Ferhat Dinosha:Koha ka dëshmuar politikën e drejtë të UDSH-së (2)

Koha javore: E njihni, domethënë e pranoni Ju z. Dinosha si institucion Këshillin Nacional Shqiptar?
F. Dinosha: Ne jemi angazhuar të parët për Këshillin Nacional të Shqiptarëve dhe natyrisht se prodhimi i bërë është de facto, diçka që ka ndodhur. Tjetër është se jemi të pakënaqur me kombinatorikën e cila ka pasuar. Por si institucion ne do ta njohim. Edhe nëse nuk marrim pjesë në këto kushte në Këshill, ne si institucion do ta njohim për arsye se e dimë se është i nevojshëm për shqiptarët.

Koha javore:Ju dhe përfaqësuesit e tjerë të UDSH-së nuk keni marrë pjesë deri tani në mbledhjet e Këshillit Nacional Shqiptar. Po në të ardhmen do të merrni pjesë në punën e tij?
F. Dinosha: Ne kemi ndërmend që këtë çështje ta shtrojmë edhe një herë në nivel të Këshillit Qendror të UDSH-së për të marrë qëndrim definitiv dhe paralelisht të punojmë në këtë drejtim që e përmenda më parë.

Koha javore: Ju përmendët më parë nevojën e bashkëpunimit ndërmjet partive shqiptare, por për momentin ky bashkëpunim sa i përket UDSH-së nuk ekziston. Në Parlamentin e Malit të Zi Ju ndani një dhomë me deputetët Bardhi dhe Sinishtaj, por me sa di nuk flisni me ta. Cilat janë arsyet?
F. Dinosha: Kjo që thoni nuk flisni nuk qëndron krejtësisht. Ka raporte jo të mira, por nuk është krejtësisht ashtu. Për fat të keq është keq dhe kjo ka ndodhur jo për arsye se ka qenë një dëshirë, një vullnet i imi si përfaqësues i UDSH-së, por për arsye se përfaqësuesit e dy subjekteve të tjera shqiptare të pranishme në Parlamentin e Malit të Zi kanë pasur një vullnet të tillë dhe këtë vullnet e kanë shprehur publikisht.
Pas zgjedhjeve të fundit parlamentare, përfaqësuesi i atëhershëm Iniciativës Qytetare, z. Sinishtaj, ka dalë në opinion me pozicionimin duke thënë se nuk është i gatshëm të formojë klub të deputetëve me përfaqësuesin e UDSH-së duke apostrofuar emrin tim.
Duke ditur ecurinë e tij politike, faktin se ai ka qenë gjatë anëtar i partisë joshqiptare dhe se në kohët e vështira nuk i është dëgjuar zëri për çështjen shqiptare, unë nuk kam dashur të jem ai që i bien në gjunj dikujt të tillë që aman të formojmë klub.
As përfaqësuesi i LD në MZ nuk ka treguar interesim në këtë drejtim dhe ne jemi të vetmit deputetë me të drejtën për të pasur klub që nuk kemi klub parlamentar. Kjo sjell dëm edhe së paku për dy vende pune. Çdo klub i deputetëve ka të drejtë të ketë një këshilltar, të profilit juridik ose ekonomik, dhe të ketë një sekretar të klubit. Ne këto vende na rrinë vakantë për arsye se jemi kështu siç jemi.
Mendoj se kishte qenë mirë që roli i medias këtu të kishte qenë më prezent për të shtjelluar çështjen dhe për të nxjerrë fakte të cilat janë të ditura e jo për të krijuar ose për tzu mos u marrë me këtë çështje fare duke tentuar që fajtori të gjendet atje ku nuk është.
UDSH ka qenë i gatshëm për formimin e klubit. Këtë ua kam bërë me dije përfaqësuesve të dy partive të tjera në disa faza kur kemi pasur më tepër kontakt. Më vonë nuk jam marrë as unë me lutje në këtë drejtim, por më vjen keq që Klubi nuk ekziston. E përsëris, nuk ekziston për arsye të pozicionimeve negative, për arsye të energjisë negative të përfaqësuesve të dy partive të tjera shqiptare.

Koha javore: Në kushtet ekzistuese, a është i mundur bashkëpunimi ndërmjet partive shqiptare, konkretisht ndërmjet UDSH-së dhe partive të tjera shqiptare? A mendoni se pas shkuarjes Tuaj në koalicion me PDS-së mund të krijoni sërish koalicione me partitë e tjera shqiptare?
F. Dinosha: Koalicioni me PDS-në nuk i ka penguar asnjë qendre tjetër shqiptare jashtë Malit të Zi përveç subjekteve shqiptare në Mal të Zi. Ky koalicion ka ndodhur në nivele lokale, për zhvillime ekonomike të niveleve lokale.
Ne nuk jemi në koalicion në nivel të shtetit me partinë në pushtet. Ne jemi në bllokun që bën qeverinë më se dhjetë vjet dhe unë fola diçka më parë se pse kemi qenë dhe mendoj se është e qartë se ka qenë e levërdisshme për shqiptarët që të pozicionohemi kështu. Po i shohim shqiptarët në Maqedoni ku ka pasur edhe pak luftë ndërmjet shqiptarëve dhe maqedonëve, kurse tani i shohim përfaqësuesit e partive shqiptare në Qeverinë e Maqedonisë, në policinë dhe ushtrinë e Maqedonisë.
Mirëpo unë nuk e kam ndërmend të bind subjektet e tjera politike në Mal të Zi të cilat ose janë shterpe për nga rezultatet që kanë gjatë 18 vjetëve të veprimit ose janë shumë të reja, kurse liderët e tyre janë mjaft të vjetër për tzu gjetur për të na shitur patriotizëm vetëm në dekadën e fundit të shekullit të ri. Në fundin e shekullit të kaluar nuk kanë qenë asgjëkundi dhe mendoj se vetë votuesit shqiptarë do ta hetojnë më mirë këtë gjë në votat që na presin vitin e ardhshëm për arsye se shumë gjëra janë më të qarta dhe për arsye se po rrumbullakësohet ajo që është proces i vendosjes së marrëdhënieve mbi baza të reja në Ballkan.
Sidoqoftë mendoj se duhet të bëhet çmos që të kihet bashkëpunim më i mirë ndërmjet partive shqiptare këtu në Mal të Zi. Ndoshta ka ardhur koha që të punohet në drejtim të asaj që të krijohen dy blloqe, dy subjekte, dy grupime politike shqiptare në Mal të Zi e jo të mbesë situata siç është tani pesë gjashtë parti sa jemi.
Dhe unë mendoj se ne vetë për shkak të vnerit të cilin e kemi mbledhur brenda vetvetes nuk jemi në gjendje ta bëjmë këtë, pra vetë liderët shqiptarë në Mal të Zi, pa ndihmën e dikujt jashtë Malit të Zi. Për këtë arsye UDSH në Kuvendin e vet të fundit zgjedhor ka dalë me një Apel drejtuar partive të tjera shqiptare për vendosjen e një bashkëpunimi më të mirë ndërshqiptar këtu në Mal të Zi duke theksuar në këtë apel se mendojmë se Tirana duhet të jetë ajo e cila duhet të na sjellë këtu. Tani Republika e Shqipërisë ka ambasador në Mal të Zi, rruga deri në Tiranë nuk është shumë larg. Unë ndërkohë kam pasur shumë biseda, takime me disa përfaqësues të shtetit shqiptar të cilat kanë shkuar në atë drejtim që të ndodhë një tavolinë e marrëveshjes së partive shqiptare këtu në Mal të Zi. Kur them marrëveshjes mendoj e një tavoline e cila do të shpiente në një marrëveshje për bashkëpunim të partive shqiptare.
Shprehet një dozë e frikës nga ana e personaliteteve relevante të politikës shqiptare se kjo do të mund të kishte një dozë të përzierjes në punët tona të brendshme. Mirëpo unë nuk mendoj se është ashtu. Nuk mendoj se ndërhyrja e shtetit amë do të kishte dimensionin e përzierjes në punët e brendshme. Domethënë për ne çdo ndërhyrje e tillë do të kishte qenë i mirëseardhur dhe unë do të bëj çmos që kjo të ndodhë, të ulemi në një tavolinë, tzi shtrojmë çështjet haptas, të na sugjerojë edhe dikush që di dhe ka përvojë më shumë ne këtë drejtim se cilat politika shqiptare në Mal të Zi janë të leverdisshme, ku kanë qenë gabimet dhe si të bëhet që në të ardhmen bashkëpunimi ndërmjet partive shqiptare të jetë më i mirë.
Bisedoi: I. Kallaba
Koha Javore

