Ulqin, policia largon 20 lypsarë nga Mali i Zi
Policia në Ulqin ka larguar dje nga rruga 20 lypsarë
Mbasi që në gati çdo mbledhje të deritashme të Trupit koordinues për përcjelljen e sezonit turistik njëzëri është konstatuar që numri i madh i lypësve në rrugë ndikon në fotografinë që mysafirët krijojnë për Ulqinin, komuna dhe policia të enjten në mbrëmje nisën aksionin, njofton portali i pavarur indormativ Ul-info.
Siç mësojmë, këtë herë mbi 20 persona të kombësisë rome janë transportuar në vendbanimet e veta, në Berane apo deri në kufirin e Kosovës.
Ky aksion do të vazhdojë edhe ditët e ardhshme. Jozyrtarisht Portalit Ul-info është thënë që lypësit, zakonisht, janë persona minoren të cilët të kushërinjtë e afërt apo të largët i shtyjnë të lypin.