Nika: Ali Salaj ra në luftë me Haxhi Qamilat…?!
Si do gdhijmë nesër në Evropë, pa vërejtje në kapitujt e hapur….?!!(2)
Kur lexova edhe më tej shqetësimin e gazetarit Ali Salaj, rreth fatit të bisedimeve evropiane për kapitujt e hapur në arsim e kulturë, mu kujtua drita e kuqe e ndezur në automjet dhe njëkohësisht edhe më keq , fati tragjikomik i një fshatari torollak dhe aventurist nga Shqipëria e Mesme cili edhe ai desh e bëri një Shqipëri allaturka që njihet si puna apo shteti i Haxhi Qamilit…?! Sot, sjellja dhe veprimi i tij shërben si kuptim metaforik të politikanëve shqiptarë me sahat të ndalur..?!
Fillimisht çfarë deklaron Salaj:
“Në këtë fazë, përfaqësuesit e subjekteve politike të shqiptarëve dhe shoqatat civile duhet ta njoftojnë Këshillin Evropian dhe faktorët tjerë ndërkombëtarë për gjendjen e krijuar në mediat e pakicave dhe t’i imponojnë pushtetit të Malit të Zi kriteret e qarta dhe të vazhdueshme për mbrojtjen dhe zhvillimin e mediave në gjuhën shqipe. Ata duhet të kërkojnë subvencione të sigurta për mediat në gjuhën shqipe, pa rrezikuar pavarësinë e tyre nga ndërhyrjet e mundshme të shtetit…”?!
Dhe tashti edhe më afër- çfarë bëri tjetër Haxhi Qamili..?!
Në kohën kur në Shqipëri e pësoi edhe princi i bukur Vid( që një mend ishte i bukur).Koha kur Noli shkruante : Te ura te ura / vraponi o burra…, duke mos kuptuar këtë të Abazoviqit?! Vërejmë që Vidi gjerman, të qahej për ministrat e vet shqiptarë, se e fillonin orarin e punës diku në ora 12 të ditës, pasi tërë natën kishin bredhur lokaleve të Tiranës me mense, femra e raki dhe në zyrë u vinte era legen…?!
Mu në këtë kohë , një fshatar injorant, por kopuk , bën një polici të veten me të cilën pushtoi disa qytetet të Shqipërisë dhe kish dalë në rrugë me parullën “ Duam Babën, duam Bablën…?! Po kush nuk e do babën do pyesni Ju?!!.
Jo ky donte baba dauletin- kthimin e Sulltanit- mundësisht Hamitit..?!!
Ky duke ëndërruar kthimin e turkut, shkoi aq larg , sa që njëherë ndaloi e shqepi në dru edhe do të rinj kosovarë “ që po kalonin pa e pyetur atë nëpër Shqipërinë e tij..”, për tu shkuar në ndihmë shqiptarëve të jugut që kishin filluar luftë me grekë…?!
Pra shihet se i kish mbetur fare sahati . Bile thuhet se pati sukses dhe u ngjit edhe në ballkonin e shtëpisë së pavarësisë , në Vlorë ku u ngrit flamuri. Dhe pasi hyri e u ngjit aty…, nuk diti se çfarë të bënte pasi ish po duket me dy mendje : a të mbaj një fjalim apo të kërcej me ministrat e vet para se të valëviste flamurin turk në vend të atij shqiptar e kur e bëri , hoqi dorë nga fjalimi dhe filloi të kërcej…?!!
Si do gdhijmë nesër në Evropë
Edhe pse shpresa vdes e fundit dhe po ndodhë që Mali i Zi , pa përmbushje te të drejtave të pakicave të zbardh në Evropë dhe ne kuptohet bashkë me te, atëherë kemi frikë se do zbardhim po duket të vdekur nga” gilicimet” e këmbës.
Që simbolikisht do thotë se ka shumë mundësi që edhe vetë autopsia mjekësore e demokracisë moderne, të konstatojë se “ kur vdiqëm ..”, vdiqëm nga të qeshurat(e në gjendje të gëzueshme ) të politikës nacionale dhe të sektorit civil- pra bashkë me të tërë atyre që janë të vendosur dhe të atyre me një qëllim?!
Duke rezultuar kështu se na mungonte vetëdija për një statusi më të avancuar politik te të drejtave – ashtu si dikur çamëve në Greqi…?!!
Shih këtu më shumë një intervistë time me zotin Ali Salaj , në kohën para Haxhi Qamilëve….
(Vazhdon):
- Këshilli Nacional nëse deri dje ishte i dëmshëm sot është i rrëzikshem…?!!
Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„