Intervistë me kryetarin e UDSH-së Ferhat Dinosha

Koha ka dëshmuar politikën e drejtë të UDSH-së (1)
Koha javore: Z. Dinosha, sa jeni të kënaqur me bashkëpunimin tuaj me PDS-në në nivelin shtetëror dhe atë lokal? Sa janë mbajtur premtimet parazgjedhore?
F. Dinosha: Nëse flitet për bashkëpunimin prej zgjedhjeve të fundit e deri tani absolutisht ky bashkëpunim shkon në pajtim me atë që ka qenë e dakorduar para se të lidhej një marrëveshje me PDS-në. Ata tregojnë gatishmëri për të bashkëpunuar dhe për të dhënë ndihmën e vet në nivelet lokale ku kemi koalicione të drejtpërdrejta, por bashkëpunimi është i mirë edhe në nivelin e Qeverisë ku ne jemi të pranishëm më se dhjetë vjet dhe ku vazhdojmë të realizojmë projekte të cilat sipas mendimit tim janë të rëndësishme për përmirësimin e pozitës së shqiptarëve në Mal të Zi.
Edhe këtyre ditëve ka projekte të tilla të cilat do të përmirësojnë pozitën e shqiptarëve dhe të pakicave në përgjithësi në Mal të Zi. Unë e di se së shpejti do të shpallet konkursi për punonjësit e Qendrës për Kulturë të Pakicave Nacionale, qendër e cila përflitet ngaherë, por tash edhe do të jetësohet dhe e di se në këtë drejtim Qeveria jep logjistikën e vet maksimale.

Koha javore: Në kohën e lidhjes së marrëveshjes është thënë se UDSH do të ketë një ministër, një ambasador dhe disa poste në disa ministri të tjera. Aktualisht UDSH-ja ka, nëse flitet për poste me peshë, vetëm një post ministri, që e ka pasur edhe në qeverinë e mëparshme, një post sekretari në Ambasadën e Malit të Zi në Tiranë dhe një konsull në Nju Jork. Sa është respektuar marrëveshja në këtë drejtim? A i janë dhënë UDSH-së të gjitha postet e premtuara dhe nëse jo, pse nuk i janë dhënë?
F. Dinosha: Realizimi i Marrëveshjes në këtë drejtim ka filluar në një masë pak më të madhe seç keni cekur ju. Ne kemi konsull në Nju Jork një kuadër të UDSH-së, kemi numrin 2 në Tiranë, vazhdojnë kontaktet që të kemi njerëzit tonë edhe në viset tjera diku në Europë. Të shohim se çfarë do të ngjajë me Kosovën. Më duket se sinjalet janë të mira dhe se një ditë, shpresoj në një të ardhme të afërt, UDSH do të ketë edhe atje dikë nga radhët e veta.
Veç kësaj në Qeveri përveç ministrit për Pakica ia kam dalë të gjej vend për tre kuadro në ministri të tjera, qoftë të nivelit të këshilltarëve, qoftë të nivelit të njerëzve të cilët kërkojnë punë për të parën herë. Ne kemi kuadro të UDSH-së në Ministrinë e Mbrojtjes, Ministrinë e Bujqësisë dhe në Ministrinë e Turizmit dhe Mbrojtjes së Ambientit Jetësor.
Jam në kontakte me Ministrinë e Arsimit për të pasur atje një këshilltar për arsimin shqip dhe besoj se së shpejti do ta realizojmë edhe këtë, si dhe në Ministrinë e Kulturës. Pra, mendoj se dalëngadalë do të vijmë aty ku kemi thënë.

Koha javore: Ju thoni që keni filluar me realizimin e Marrëveshjes, ndërkohë që kanë kalur dy vjet nga mbajtja e zgjedhjeve parlamentare. Vitin e ardhshëm parashikohet të mbahen zgjedhjet e ardhshme parlamentare?
F. Dinosha: Sa i përket kuotave diplomatike, për dy vjet është realizuar gjysma e tyre. Dihet se ky dikaster është shumë delikat dhe kur është fjala për vetë shtetin e Malit të Zi si shtet i ri, kjo kërkon edhe mjete dhe kuadro profesionale.
Kur është fjala për Qeverinë, ne asnjëherë nuk kemi pasur orekse që të jemi të pranishëm në të gjitha ministritë. Për momentin kemi pesë - gjashtë kuadro dhe nëse arrijmë te numri shtatë apo tetë, kjo përbën një depërtim i cili nuk ka qenë asnjëherë më parë i pranishëm dhe është diçka që shkon në pajtim me ato që janë aspiratat tona.

