Fotografi i njohur ulqinak Isuf Gjoni hapi ekspozitën e tij të parë vetjake

Fotografitë e ëndrrave
Mr. Llazar Pejoviq, pedagog i fotografisë në Fakultetin e Arteve në Cetinë, tha se shumë rrallë hasim raste si te Gjoni ku njeriu arrin të prezantojë edhe shprehjen autoriale, por në të njëjtën kohë të jetë i njohur edhe si fotograf komercial.
“Mendoj se kjo është njëra nga rrugët më të mira për popullarizimin e fotografisë në Mal të Zi, sepse vetëm përmes një qasjeje të tillë serioze, arti fotografik mund të arrijë deri te shtresat më të gjera shoqërore”, tha Pejoviq.
Fotografi i njohur ulqinak, Isuf Gjoni, hapi të shtunën në Galerinë “Art” të Qendrës së Kulturës në Ulqin ekspozitën e tij të parë fotografike. Në ekspozitë ai u prezantua me 40 fotografi, të ndara në disa cikle, të realizuara me mjeshtri nga autori jo vetëm nga toka, por edhe nga ajri.
Duke folur për ekspozitën, doc. Mr. Llazar Pejoviq, pedagog i fotografisë në Fakultetin e Arteve në Cetinë, tha se fotografitë e Gjonit janë të rëndësishme për dy arsye.
“Ato prezantojnë një veti që e ka autori, e kjo është që ai arrin të bashkojë kreativitetin specifik, talentin e autorit me profesionalizmin e lartë”, tha Pejoviq.
Ai tha se shumë shpesh fotografët nuk merren me art, por merren me anën komerciale, kurse shumë rrallë hasim raste si te Gjoni ku njeriu arrin të prezantojë edhe shprehjen autoriale, por në të njëjtën kohë të jetë i njohur edhe si fotograf komercial.
“Mendoj se kjo është njëra nga rrugët më të mira për popullarizimin e fotografisë në Mal të Zi, sepse vetëm përmes një qasjeje të tillë serioze, arti fotografik mund të arrijë deri te shtresat më të gjera shoqërore”, tha Pejoviq.
Piktori Qazim Muja tha se origjinaliteti i fotografit Gjoni mund të vërehet në zgjedhjen e atmosferës së pazakonshme për fiksim fotografik si qielli plot re, deti i valëzuar, perëndimi i diellit duke zgjedhur objektivin adekuat për të paraqitur thellësinë dhe gjerësinë e ekspozicionit.
“Duke u nisur nga një bankë e vetmuar në mes të pyllit, autori fillon të shpalosë ndjenjat e veta, nga ato më intimet, të momentin të vetmisë, pastaj duke fiksuar monumentet e ndryshme të krijuara nga dora e njeriut dhe monumentet e natyrës, simbole të qëndresës, dhe më pastaj me detin, valët, ujëvarat, na sygjeron idenë mbi dinamizmin dhe ndryshueshmërinë e përhershme, teorinë se çdo gjë rrjedh, çdo gjë ndryshon”, tha ai.
Ndërsa kryetari i Komunës së Ulqinit, Gëzim Hajdinaga, vlerësoi në radhë të parë personalitetin e Gjonit.
“Çdo herë që Komuna e Ulqinit ka dashur të organizojë diçka, nuk ka menduar fare se si do të organizohet ajo. Gjoni është njeri pedant, i sigurt në vete dhe unë jam i sigurt që ai do të ketë akoma më tepër suksese në karrierën e tij”, u shpreh Hajdinaga.
Ekspozita u organizua në kuadër të ceremonive kushtuar Ditës së Komunës së Ulqinit.
I.Kallaba
KOHA JAVORE

