Ulqini zgjedh sportistin më të mirë të vitit 2016, Ahmed Tushi Haxhimehmedin
Në përmbyllje të aktiviteteve për këtë vit, Komuna e Ulqinit shpërbleu me mirënjohje sportistët të cilët u treguan më të suksesshmit gjatë vitit 2016.
Në ambientet e hotelit Mediteran u mbajt kokteji tradicional i fundvitit i organizuar nga Komuna e Ulqinit. Në fjalën e tij kryetari i Komunës së Ulqinit Nazif Cungu vlerësoi se viti 2016 ka qenë vit me sfida të shumta për pushtetin lokal në të cilin puna është fokusuar në konsolidimin e stabilitetit financiar, por nuk janë lënë pas dore as sferat e tjera.
Përveç sportistëve, komuna ndau mirënjohje edhe për trajnerët më të mire dhe punëtoret të kësaj komune për kontributin e tyre në sport.
Në koktej u bë edhe shpërndarja e mirënjohejeve për kolektivët më të dalluar në vitin e kaluar, si dhe nxënësit dhe sportistët më të mirë. Mirënjohje u dhanë edhe për policët e dalluar, kolektivin e Shërbimit të mbrojtjes dhe shpëtimit, OJQ Horizontit të Ri, punëtorët sportiv, si dhe trajnerin më të mirë për Xhemal Kapllanbegun, trajnerin e Otrantit.
Kryetari i komunës sëUlqinit, tha se ndihet krenar me sportistët e kësaj komune, të cilët sipas tij, gjithmonë kanë qenë të dalluar, ku për sportistin më të mirët të vitit u shpall kampioni i Malit të Zi në kick box Ahmed Tushi Haxhimehmedi.