Koha javore: Parlamenti i Malit të Zi ka miratuar ditë më parë Rezolutën mbi domosdoshmërinë e përshpejtimit të procesit të integrimit të Malit të Zi në strukturat europiane dhe euroatlantike, ku midis tjerash bëhet fjalë edhe për Kosovën. Pas miratimit të Rezolutës, kur prisni që Mali i Zi ta njohë pavarësinë e Kosovës?
F. Dinosha: Mendoj se kjo do të ngjajë së shpejti. Kur them së shpejti, mendoj se ky vit po se po do të japë përgjigje në këtë drejtim, por mund të ngjajë që kjo të ndodhë brenda këtij muaji.
Kur flasim për këtë rezolutë duhet thënë se edhe çështja e vetë Rezolutës, votimi dhe pjesëmarrja e subjekteve parlamentare në mbledhjen që është diskutuar kjo çështje flet qartë se partitë shqiptare nuk kanë çka hamenden shumë kur është fjala për bashkëpunim me subjekte, me parti të nivelit shtetëror në Mal të Zi. Absolutisht është parë se edhe liberalët kanë votuar kundër Rezolutës, edhe Lëvizja për Ndryshime nuk ka marrë pjesë por lideri i saj është deklaruar se po të kishin marrë pjesë do të kishin votuar kundër. Kemi parë se të gjitha partitë serbe dhe ato proserbe natyrisht kanë qenë kundër. Kështu që edhe kjo flet se pozicionimi i UDSH-së për të krijuar partnerizëm me dikë në Mal të Zi ka qenë i duhur, i drejtë, për arsye se vetëm ky pushtet ka qenë ai i cili është në gjendje dhe ka vullnet të prodhojë diçka të tillë. Natyrisht jo për hatër të shqiptarëve, as për hatër të Kosovës. Nuk janë të gëzuar shumë që ka ndodhur kjo që ka ndodhur, kjo është dëgjuar edhe nga goja e vetë kryeministrit. Mirëpo si njeri pragmatik dhe si pushtet pragmatik absolutisht ka shkuar në atë drejtim që të kihet parasysh interesi nacional dhe shtetëror i Malit të Zi, por kjo ka benefitet e veta edhe për stabilitetin në Ballkan dhe për fqinjësinë e mirë.
Ne natyrisht na intereson më së shumti fqinjësia e mirë me Tiranën dhe me Kosovën dhe kjo po shihet se do të ndodhë. Kështu që edhe kjo flet për bazueshmërinë e asaj që ka qenë qasje e UDSH-së që më heret për arsye se kjo nuk ndodh për një ditë. Këto janë procese dhe ardhja deri këtu ka filluar që më heret.

Koha javore: Kur flasim për Rezolutën, Ju i keni kritikuar deputetët e tjerë shqiptarë nga partitë nacionale në Parlamentin e Malit të Zi për shkak të politikës së tyre duke thënë se janë bërë palë me Listën Serbe, madje kundër Kosovës. Por ata ashtu si dhe Ju kanë votuar pro Rezolutës për Kosovën, madje deputeti Sinishtaj ka deponuar edhe një amandament në Rezolutën e miratuar ku ka kërkuar që Qeveria e Malit të Zi të njohë sa më parë pavarësinë e Kosovës. A nuk domethënë kjo se me votimin e tyre pro Rezolutës, Bardhi dhe Sinishtaj, i kanë hedhur poshtë kritikat Tuaja dhe se ato kanë qenë të motivuara politikisht?
F. Dinosha: Për çdo çështje për të cilën flas publikisht kam dëshirë të shërbehem me argumente. Dhe në këtë drejtim argumenti flet diçka tjetër. Z. Sinishtaj ka qenë nënshkrues i kërkesës bashkë me opozitën malazeze për të tërhequr këtë rezolutë nga rendi i ditës. Çfarë ka ngjarë ndërkohë me të dhe pse tani me një amandament tenton të flasë diçka tjetër për të nxjerrë ndonjë qelepir partiak, kjo është e tejdukshme. Politikat e tilla UDSH kurrë nuk i ka favorizuar.
UDSH dihet se çfarë qasjeje ka pasur lidhur me proceset që më heret. Ne edhe në projektin kryesor për demokratizimin e jetës në Mal të Zi, pra për referendumin, kemi qenë të qartë e transparentë. Nuk kanë qenë të tillë subjektet e tjera shqiptare. Ta zëmë grupimi i z. Sinishtaj asokohe i ka ftuar shqiptarët për të bojkotuar referendumin.
Z. Bardhi në krye të LD në MZ ka qenë asnjanës deri në fund të fushatës kur është pozicionuar me Bllokun pro pavarësisë për disa qelepire tjera. Por absolutisht vetëm UDSH ka marrë pjesë aktivisht në fushatën e referendumit dhe vetëm përfaqësuesi i UDSH-së ka folur në Konventën përfundimtare të kësaj fushate e cila është çmuar të jetë e rëndësishme jo vetëm për shqiptarët ë Mal të Zi, por edhe për proceset në Ballkan. Kjo pastaj rezulton tani me një qasje korrekte, pragmatike, pozitive të Malit të Zi lidhur me çështjen e Kosovës.
Ne vazhdimisht çështjen e Kosovës e kemi pasur agjendë numër një në angazhimet tona politike dhe këtu UDSH dallon nga partitë e tjera shqiptare. Është kritikuar shpesh për hapat e vet, por koha po dëshmon se kemi pasur të drejtë dhe ne do të vazhdojmë absolutisht edhe në fazën e ardhshme të proceseve demokratike në Mal të Zi të luajmë një rol të rëndësishëm në skenën politike të brendshme të Malit të Zi, por edhe për projektet që kanë të bëjnë me stabilitetin në Ballkan, me integrimet e këtij rajoni, me integrimet europiane dhe me integrimet euroatlantike të Malit të Zi.

Koha javore: Kur jemi te njohja e pavarësisë së Kosovës, partitë serbe apo proserbe në Mal të Zi kanë paralajmëruar se në rast të njohjes së pavarësisë së Kosovës nga Mali i Zi do të ketë protesta apo në rastin më të keq edhe trazira. A mendoni se do të ngjajë diçka e tillë dhe nëse po, cili do të jetë ndikimi i tyre?
F. Dinosha: Unë pres që do të ketë reagime, pres se do të ketë edhe protesta, por jo të nivelit të trazirave. E ka të qartë opinioni i Malit të Zi se ku ka ardhur puna, se kthim mbrapa nuk ka. Zor se subjektet politike për interesa partiake do të jenë në gjendje të manipulojnë më tutje me bazat e veta partiake. Absolutisht nuk pres që do të ketë trazira të nivelit të konflikteve për arsye se shteti i cili ka hyrë në këtë rrugë, nuk ka hyrë sido, por ka hyrë duke çmuar mirë se ku mund të dilet dhe shteti tashmë tregohet serioz në ruajtjen e asaj që është prodhim i referendumit të majit të vitit 2006.

