKËPUT EDHE SDP-JA ….
Për të dhënë një pikë sqarimi rreth çështjeve le t’i kthehemi skandalit të një procesi gjyqësor i cili po duket që peshon si një gurë i lidhur rreth qafe tash sa vite për buxhetin e Ulqinit, sepse thuhet: “ po të ndjekësh ujin , arrin në burimin e tij..?! Frika nga” ky gur…”, kaplon të gjithë buxhetorët e komunës sepse kjo do të thotë që sërish të mbetesh pa të ardhura….?!!
Afera “Partizanski put “ dhe historiku i problemit?!
Mbaj mend që diku gjatë vitit 2008, për momentin në llogarinë bankare të Komunës së Ulqinit u gjend një shumë e konsiderueshme parash prej mbi 800 mijë e sa eurosh të cilat u grabitën nga gjykatat . Të hollat për çudi , atëherë askush nuk po i trazonte nga arka edhe pse duke pasur parasysh obligimet e pashlyera të komunës EUROT, paraqisnin një rrezik tepër real për bllokimin e tyre nga gjykatat… Tjetër, në se kësaj i shtoheshin edhe proceset gjyqësore nga kontratat e ndryshme të trashëguara nga koha e komunizmit, që shkonin në dëm të komunës atëherë lënia e parave në arkë nuk tregon se ishte veprim i mençur…, ose i binte të ishte hileqar…?!! Nisur nga përvoja e ndodhur me “ skandalin e mushkajave” të para do viteve, ishte më se e qartë që këto para me ndihmën e gjykatave dhe mafiozëve- dihet bashkë me këta të komunës, në këtë formë, apo ndonjë tjetër, se po u hapej shtegu i plaçkitjes së me njëhershme. Kjo ndodhi, mbase në emër të një borxhi të komunës me siguri të pa qenë që kish komuna ndaj ish ndërmarrjes komuniste “Partizanski put”.
Më herët në një kohë tjetër, me kryetarë tjerë, por në situata të ngjashme, kur kishte derdhje parash më shumë se nevojat e komunës , për momentin, në konto, kryetarët e atëhershëm , thuhej se kujtoheshin që shuma të tëra parash t’i kalonin në arkat e subjekteve tjera deri sa u gjendej vendi dhe kalonte rreziku …. Kuptohet se një veprim i tillë ishte në suaza ligjore. Mirë po edhe atëherë përkundrejt këtyre masave pëlciste sherri sepse ngjante që jo të gjitha paratë të ktheheshin sërish në arkën e komunës. Ose i binte të ktheheshin me vonesë. Kësaj here nuk ngjau kështu.., nuk vonoi shumë dhe nëpër zyrat e pushtetit vendor e më pas dhe në kafene u përhap lajmi që shuma e parave me vendim të gjykatave kaloi për punë borxhi trashëgimtarëve të firmës së dikurshme “Partizanski put”. Kish shumë prej atyre të cilët me të drejtë ceknin se kjo firmë nuk ekzistonte dhe gjithashtu sipas tyre po të ekzistonte e regjistruar në letër e vërtetohej se nuk kish qarkullim parash në arkën e vet asaj sipas ligjeve të subjekteve ekonomike në fuqi i pushonte e drejta e përcjelljes së parave…?!!
Vlen të cekët këtu se në nivel të Malit të Zi, vënia dorë e gjykatave në buxhet të komunave , duke paralizuar po thuaj se të gjithë sistemin e tyre, për herë të parë u aplikua në Ulqin, me skandalin e mushkajave, mirë po , më pas shohim që kjo praktikë tu pëlqejë edhe tjerëve , duke u shndërruar në dukuri në nivel të shtetit.
Edhe pse parat u morën skandali vazhdon
Mirë po si duket ky skandal nuk do të përfundojë me kaq dhe sërish po thuhet se firma “fantom”gjoja , në emër të kamatës së pa shlyer me vite asaj sipas gjyqit i takon të zhvatë edhe një shumë shtesë nga arka e komunës prej 500 mijë eurosh . Kurse puna pritet të realizohet këtyre ditëve. Ka shumë gjëra të pa qarta rreth kësaj çështjeje të cilat krijojnë dyshime dhe po t’i numëronim si pas radhës do të ishin si më poshtë:
E para, dilema numër një e këtyre ditëve, që kërkon sqarim është çështja , se , përse politika nacionale vendosi që me votën e vet t’i bashkohej partisë në pushtet duke bllokuar zgjedhjen e prokurorit shtetëror në momentin kur ajo e ka humbur aleaten e vet- SDP-në, që në këto momente është duke përkrahur me të drejtë opozitën. Dhe a thua se kjo do të duhej të ndodhte mu kështu , kur amerikanët dhe ambasada gjermane insistojnë që sa më parë të zgjidhet prokurori e sipas tyre, brenda vitit, dikush duhet të përfundojë sa më shpejt pas hekurave në emër të korrupsionit. Athua pse politika nacionale po e lidhë fatin e saj me fatin e DPS-it i cili duket se e kaloi zenitin e vet politik. Dhe me sa po shihet në Mal të Zi , opozita është duke u bërë për çdo ditë e më shumë shpresëdhënëse për të huajt . Kurse kjo ngjet për arsye të postimit të drejt të saj kah politika zyrtare pro-serbe . Kjo e fundit është ka fiton në peshë për primatit politik gjithnjë e më tepër, pas transformimeve në vepër në Serbi , e si doemos pas arrestimit të disa bosëve të drogës në nivel ndërkombëtar.
