Nika: Kujt i shesin mend këta …?!
Shkruan Muhamet Nika
(I)- komenti im
(Një reagim me dy fjalë në tekstin: Udhëheqësit komunalë , takohen me drejtorat e shkollave fillore).
Pasi lexova shkrimin dhe meditova një çik për te bashkë me fotografinë që ilustronte tekstin, po them të vërtetën, se mu dha një e qeshur profesionale , kur pashë që , shumësi i emrave mashkullorë në tekst (drejtorët), ishte dhënë në trajtën e shumësit të jofrymorëve – drejtorat – Pra, në kundërshtim me rregullat e drejtshkrimit…, si kur drejtorët , të ishin jo frymorë . Për konkretizim sipas drejtshkrimit, kështu , me a, bënë të shkruhet vetëm shumësi, për shembull i emrit fitil , që në shumës del fitilat e jo fitilët. Sepse fitilat janë jofrymorë- nuk marrin frymë?!
Pra derisa drejtorët, janë frymorë dhe marrin frymë e kanë zë dhe u dëgjohet zëri e fryma- dhënien e shumësit me fundoren a, unë e përjetoj si thumb të shkolluar , të cilin e marrin vesh vetëm ata që e njohin drejtshkrimin e shqipes..?!!
Po pse mu krijua në kokë ky “konshllus” me drejtorët- nëse janë frymorë apo jo- në kuptimin sa e çojnë zërin?!!Me siguri kjo vjen nga qëndrimi i tyre me ligjin e ri të objekteve shkollore, sipas të cilit –me sa jemi të informuar ne , objektet i kanë kaluar pushtetit lokal, kurse drejtorët, janë përgjegjës vetëm për mbarëvajtje të procesit mësimorë dhe zgjidhen nga republika.
Ndërsa për këto padrejtësi- që të kthen objektet në mirëmbajtje , por pa burimet përkatëse të mirëmbajtjes , si duket janë bërë jofrymorë përveç drejtorëve edhe pushtetarët lokalë …?! Duke degjeneruar kështu edhe këta llojin e vet në atë të butakëve?!
TJETËR – A E DINI SE KËTA ZOTËRINJ PO CENOJNË TË DREJTËN KUSHTETUESE QYTETARE?!
Thjeshtë , këtë shkrim po e bëjmë pikërisht për të treguar që në fakt këto, po na cenojnë edhe të drejtën e shkollimit falas të filloristëve të garantuar me kushtetutë- Ja, ku ka arrit puna …?!
Në komunën tonë, për shembull, pasi nuk ekziston transporti publik – që kuvendi – komuna, nuk po e organizon- republika nuk ka ku t’i qesë paratë e kompensimit të udhëtimit të filloristëve.
Po duket këto amulli , bashkë me tjerat , ndodhin te ne, sepse as ligji vetë, nuk ka mundur të parashikojë, që në pushtet , do të vijnë aso injorantësh … , që nuk do të ndjekin ndryshimin e ligjeve dhe të nxjerrin vendime përkatës, ose këtë e bëjnë për punë xhelozie e smire të pa kuptueshme e patologjike.
Mos harroni- për ilustrim, se edhe një ftesë që fitoni për gjykatë , ta zëmë si dëshmitarë , sipas ligjit ju pyesin : sa ju kushton bleta me transport publik..?!! Dhe merre me mend që nuk mund të merret me mend , ju t’i thoni – jo- nuk dina, na nuk kemi autobusë …. ?! Dhe mos na i jepni parët, sepse nuk mund t’i mbulojmë me biletë ?!! Kjo ndodhë edhe për ata , që udhëtojnë prej Anës së Malit për Tivar me autobus për shërim mjekësor, të cilin nuk e kanë, por shteti , iu pranon shpenzimin vetëm nëse kanë biletë autobusi – i cili nuk është në linjë?!
Pra edhe njëherë kujt i shesin mend këta?!!
Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„