“Zana e Ulqinit” shkëlqeu në Schwäbish Gmünd në Gjermani – Video
Duke u ngjitur në skenën e Teatrit “Schwäbish Gmünd “, pas ansambleve “Folklori nga Rozhaja” dhe ansamblit SHKA”Zana e Ulqinit” Ansambli mahniti me performancë të shkëlqyer, raporton portali TV Teuta.
Lidhja e Asosiacioneve Malazeze në Gjermani organizoni manifestim kulturoro artistik në qytetin Schwabish Gmund. Pjesë e këtij manifestimi ishte edhe ShKA “Zana e Ulqinit” të cilët u prezantuan me vallen e peshkatarit dhe me kolazhe të këngëve popullore. Dalja e tyre në skenë ngjalli shume entuziazëm dhe mori duartrokitjet e merituara të publikut.
Performanca e jashtëzakonshëm e SHKA”Zana e Ulqinit”, me çifte në skenë, mbushi skenën me figura të ndryshme koreografike, me gërshetime nga më të pëlqyerat ndonjëherë në skenë.
SHKA”Zana e Ulqinit”, pjesëmarrës në shumë festivale nëpër botë, i nderuar me çmime të shumta, edhe kësaj here ishte në nivelin më të lartë artistik, duke prezantuar kulturën etno-koreografike të të gjitha trevave tëUlqinit.
Interpretimi live nga orkestra e kësaj shoqate si dhe paraqitja në nivel e vallëtareve, bëri që ato të dallohen nga të tjerët, duke hapur rrugë kështu edhe për pjesmarrje të tjera në manifestime të ndryshme të cilat do të organizohen në diasporë.