E dyta, përse pushteti aktual shihet se nuk mendon të ndjekë shembullin e transparencës rreth kësaj çështjeje ashtu siç ngjau rreth vitit 2000, kur kryetari i komunës, S. Hoxha po e ndiente rrezikun e ekzekutimit të lëndës nga gjykata, andaj edhe e mblodhi kuvendin e komunës së Ulqinit për të marrë qëndrim dhe për të përralluar e diskredituar gjykatat. Efekti ishte tepër i madh kështu që edhe ekzekutimi i lëndës së cekur u shty për një kohë tjetër…?! Kuptohet që ai ishte i vetëdijshëm për pasojat ligjore, sepse ai, si kryetar, ose vetë sekretari për mbrojtjen e pasurisë, në bazë të ligjit në fuqi, në gjyq, nuk ka të drejtë të flasë në emër të kuvendit, në se shuma e borxhit i kalon të 30 mijë eurot…?!!!
E treta, pa marrë para sysh vendimin e gjykatës, ai nuk mund të ekzekutohet si lëndë, në se kryetari i komunës cek se të hollat që mund të gjenden në arkë nevojiten ta zëmë , për shpenzime operative , për rroga të punëtorëve dhe për raste tjera emergjente. Ligji nuk e parasheh që sistemi të jetë kundra sistemit. Pra në emër të borxhit, t’ia ndalosh dikujt ushqimin e përditshëm, nëse ai nuk ka para më tepër. Por nëse komuna është pyetur, për çka është e përcaktuara, ta zëmë ,shuma prej 800 mijë eurosh dhe askush nga komuna nuk i përgjigjet , atë herë mund të ndodhë nga gjykata ekzekutim që edhe ndodhi.
E katërta, Për se nuk u kërkua ose nuk kërkohet raport rreth asaj se si u bë mbrojtja e lëndës në gjyq – athua për çfarë arsyesh nuk shkuan për të mbrojtur lëndën në Gjykatë avokatët e saj dhe ti bëhet një analizë procedurës. Athua emërtimi i një avokati të ri të jashtëm përveç atij ekzistuesi po ashtu nga jashtë mund të paraqesë penalti të re nesër nga komuna..
Dhe e pesta, për se nuk ngritët padi, ndaj ekspertit(vjeshtakut) të gjyqit, i cili përllogariti vlerën e borxhit dhe të kamatës. Athua se kur ndodhin të gjitha këta lëshime, njeriu ka të drejtë të dyshojë se fjala mund të jetë edhe për krim të organizuar që është duke u bërë në komunë në emër të drejtësisë gjyqësore. Me gjithë këtë që u cek duket se lidhet edhe përkrahja e DPS-së nga politika nacionale shqiptare kur nuk u përkrah zgjedhja e kandidatit të ri për prokuror. Cekim se kandidati për prokuror kish paralajmëruar në Televizionin Vjesti, se nëse zgjidhej , pa hezitim to të ngrite padi kushdo qoftë në pyetje nga politika.
Në fund , për të sqaruar , problemet e cekura, personalisht mendoj se e vetmja metodë që të punësuarit e komunës të mbrohen nga krimi i organizuar që lidhet me gjyqësorin dhe instancat tjera do të ishte mbajtja e një mbledhjeje të veçantë të kuvendit të komunës për të nisur hetimet nga prokuroria rreth problemit të korrupsionit grupo që ka ngjarë dhe dy, të punësuarit e komunës të padisin gjithsesi punëdhënësin rreth mos shlyerjes së detyrimeve duke paralajmëruar edhe hyrjen e administratës në grevë. Është më e moralshme që këto para, në emër të borxheve, të përfundojnë në xhepat e të punësuarve se sa në xhepat e dikujt tjetër.