Në Ulqin u shënua dita ndërkombëtare e autizmit
Informatë e Qendrës ditore për fëmijë dhe të rinj me pengesa dhe vështirësi në zhvillim “ Sirena “ në Ulqin
Me 02 prill 2017, në Ulqin u shënua dita ndërkombëtare e autizmit, me organizimin e simpoziumit rajonal , te mbështetur nga Kryetari i Komunës z. Nazif Cungu, kryetarja e Shoqatës “ Anima” dr. Zylfije Gjoni Duraku dhe Qendra ditore “Sirena” .
Në fokus të organizmit të këtijë simpoziumi mbarëvajtja, realizimi dhe arritja e qëllimit është meritë e tre subjekteve e në vecanti Dr. Zylfije Gjoni Duraku.
Doktoresha në fjalë, bashkë me drejtorin e qendrës ditore “Sirena “, në Ulqin, më 14.02.2017, vizituan Qendrën ditore “ Fëmijët shqiptarë” në Tiranë, ku u takuan me presidenten e këtijë fondacioni , dr. Liri Berisha.
Takimi ishte miqësorë dhe i mirëseardhur për të dyja palët , në shkëmbimin e përvojave, bashkëpunimit dhe ndihmës profesionale, duke ofruar një paket shërbimesh, aktivitetesh shëndetësore, arsimore dhe sociale për fëmijët me crregullime të spektrit të autizmit dhe familjeve të tyre. Përvec tjerash , në këtë takim u vendos që me datën 2 prill 2017, të organizohet simpoziumi rajonal për autizmin, në Ulqin.
Sigurisht takimi i 2 prillit ishte i vlefshëm dhe i mirëpritur, sepse na dha mundësinë jo vetëm të takohemi , por të kuptojmë dhe të afrohemi edhe më shumë me jetën dhe realitetin e saj , vecanërisht kur bëhet fjalë për cështje madhore sic është fenomeni i autizmit.
Në këtë rast na nderuan me pjesëmarrjen e tyre në këtë veprimtari, nga Mali i Zi Prim. Dr. Stanka Mrdak, nga Shqipëria Presidentja e Fondacionit “Fëmijët shqiptarë” , Dr. Liri Berisha, nga Kosova Dr. Flora Brovina si dhe shumë miq të ftuar.
Programi i simpoziumit, në përmbajtjen e vet ka trajtuar tema shkencore nga kjo lëmi, nga ligjëruesit:
- Dr . Stanka Mrdak- Mali I Zi
- Liri Berisha- Shqipeëri
- Flora Brovina- Kosovë
- Juliana Esaj- Tiranë
- Oriela Pampuri- Tiranë
- Eliana Naci- Tiranë
- Dr. Ariel Como- Tiranë
- Branka Dumniq-Mali i Zi
- Ardita Koka- Ulqin
- Nina Popoviq- Ulqin
- Sabra Dragovoja- Tuz
- Salije Meqikukiq- Ulqin
Mesazhi i ligjeratave ishte që fëmijët dhe të rinjtë me aftësi të kufizuara , duhet të bëjnë një jetë normale dhe kualitative , në kushte ku u sigurohet dinjiteti, ngrohtësia, personaliteti dhe dashuria , duke krijuar te ta bindjen për jetë të lumtur dhe pjesëmarrje aktive në shoqëri.
Drejtori,
Bilal Alaj