Abazoviqi në Bruksel kërkon ‘Mbrojtjen e biodiversitetit të Kripores së Ulqinit’
June 22, 2016 | Shtypi / Mediji
- Nënkryetari i LQ URA dhe anëtari i Këshillit për të drejtat dhe liritë e njeriut në Kuvendin e Malit të Zi Dritan Abazoviq merr pjesë në konferencën interparlamentare në Parlamentin evropian e cila merret me krizën e emigrantëve dhe çështjen e azilit në vendet kandidatë për anëtarësim në BE, raporton portali Ul.info.
Gjatë qëndrimit në Bruksel, Abazoviq kishte një sërë takimesh bilaterale me deputetët evropian nga grupimet e ndryshme politike, në mes tjerash edhe me të dërguarin special për Ballkan Eduard Kukan.
Abazoviq në të gjitha këto biseda ka theksuar nevojë e presionit të fuqishëm të institucioneve evropiane ndaj Qeverisë së Malit të Zi në mënyrë që të mbrohet biodiversiteti unik i Kripores së Ulqinit, të iniciohet prodhimi dhe të punësohen punëtorët.