Policia malazese ka arrestuar dy shtetas rus për sulme terroriste
Policia malazese ka arrestuar dy shtetas rus, Eduard Vladimirivic Shirokov dhe Vladimir Nikolayevich Popov, nën akuzën për sulme terroriste.
Sipas prokurorisë, dyshohet se shtetasit e sipër përmendur janë kreu i një organizate kriminale, e cila kishte përgatitur një sulm terrorist më 16 tetor në Mal të Zi, shkruan “Pobjeda”, dhe se hetimi është zgjeruar ndaj tre shtetasve serbë: Predrag Bogicevic, Nemanja Ristic dhe Millosh Jovanovic.
Gazeta thekson se për herë të parë raporton konkretisht se një anëtar i një organizate kriminale nga strukturat politike të Frontit Demokratik (FD), është dashur që pas shpërthimit të kaosit para ndërtesës së Parlamentit të komandojë njerëzit që të përleshën me oficerët e policisë.
Duhet rikujtuar se muajin e kaluar në Mal të Zi u mbajtën zgjedhjet parlamentare ku fitoi Partia Demokratike e Socialistëve e Milo Gjukanovic, aleat i perëndimit, ndërsa humbi opozita proruse e cila akuzohet se në bashkëpunim me elementët prorus dhe proserb tentoi përmbysjen me dhunë të pushtetit në Mal të Zi./infoshqip.com