Koha javore: Le të kalojmë te një çështje tjetër, ajo e formimit të këshillave nacionale të pakicave. Ju keni kritikuar procedurën e themelimit të tyre duke theksuar, sipas Jush, anomalitë e shumta të ndodhura gjatë këtij procesi. Sidomos keni qenë kritik ndaj mënyrës së themelimit të Këshillit Nacional Shqiptar dhe reagimi Juaj i parë ka qenë se do tzi drejtoheni madje edhe gjyqit. A keni hequr dorë nga kjo?
F. Dinosha: Nuk kam hequr dorë, por kam pasur kontakte të cilat flasin se as përvoja e vetë gjykatave në Mal të Zi nuk është tepër e madhe në këtë drejtim kur është fjala për të drejtat e pakicave. Këto gjëra ndodhin për të parën herë dhe kjo do të merrte kohë shumë. Për të mos u humbur shumë kohë do të tentojmë që të gjejmë rrugë më të shpejtë e paralelisht do të jemi të pranishëm për të kërkuar edhe mendimin e Gjykatës Kushtetuese cilidoqoftë ai.

Koha javore: Cila është sipas Jush rruga më e shkurtër që thoni?
F. Dinosha: Rruga më e shkurtër është ndryshimi i Ligjit. Ndoshta edhe një tryezë e përbashkët e rrumbullakët e të gjitha subjekteve që tani janë prezentë në skenën politike, por edhe në Këshillin Nacional, por duke ftuar edhe intelektualët që i kemi, edhe përfaqësuesit e OJQ-ve, dhe të shtrohet një bisedë e hapur, e sinqertë, për të konkluduar se cila është zgjidhja më e mirë. Absolutisht kjo që ka ndodhur nuk është zgjidhje e mirë.
I.Kallaba
Koha Javore

Meritat, privilegjet dhe anomalitë si pasoja të një veprimtarie nuk ndahen

Reagim
Nuk dua të polemizoj me qëndrimet dhe pikëpamjet e z. Dinosha lidhur me veprimtarinë, qëndrimet dhe angazhimet e Lidhjes Demokratike, pasi që ai ka kohë që është i rreshtuar në një strukturë tjetër politike dhe, ndonëse e ka të njohur se angazhimet e LD në zgjidhjen e çështjes shqiptare në Mal të Zi kanë qenë të drejta, zor se mund të pritet qëndrim tjetër i tij në rapor me subjektin e parë, përpos atë që lexojmë në faqet e të përjavshmes sonë. Pra, qëndrimet e z. Dinosha nuk çudisin, edhe pse abecedën politike e mësoi në Lidhjen Demokratike.
Kohëve të fundit në faqet e “Kohës javore” kemi kënaqësinë që të lexojmë analiza, opinione dhe vështrime të ndryshme madje edhe nga një veprimtar publik, i cili të gjitha këto ka mundësi ti thotë në raste të shumta, si takime, mbledhje, tryeza, debate, në parlament etj. Por ani! Është mirë edhe kështu, që gjërat të mbeten të shkruara për ti lexuar një ditë edhe vetë autori. Personalisht nuk jam i prekur nga këto shkrime, aq më pak pasi që ato vijnë nga bashkëveprimtari politik në fillet e pluralizmit politik në Mal të Zi të viteve të 90-ta, z. Ferhat Dinosha.
Nuk dua të polemizoj me qëndrimet dhe pikëpamjet e z. Dinosha lidhur me veprimtarinë, qëndrimet dhe angazhimet e Lidhjes Demokratike, pasi që ai ka kohë që është i rreshtuar në një strukturë tjetër politike dhe, ndonëse e ka të njohur se angazhimet e LD në zgjidhjen e çështjes shqiptare në Mal të Zi kanë qenë të drejta, zor se mund të pritet qëndrim tjetër i tij në rapor me subjektin e parë, përpos atë që lexojmë në faqet e të përjavshmes sonë. Pra, qëndrimet e z. Dinosha nuk çudisin, edhe pse abecedën politike e mësoi në Lidhjen Demokratike. Ka edhe asi, i kisha quajtur me fjalorin e z. Dinosha, gojëkëqinjsh, që pohojnë ndryshe! Por unë nuk dua të replikoj duke sjellur tryezën në atë mënyrë që të flas për mangësitë e UDSH-së, as për “aktivistetët e denjë” të këtij subjekti, të cilët në vitet e 90-ta ishin kundër themelimit të subjektit politik shqiptar, e që sot rrahin gjoksin dhe në emër të UDSH-së mbajnë poste e kanë privilegje të shumta nga Qeveria e Malit të Zi. Por po, dua të komentoj disa qëndrime që lidhen me anomalitë në politikën tonë, për të cilat flet z. Dinosha, e të cilat janë më se të sakta por, si zakonisht, ai fajësinë për to do tia hedhë dikujt tjetër. Thonë se faji është jetim, andaj nuk çudit as tentativa e z. Dinosha që përgjegjësinë për anomalitë ta ndajë nga meritat që i do vetëm për vete. Por ato nuk mund të ndahen.
Fillimisht do të thoja se politikani i profilit të Dinoshës nuk do të duhej të ketë nevojë që të jetë kaq i “zhurmshëm” në arsyetimin e hapave të vet. Veprat le ta tregojnë atë. E në vepra të tij e të subjektit të tij janë rreshtuar bukur mirë aktivitete, por ato duhet pranuar me gjithë anomalitë që i përcjellin. I numëroj vetëm disa: komuna urbane e Tuzit, studimet e mësuesisë, Ligji mbi pakicat, Këshillat nacionale, që janë produkte të kompromiseve politke të UDSH-së. Për këto askush nuk u kërkon pjesë në meritat që u takojnë, por natyrisht as në anomalitë që dalin si pasojë e tyre. Ia fillojmë nga e para.

