Këto ditë në plazhet e Ulqinit vërehet një fluks i madh turistësh si nga rajoni ashtu edhe nga Evropa. Për mbarëvajtjen e sezonit turistik janë përkujdesur dhe angazhuar të gjitha strukturat e Komunës së Ulqinit. Në një intervistë dhënë Zërit të Amerikës, kryetari i Komunës së Ulqinit, zoti Fatmir Gjeka, paraqiti objektivat e kësaj komune në të ardhmen, ku fillimisht do të jetë  orientimi në investime si nga të huajtë ashtu edhe nga emigrantët shqiptarë me qëllim të zhvillimit cilësor të turizmit.