Nika: Kur s’ke punë luaj derën?!!
Kështu me këto fjalë na u drejtoheshin gjyshet në shtëpi kur si fëmijë ia fusnim kot , demek se diç po bëjmë duke bërë zhurmë sa për të tërhequr vërejtjen.
Prandaj kështu e kuptoj dhe e vlerësoj atë që ndodhi si aktivitet kulturor e fetar në Ulqin, për sa i përket bashkë organizimit duke mos e kuptuar rolin e stemës( logut)të komunës diku në bisht të simboleve tjera që shihni në afishen si më poshtë të bashkë organizatorëve.
Po të mos isha nga Ulqini ose po të kisha qenë diku larg për shumë kohë dhe po të kisha parë këtë afishe për organizimin fetar që ndodh në Ulqin me temën begatitë në ndryshime , ku mysafir del të jetë një i huaj nga Amerika e largët dhe që përkrahet edhe nga bashkësia islame e qytetit e sidomos Komuna e Ulqinit si bashkë organizatore do kisha kujtuar se këtu diçka nuk është në rregull me ndryshimet . ..?!
Vetë titulli e dëshmon këtë e sidomos aq më tepër kur kësaj i rri pas edhe Amerika e largët dhe Qendra për Kulturë e Ulqinit ( një mega shtet me një mini komunë, me mini kulturë…)?!!
Këtë të fundit me zor edhe e njoha në vargun e simboleve të vënë në afishe kur hetova të na dalë edhe me një simbol të shpikur privat para një institucioni publik – të tipit të Kapitollit …?!!
Unë mund ta kuptoj se në Ulqin numri “i të pa punëve ..” në shoqata është rritur tej mase dhe mirë që gjejnë”të marrë… “, për të vjelë ndonjë fond – pra edhe në këtë mënyrë, por jo në emër të interesit të përgjithshëm – stemës së komunës, ku jemi të gjithë taksa pagues.
Simboli i komunës dhe i kulturës nuk e kishin vendin aty, përveç nëse dikush me këtë “ shplan ndonjë pare..”. Prandaj edhe pyesim a mos po keqpërdoret …?!!!!
Nuk na është e njohur që kuvendi të ketë miratuar organizime të këtij lloji. Për ndryshe kjo dëshmon qartë se pushteti aktual i Ulqinit nuk din as ke përkrahë dhe duhet të përkrahë dhe as pse ka nevojë ” që të fshihet ..” me simbolin e vet pas bishtit të te tjerëve ose pse të tjerët pas tij. Monopol në përdorim të tij në këso rastesh dihet kush ka .
Fatkeqësisht simbolin e komunës sot e sheh të jetë kudo në mënyrë spontane …., duke më kujtuar kështu një material që më ra në dorë i kohës së djegies së barakës së Sizit pas tërmetit të 79 – tës, e në të cilin thuhej në mbledhje që vula e institucionit qarkullonte prej dorës në dorë e nuk dihej më se kush kujt ia merrte dhe ia jepte e pse?!!
Për fund – Ju që jeni jashtë , për këtë që thamë , mos u shqetësoni shumë “ ndryshimin si pasuri…” në Ulqin e gjeni si e keni lënë . Neve po iu garantojmë se nuk kemi ndryshuar fare ?! As për(r)mirë…., as për keq…?!
Sepse nuk e kemi po duket as ndjenjën e ndryshimit përkarshi jush që edhe mund ta keni fituar nga jashtë …?!!