Komuna urbane e Tuzit iu “shit” opinionit duke e krahasuar atë me komunën e Sarajit në Shkup. Kungull për shalqi, na u shit! Ajo ka emblemë, ne nuk kemi; ajo ka kufi, ne nuk i kemi; ajo ka ditën e vet, ne nuk e kemi, ajo ka buxhet e ne nuk kemi…. E Saraji nuk ishte kurrë qytet, por pjesë e tij, e Tuzi ishte çdoherë qytezë në vete, e kurrë pjesë e Podgoricës. Ditë më parë mora pjesë në një tryezë të rrumbullakët në Shkup, organizuar nga PER, Princeton, në lidhje me menaxhimin e komunave multietnike, ku ishte prezent edhe Ministri i pakicave, nga radhët e UDSH-së, bashkë me ndihmësin e tij, të cilët, pa kurrëfarë informatash relevante sulmuan ashpër, drua më ashpër se do ta bënte cilido malazias, qëndrimet e mia lidhur me bazueshmërinë që Tuzi të ketë komunë të plotë. Nuk dua të publikoj këtu detajet e kësaj tryeze sepse nuk është objekt i kësaj teme, por nuk mund të heshti faktin se Minsitri i (dez)informon të pranishmit se Komunës urbane të Tuzit i takojnë 8% të buxhetit të Podgoricës dhe se Tuzi (Malësia) do të fitojë komunën kur të dëshmohet se mund ta këtë buxhet edhe si komunë e ndarë.
Z. Nimani theksoi se Ulqini, kur ai ishte kryetar komune, kishte më pak se 3 milionë euro buxhet dhe se realizohej diku vetëm rreth 60%, por nuk i përmendi arsyet e mosrealizimit.
Ai nuk e sheh, apo më mirë të them nuk do ta shohë anomalinë kryesore se problem kyç në Mal të Zi paraqet mu çështja e decentralizimit, për të cilën do të duhej pritur përkrahja e Ministrit nga radhat e popujve pakicë. Por edhe nga z. Dinosha. Aty do të duhej të ishte rezuzltanta e bashkëveprimit që çon drejt decentralizimit e jo, për interesa të disa stolave, të përkrahen tentativat centralizuese të pushetit qendror që Ulqinin e lë pa plazhe, pa hotele, pa ullishta, pa truall ndërtimor, pra pa buxhet e Tuzin pa komunë të plotë.
E për cilat privilegje të heshten këto!? Të tilla privilegje nuk besoj të ketë!
Po studimet e mësuesisë, çfarë prodhuan? A nuk do të ishte më mirë të kishim një qendër studimesh në Ulqin apo Tuz, apo në fund të fundit, të siguronim bursa për aq mësues të rinj sa na duhen e tzi shkollonim në Tiranë, Shkodër, Prishtinë apo Tetovë. Hiperproduksioni i mësuesëve, që më tepër promovon Qeverinë malazeze si demokratike sesa ndihmon nevojën tonë, po ashtu është një anomali që i takon atij që bëri këtë kompromis, jashtë asaj që ishte konsensusi ndërshqiptar.
Poashtu Këshilli nacional së bashku me përbërjen e tij, paraqet anomali të llojit të vet, por gjithnjë, me mundësitë që i ka dhënë ligji, dikur, sipas UDSH-së, aq i mirë, e sot i anatemuar.
Dihet pse; UDSH nuk arriti ta marrë nën kontroll. Lexuesve besoj se u kujtohet qëndrimi ynë lidhur me këtë ligj, i prodhuar enkas për të inkurajuar popujt pakicë në prag të referendumit. Sikur edhe shumë projekte tjera që paraqiteshin si arritje shpëtimtare, e që në fund dilnin të mangëta. Këtë tashmë e ka të qartë edhe Dinosha, por ai nuk do ta shohë se situta nuk ndërron me shërim parcial. Shërimi mund të arrihet vetëm nëse ne kemi një front të përbashkët shqiptar, e jo të bashkuar me pushtetin, të mundim partitë e tjera shqiptare. Kjo nuk jep zgjidhje, por jep vetëm privilegje për individë, e që në raport me çështjen tonë të përbashkët edhe tutje krijon anomali. Angazhimet e tilla lënë vend që edhe ata pak bar që, falë akcesit të UDSH-së te fondet shtetërore, ka “shpërthyer anës mullarit”, të thahet, se përderisa mjetet nuk sigurohen në formë institucinale por me lidhje personale, ato mund të shuhen në çdo moment. Nuk besoj se duke i anatemuar të gjithë të tjerët dhe duke mbajtur UDSH-në si meritore të vetme për të mirat, mund të largohet terri i shkaktuar nga “sana e dendur rreth mullarit”, thënë me fjalorin poetik të z. Dinoshës.
Sa i pëkret Verës Kulturore në Ulqin dhe mospjesëmarrjes së një pjese të politkës shqiptare, do të shtoja se në disa ishim, por vendi që na u dha, tregoi se as ne nuk e kishim vendin aty, e jo më të vinin edhe të tjerët. Si duket ata e kishin të njohur këtë, pra se si shtëpiaku sillet ndaj nesh të vegjëlve, kur është i zënë me të mëdhenjtë, prandaj nuk erdhën.
Dhe krejt në fund, a është anomali të kesh një Ministri të pakicave dhe nga zyrat e saj të mos dalë asnjë pakënaqësi apo reagim lidhur me mënyrën e realizimit të aksionit famëkeq policor “Fluturimi i shqiponjës”. Janë torturuar pjesëtarët e pakicës, pleq e fëmijë, nga e cila vinin dy ministra që u ndërruan ndërkohë, e që janë nga radhët e UDSH-së dhe asnjë fjalë keqardhje, së paku familjarëve, nuk u drejtuan. Të lihen anash procesi dhe (pa)fajësia, por nuk ishte logjike që tortura ndaj të pafajshmëve, të heshtej. Paramendoni reagimet, sikur në atë post të ishte një kroat dhe të torturuarit të ishin nga pakica kroate!
Për këto e të tjera anomali a thua mund të jetë tjetërkush më meritor se ata që janë në pushtet! Derisa ata të gëzojnë privilegjet që si pasojë kanë këto lloj anomalish, neve na mbetet, së paku, që të vazhdojmë të mos i pëlqejmë ato.
Nikollë Camaj
Koha Javore

