Palma, simbol skoro svih primorskih gradova, pa i našeg je već dugo vremena napadnuta od jedne vrste parazita nazvanog “Crveni palmin Surlaš” Nažalost, na našem Pristanu, su skoro sve palme nastradale i osušile se. Ostala su samo ružna stabla, koja nas podsjećaju na palme koje su bile više desetina godina stare. Dali se intervenisalo na vrijeme kako bi se ova bolest spriječila, neznam, jer nijesam stručnjak horti kulture, međutim, znam da je još prošle godine na nekim palmama bilo postavljeno upozorenje, koje stoji i danas. Dali se i u tome kasnilo, ni to neznam. Znam, samo da Pristan, kojemu je inače zelenilo na mnogim mjestimo zamijenjen objektima koje prate ovu vrstu turizma, izgleda neobično bez palmi koje su bile pravi dekor jedne od najljepših šetališta na Jadranu. Ova vrsta palmi se inače naziva “Fenix”, no, ja sumnjam da će se ove palme oporaviti i ponovno izniknuti kao kakav “fenix” .

Međutim, nijesu sve palme napadnute. Na bulevaru prema Velikoj plaži, kod Stare autobuske stanice i kod Gimnazije, uvezena je iz Egipta jedna druga vrsta palmi koja se naziva”Washington Robusta”, i koja je otporna na “Crveni palmin Surlaš”. Veliki doprinos da te palme danas izgledaju ovako lijepe i zdrave je van svake sumnje dao gospodin Petar ALIJAJ, čovjek koji je imao i dobru ruku, ali i stručnost kod odabira vrste i njenog kultivisanja.i njegovanja.

Ismet Karamanaga Facebook