Gjeka: Vendimi për ashensorin anulohet, koalicioni vazhdon
Kryetari i komunës Fatmir Gjeka, nën presionin e partnerëve të koalicionit nga Forca e Re Demokratike, ka anulluar vendimin e komisionit për zgjedhjen urbano-arkitektonike të zonës së Ranës, raporton portali Lajm.me.
Forca, siç kanë deklaruar zyrtarët e saj, nuk është kundër ndërtimit të ashensorit, por jo në vendin e paraparë me këtë vendim, pasi ajo është e paraparë si zonë e gjelbër, dhe ka sugjeruar ndërtimin në vende ku nuk prishet panorama mijëvjecare e Kalasë.
Ashensori në atë vend nisi të ndërtohej qysh para 7 viteve nga kompania Real Estate, pa leje ndërtimi dhe në kundërshtim të plotë me normat kombëtare dhe ndërkombëtare për mbrojtjen e monumenteve historike.
Hapi tjetër i drejtë i kryetarit Gjeka duhet të jetë rrëzimi i konstruksionit prej hekuri i cili akoma vazhdon të njollosë pamjen e qytetit të vjetër.