Platforma e opozitës malazeze dhe LD në MZ e ASH

Ejani në vallen e Sheshelit
Çuditen edhe përfaqësues të huaj si është e mundur që disa shqiptarë të mos kenë marrë mësim nga e kaluara e afërt dhe të shkojnë kundër asaj që është ecuri e favorshme politike e kombëtare për shqiptarët. Thënë të drejtën, mua më shumë më çudit heshtja dhe amullia e votuesve dhe udhëheqjeve të LD në MZ e të ASH sesa hapat politikë të dyshes Bardhi-Sinishtaj. Këta të dy siellje të ngjashme kanë patur edhe gjatë fushatës së Referendumit për pavarësinë e Malit të Zi, në momentin vendimtar të dhënies së grushtit projektit serbomadh.
Fillimin e sezonit të ri politik, pas pushimeve verore të këtij viti, e ka shënuar Platforma e Lëvizjes për Ndryshime, e ofruar edhe partive të tjera opozitare në Mal të Zi. Platforma i thërret partitë e tjera opozitare në veprim të përbashkët, në radhë të parë për të rrëzuar regjimin e Millo Gjukanoviqit. Thirrjes për t`u ulur në tryezën e përbashkët iu përgjegjën shumica e partive opozitare, ndër të cilat edhe dy parti shqiptare, në fakt liderët e LD në MZ dhe ASH, z. Mehmet Bardhi e z. Vasel Sinishtaj.
Është e qartë se opozita, kudo në botë, lufton për të rrëzuar pozitën dhe për të marrë pushtetin. Por, nëse dihet fakti se pozita në Mal të Zi është kryesisht proserbe dhe se grupacioni më i fortë brenda saj është Lista Serbe e Andrija Mandiqit, atëherë thirrja për të rrëzuar Gjukanoviqin, në esencë do të thot: Ejani në vallen e Sheshelit!
Ejani në vallen e atyre të cilët kanë përkrahur gjenocidin e Millosheviqit në Kosovë, të atyre të cilët Thaçin, Ramushin e UÇK-në i quajnë kriminelë, kurse heronj i kanë Karaxhiqat, Mlladiqat, Sheshelat … Ejani të rrëzojmë Gjukanoviqin do të thotë ejani në vallen e atyre të cilët kanë qenë e janë kundër pavarësisë së Malit të Zi, të atyre të cilët kanë qenë e janë kundër pavarësisë së Kosovës, të atyre të cilët kanë qenë e janë për Serbi të Madhe. Hajt se partitë serbe e proserbe kanë punët e veta dhe angazhimet e veta politike, po ç`punë kanë me ta e me liderët e tyre dhe cili është angazhimi politik i zotërinjve Bardhi e Sinishtaj?
Të dhemb shpirti kur sot në ekran, në protestat e Beogradit kundër kapjes dhe dërgimit të Radovan Karaxhiqit në Hagë, sheh edhe liderë serbë të opozitës malazeze, e të nesermen të njëjtit liderë i sheh në tavolinë të përbashkët me Bardhin e Sinishtajn duke bërë farë projekti për lumturimin e shqiptarëve!
Çuditen edhe përfaqësues të huaj si është e mundur që disa shqiptarë të mos kenë marrë mësim nga e kaluara e afërt dhe të shkojnë kundër asaj që është ecuri e favorshme politike e kombëtare për shqiptarët. Thënë të drejtën, mua më shumë më çudit heshtja dhe amullia e votuesve dhe udhëheqjeve të LD në MZ e të ASH sesa hapat politikë të dyshes Bardhi-Sinishtaj. Këta të dy sjellje kanë patur të ngjashme edhe gjatë fushatës së Referendumit për pavarësinë e Malit të Zi, në momentin vendimtar të dhënies së grushtit projektit serbomadh. Po, po. Serbisë së Madhe i janë thyer hundët në Podgoricë. vetëm UDSH ka qenë aktive dhe i ka ftuar publikisht shqiptarët për të përkrahur pavarësinë e Malit të Zi, e bindur se kjo është edhe në interesin e shqiptarëve, e bindur se pavarësia e Malit të Zi do të jetë paradhomë e pavarësisë së Kosovës. Kontributi i z. Bardhit në këtë ka qenë aq sa i çakallit në gjahun e luanit, kurse grupacioni i z. Sinishtaj asokohe i ftonte shqiptarët për bojkot.
Nuk di unë si kishte vajtur puna po të mos ishte pavarësuar Mali i Zi. Por, e di se i vetmi personalitet i aftë për t`i prirë valles së pavarësisë ka qenë Millo Gjukanoviq. E di se i vetmi sllav për t`i quajtur publikisht, në Parlamentin e Malit të Zi, bëmat e regjimit të Millosheviqit në Kosovë - gjenocid ishte po ky. E di se i vetmi malazez, supet e të cilit do të durojnë njohjen e pavarësisë së Kosovës është prapë z. Gjukanoviq.
Nga del atëherë oreksi për ta rrëzuar atë nga pushteti dhe pse atë oreks e kanë edhe disa shqiptarë?!
Natyrisht, pushteti i tij nuk është i përkryer por, pushteti tjetër në Mal të Zi sot nuk do të ishte më i mirë për shqiptarët. Sepse, ai do të ishte i çetnikëve.
Pra, është e qartë se në vend që të sjellin ujin në mullirin e opozitës serbe, partitë shqiptare duhet të angazhohen për partneritet me qeverinë e Gjukanoviqit, duke bërë trysni të argumentuar ndaj saj për të përmirësuar pozitën e shqiptarëve në pajtim me normat demokratike të shteteve multietnike evropiane dhe duke u dëshmuar qartë kontributorë në procesin e integrimeve europiane dhe euro-atlantike.
Ferhat Dinosha
Koha Javore

Kryetari i UDSH-së Ferhat Dinosha thotë se Mali i Zi dhe Shqipëria duhet të fillojnë bisedimet mbi çështjen e dyshtetësisë

Dyshtetësia e dobishme për të dy vendet
Podgoricë - Kryetari i UDSH-së, Ferhat Dinosha, ka thënë se Mali i Zi dhe Shqipëria duhet të fillojnë bisedimet mbi dyshtetësinë pasi që kjo do të ishte e dobishme për të dy shtetet.
“Absolutisht mendoj se do të ishte e dobishme të fillonin bisedimet lidhur me këtë temë ndërmjet Malit të Zi dhe Shqipërisë për arsye se të dy shtetet kanë në gjirin e popullsisë së vet pjesëtarë të popullit shumicë të vendit tjetër. Tashmë u kam sugjeruar disa përfaqësuesve nga të dyja palët se një gjë e tillë do të ishte e dobishme”, ka thënë ai.
Dinosha konsideron se për këtë çështje do të diskutohet “në nivel më të gjerë” dhe ka theksuar se në kuadër të partisë së tij tashmë kanë biseduar për këtë.
“Në nivel të partisë kemi pasur bisedime lidhur me këtë temë dhe sigurisht që në këtë fazë, do të inicojmë këtë çështje. Edhe Kushtetuta e Malit të Zi e parashikon këtë mundësi dhe sa i përket kësaj zgjidhjeje shteti që është i interesuar për diçka të tillë duhet të ndërmarrë iniciativën”, ka thënë ai.
Dinosha ka sqaruar se në këtë rast kemi të bëjmë me interesin e “qytetarëve të caktuar që më heret”, të cilët me siguri dëshirojnë të kenë shtetësinë e Malit të Zi. “Duke pasur parasysh që kemi ambasadorin e Shqipërisë në Podgoricë, kjo është lehtë të inicohet”.
Ai ka thënë se është standard që qytetari i cili posedon dyshtetësi të votojë në vendin ku punon dhe paguan tatimet.
“I njëjti qytetar nuk mund të votojë në të dy shtetet. Në këtë rast, duhet të përcaktohet për njërin prej tyre. Ky është standard dhe kjo çështje nuk mund të jetë e rregulluar ndryshe”, ka theksuar Dinosha.
Sipas kryetarit të UDSH-së, “Mali i Zi është vend i vogël dhe me siguri do të duhej të kishte parasysh atë çfarë sugjeron edhe Kushtetuta, që për këtë çështje të ekzistojë njëfarë mase dhe kontrolli që nuk do të dëmtonte interesin shtetëror të Malit të Zi”.
Burimi / Kohapress

Dinosha:vazhdon polemika rreth njohjes së pavarësisë së Kosovës nga Mali i Zi

Shqiptarët dhe serbët, luftë deklaratash
Kryetari i UDSH-së, Ferhat Dinosha, ka thënë se njohja e Kosovës është në interesin shtetëror të Malit të Zi, por edhe stabilitetit të rajonit. Edhe kryetari i Alternativës Shqiptare, Gjergj Camaj, ka vlerësuar se “shteti që synon të bëhet pjesë e integrimeve euro-atlantike dhe që akoma nuk e ka njohur realitetin e ri në rajon dhe ata që mendojnë akoma se Kosova është krahinë jugore serbe janë në lajthitje sepse me këtë gjë i shkaktojnë më shumë dëm popullit dhe shtetit të vet”. Deklaratat e krerëve të partive shqiptare kanë hasur në reagime të ashpra nga partitë proserbe në Mal të Zi të cilat kanë thënë se shqiptarët po bëjnë presion mbi pushtetin malazez.
Derisa pushteti në Mal të Zi vazhdon të heshtë rreth çështjes së njohjes së pavarësisë së Kosovës, ditëve të fundit është rikthyer lufta e deklaratave ndërmjet partive shqiptare dhe atyre serbe në Mal të Zi.
Kjo luftë ka filluar dhe është zhvilluar kohë pas kohe që nga shpallja e pavarësisë së Kosovës më 17 shkurt të këtij viti.
Partitë shqiptare kërkuan që në atë kohë që Mali i Zi të njohë menjëherë pavarësinë e Kosovës për shkak të fqinjësisë së mirë, por edhe për shkak të proceseve integruese.
Kryetari i Unionit Demokratik të Shqiptarëve, Ferhat Dinosha, pat deklaruar në fund të muajit prill se Mali i Zi do të duhet ta njohë pavarësinë e Kosovës në muajin maj për shkak të simbolikës që ka ky muaj për shtetin malazez.
Pas kalimit të majit, Dinosha ka caktuar verën si afat kur Mali i Zi duhet ta njohë pavarësinë e Kosovës.
Por tani që jemi në fund të gushtit dhe verës, ka qenë sërish Dinosha ai që ka nxitur luftën e deklaratave duke thënë se Mali i Zi do të mund ta njihte pavarësinë e Kosovës deri në fund të këtij viti.
Ai ka rikujtuar se duke qenë se në vitin e ardhshëm janë paralajmëruar të mbahen zgjedhjet parlamentare, do të ishte mirë që Mali i Zi gjatë këtij viti të jepte përgjigje ndaj pavarësisë së Kosovës.
Dinosha ka thënë se njohja e Kosovës është në interesin shtetëror të Malit të Zi, por edhe stabilitetit të rajonit.
“Kjo nuk është çështje disponimi por e interesit nacional dhe besoj se këtë vit do të jemi dëshmitar të kësaj. Duhet të arrijmë deri aty që Mali i Zi sipas bindjes së vet, pa sygjerime dhe presione nga jashtë, ta bëjë këtë vetë sepse kjo është e pashmangshme heret a vonë”, ka theksuar ai.
Kryetari i UDSH-së ka thënë se nuk posedon burime të cilat do t`i tregonin datën e saktë të njohjes së pavarësisë së Kosovës, por ka shprehur besimin se forcat që kanë ditur t`ia rikthejnë pavarësinë Malit të Zi pa pasoja dhe incidente, do të dinë të vlerësojnë se kur është koha më e mirë për njohjen e pavarësisë së Kosovës.
Edhe partia më e re shqiptare në skenën politike të Malit të Zi, Alternativa Shqiptare, ka kërkuar nga Qeveria e Malit të Zi që të njohë sa më parë pavarësinë e Kosovës.
“Pushteti malazez do të ishte përgjegjës i drejtpërdrejtë për pasojat eventuale që do t`i shkaktonte imazhit të Malit të Zi dhe rrugës së tij europiane mosnjohja e pavarësisë së Kosovës”, ka vlerësuar kryetari i ASH-së, Gjergj Camaj.
Sipas tij, “shteti që synon të bëhet pjesë e integrimeve euro-atlantike dhe që akoma nuk e ka njohur realitetin e ri në rajon dhe ata që mendojnë akoma se Kosova është krahinë jugore serbe janë në lajthitje sepse me këtë gjë i shkaktojnë më shumë dëm popullit dhe shtetit të vet”.
Camaj ka thënë se qëndrimi i ASH-së nuk ndryshon nga qëndrimi zyrtar i shteteve më të fuqishme dhe më të zhvilluara botërore “se Mali i Zi fiton më shumë në rrugën e tij europiane duke njohur pavarësinë e Kosovës, sesa vetë Kosova”.

“Ne si shqiptarë nuk do të mundohemi të mësojmë pushtetin se çfarë duhet të bëjë në këtë situatë, sepse ne nuk jemi pjesë e pushtetit, por jemi të bindur se përfitimin më të madh në rastin e njohjes së pavarësisë së Kosovës do ta ketë Mali i Zi, me ç`gjë do të stabilizohej situata në rajon”, ka vlerësuar Camaj.
Por deklaratat e krerëve të partive shqiptare kanë hasur në reagime të ashpra nga partitë proserbe në Mal të Zi.
Partia Demokratike Serbe ka kërkuar nga partitë shqiptare në Mal të Zi që të mos bëjnë presion ndaj pushtetit në Podgoricë që të njohë pavarësinë e Kosovës.
“Ajo që mendojmë se nuk do të duhej të ndodhte është fakti se këto presione vijnë edhe nga vetë Mali i Zi - nga partitë shqiptare, të cilat i lusim të qëndrojnë anash, siç kanë thënë edhe vetë, duke mos u përzier në marrëdhëniet vëllazërore në Mal të Zi”, ka thënë zëdhënësi i kësaj partie Matija Nikoliq.
Kjo parti, siç thuhet, i rikujton ata që bëjnë presion dhe ata që gjenden nën presion për pakënaqësinë e shprehur në mitingun e madh popullor të mbajtur në Podgoricë menjëherë pas shpalljes së pavarësisë së Kosovës.
Edhe partitë e tjera proserbe në Mal të Zi janë shprehur disa herë kundër njohjes së pavarësisë së Kosovës nga Mali i Zi.
Ndërkaq pushteti në Mal të Zi edhe pse nuk është shprehur në mënyrë të drejtpërdrejtë ka lënë të nënkuptohet përmes deklaratave të kohë pas kohshme se Malit të Zi i duhet heret a vonë ta njohë pavarësinë e Kosovës.
Në këtë linjë ka qenë edhe deklarata disa ditë më parë e nënkryetarit të Partisë Demokratike të Socialistëve, Svetozar Maroviq.
Duke folur për çështjen e njohjes së pavarësisë së Kosovës, ai ka theksuar se Mali i Zi shumë shpejt do të gjendet në situatë që të vendosë nëse do të ecë drejt Europës apo që prioritetet e tij t`i vendosë në plan të dytë.
Sipas tij, integrimet europiane janë objektivi më i rëndësishëm i Malit të Zi.
Maroviq ka thënë se ata që thonë se do të ndërmarrin hapa radikalë në rast se Podgorica njeh pavarësinë e Kosovës janë po të njëjtit që në Beograd kanë protestuar kundër pushtetit aktual në Serbi dhe kanë bërë thirrje për demonstrata në mbrojtje të Radovan Karaxhiqit.
Lidhur me mundësinë e njohjes së Kosovës nga Mali i Zi është shprehur kohë më parë edhe Prishtina zyrtare.
Kryeministri i Kosovës, Hashim Thaçi, ka theksuar se Mali i Zi dhe Maqedonia mund ta njohin në të njëjtën kohë Kosovën.
Deri tani Kosovën e kanë njohur 46 shtete të botës, në mesin e të cilëve disa nga shtetet më të fuqishme dhe më të zhvilluara të botës, si SHBA, Gjermania, Franca, Britania e Madhe, Italia, etj.
Burimi / Koha Javore

Dinosha: Mali i Zi deri në fund të vitit do ta njohë pavarësinë e Kosovës

Podgoricë, 26 gusht - Kryetari i Unionit Demokrarik Shqiptar Ferhat Dinosha ka vlerësuar se Mali i Zi deri në fund të këtij viti mund të njohë pavarësinë e Kosovës. Dinosha ka thënë për shtypin malazez se vitin e ardhshëm janë paralajmëruar zgjedhjet parlamentare në Mal të Zi, andaj sipas tij, më së miri do të ishte që Mali i Zi të japë përgjigje ndaj pavarësisë së Kosovës. Por ai më herët në disa raste ka thënë se Kosova do të njihet në maj apo gjatë verës. “Unë kam thënë se vera do të ishte koha më optimale, madje edhe majin e kam përmendur, por vera nuk ka kaluar. Verë është edhe në shtator”, ka theksuar Dinosha për gazetën “Vijesti” Ai ka thënë se nuk ka burime që do t’i thonë datën e saktë të njohjes së Kosovës, por konsideron se autoritetet mnalazeze do të mund të vlerësojnë kohën më të mirë të njohjes së Kosovës. Dinosha konsideron se njohja e Kosovës është në interesin e Malit të Zi, por edhe të stabilitetit të rajonit. “Kjo nuk është çështje e disponimit, por e interesit kombëtar të Malit të Zi dhe besoj që sivjet do të jemi dëshmitarë të kësaj… Duhet të vihet deri aty që Mali i Zi në bazë të bindjes së vet, pa sugjerime apo presione nga jashtë të bëjë këtë vetë sepse herët a vonë kjo është e pashmangshme”.
Burimi / QIK
http://www.vimeo.com/603706

Dinoša tvrdi da je u interesu Crne Gore da se odredi prema Kosovu

Priznanje ove godine
Podgorica - Predsjednik Demokratske unije Albanaca (DUA) Ferhat Dinoša ocijenio je juče da bi Crna Gora do kraja godine mogla priznati nezavisnost Kosova.
Podsjećajući da su za narednu godinu najavljeni parlamentarni izbori, Dinoša je “Vijestima” kazao da bi najbolje bilo da tokom godine Crna Gora da odgovor na kosovsku nezavisnost. Na podsjećanje da se vlast nije zvanično odredila prema kosovskoj nezavisnosti ni nakon njegovih sugestija da Kosovo treba priznati u maju ili tokom ljeta, Dinoša kaže da još nije kasno.
„Jesam rekao da bi ljeto bilo optimalno vrijeme, čak sam i maj pominjao, ali ljeto nije prošlo. Ljeto je i u septembru“, poručio je lider DUA.
Napominjući da nema izvore koji će mu reći tačan datum priznanja Kosova, Dinoša smatra da će snage koje su umjele da bez posljedica i incidenata povrate nezavisnost Crne Gore, umjeti da procijene najbolje vrijeme za priznanje Kosova. Ističući da DUA, kao partija koja je dio vlasti, sugeriše vladajućoj koaliciji ono što je državni interes Crne Gore, Dinoša smatra da je priznanje Kosova u interesu Crne Gore, ali i stabilnosti regiona.
„To nije stvar raspoloženja već nacionalnog interesa Crne Gore i vjerujem da ćemo ove godine biti svjedoci toga… Treba doći dotle da Crna Gora po sopstvenom ubjeđenju, bez sugestija ili pritisaka spolja, učini to sama jer je to prije ili kasnije neizbježno“, tvrdi on.
Komentarišući procjene da u Crnoj Gori nema više od 15 odsto stanovnika koji podržavaju nezavisnost Kosova, Dinoša je ocijenio da nije veliki procenat ni onih koji smatraju da Crna Gora treba da bude članica NATO-a.

„I ranije sam rekao da može da se desi da priznanje u jednoj fazi bude jači interes Crne Gore nego samog Kosova. Mislim da ne bi trebalo da Crna Gora dozvoli da se dođe do takve faze. Jasno je da su najjače države svijeta to učinile i da Crna Gora stremi da bude dio te porodice“, rekao je Dinoša “Vijestima”.
Najave kosovskog premijera Hašima Tačija da bi Crna Gora i Makedonija mogle priznati Kosovo u isto vrijeme, Dinoša je ocijenio dobrim predlogom, ističući da bi tako bilo za nijasnu lakše za obije države.
„Možda bi to u nekoj nijansi bilo lakše, ali mislim da Crna Gora treba u prvom redu da slijedi svoj državni i nacionalni interes bez obzira na ponašanje drugih država regiona. Inače, mislim da kašnjenjem u priznavanju Kosova države regiona ne čine stvari u korist sopstvenog demokratskog imidža”, tvrdi Dinoša.
S.KAJOŠEVIĆ
Izvor / Vijesti

http://www.vimeo.com/1101171

“Pse Mali i Zi duhet ta njohë Kosovën e pavarur”

Ferhat Dinosha, kreu i Unionit Demokratik të Shqiptarëve paralajmëron qeverinë malazeze: Viti i ardhshëm, vit zgjedhor
Kryetari i Unionit Demokratik të Shqiptarëve në Mal të Zi, Ferhat Dinosha, paralajmëroi qeverinë malazeze se nuk është në interesin e saj kombëtar që Mali i Zi të zvarrisë njohjen e Kosovës. Ai vlerësoi se Podgorica duhet ta njohë Prishtinën në paketë, së bashku me Maqedoninë gjatë këtij viti. “Ndoshta do të ishte më mirë që njohja të bëhej në paketë me Maqedoninë. Të dyja shtetet aspirojnë integrimet. Ky do të ishte hap i rëndësishëm në këtë rrugë”, tha Dinosha për gazetën malazeze “Republika”.
Do të ishte më keq, sipas tij, nëse Podgorica do ta shtynte vendimin për vitin tjetër, për shkak se ai është vit zgjedhor. Dinosha shprehu gatishmërinë për të ndërmjetësuar mes institucioneve të Prishtinës dhe malazezëve në Kosovë, që malazezët e Kosovës të përfshihen në Kushtetutën e saj.