Manipulim me shpërblimet e ndara për nxënës në Ditën e Ulqinit

Pasi e uruam Arbnoren, mora “Lëvdatën” të lexoj se cila shkollë ishte, pashë se përveç emrit dhe mbiemrit të saj aty nuk shkruhej asgjë tjetër (dëshmi “Lëvdata” e fituar për nxënësen Arbnore Tafica). Mbetëm të habitur, tani nuk dinim se prej cilës shkollë ishte shpallur nxënëse e gjeneratës, ajo e cila kishte tërhequr shpërblimin.
Ashtu të habitur nga kjo situatë, afrohet Kryetari i Komunës, Gëzim Hajdinaga, na uron neve dhe Arbnores i thotë: “Të kemi mbetur borxh një Lëvdatë, por po ta kishim dhënë ty, do të hidhëroheshin të tjerët”. Tani u vërtetua se diçka nuk ishte në rregull.
Të njoftuar se me rastin e Ditës së Ulqinit më 04 prill 2008 në ora 18,00 në objektin e Shtëpisë së Kulturës, se do të bëhej shpallja dhe ndarja e “Lëvdatave” për nxënësit më të mirë të gjeneratës të propozuar nga shkollat fillore, të mesmet dhe Shkolla e Ulët e Muzikës, e organizuar nga Komuna e Ulqinit, ne familjarisht morëm pjesë në këtë ceremoni.
Arsye më shumë për pjesëmarrje ishte se vajza jonë, nxënësja Arbnore Tafica do të shpallej dhe shpërblehej si nxënëse e gjeneratës nga Shkolla Fillore “Marshall Tito” (klasa VIII ) dhe Shkolla e Ulët e Muzikes (klasa VI - viti i fundit).
Pasi përshëndeti të pranishmit, Sekretarja e Sekretariatit për Administratë, Dispozita, Kuadro dhe Veprimtari Shoqërore, zonjusha Pranvera Smajlaga, ku ishte prezent edhe Kryetari i Komunës, Gëzim Hajdinaga filloi të ndajë “Lëvdata”, duke lexuar vetëm emrin e mbiemrin e nxënësve e jo edhe shkollën prej nga vinin nxënësit.
Pasi e uruam Arbnoren, mora “Lëvdatën” të lexoj se cila shkollë ishte, pashë se përveç emrit dhe mbiemrit të saj aty nuk shkruhej asgjë tjetër (dëshmi “Lëvdata” e fituar për nxënësen Arbnore Tafica). Mbetëm të habitur, tani nuk dinim se prej cilës shkollë ishte shpallur nxënëse e gjeneratës, ajo e cila kishte tërhequr shpërblimin.
Ashtu të habitur nga kjo situatë, afrohet Kryetari i Komunës, Gëzim Hajdinaga, na uron neve dhe Arbnores i thotë: “Të kemi mbetur borxh një Lëvdatë, por po ta kishim dhënë ty, do të hidhëroheshin të tjerët”. Tani u vërtetua se diçka nuk ishte në rregull.
Menjëherë, pasi u largua Kryetari i Komunes u afrua drejtori i shkollës “Marshall Tito”, Martin Zadrima, e uroi Arbnoren dhe neve, si prindër.
Tani na lindi dyshimi se shpërblimin për nxënëse të gjeneratës e ka tërhequr Shkolla e Ulët e Muzikës. Mësuam nga të tjerët në ceremoni se këtë “lëvdatë” në emer të kësaj shkolle e kishte marrë një nxënëse tjetër e po kësaj shkolle (e klasës IV), edhe pse dihej se ishte e zgjedhur Arbnore Tafica. Këtë e vërteton shkresa e Shkollës së Ulët të Muzikës nr.31 nga 24.03.2008 dërguar Sekretariatit për Administratë, Dispozita, Kuadro dhe Veprimtari Shoqërore e nënshkruar nga drejtori Jusuf Lika, ku ishte e zgjedhur nxënësja Arbnore Tafica.
Pasi vërejtëm se Arbnorja ishte e dëshpëruar e ne po ashtu, vendosëm që të largohemi menjëherë nga kjo ceremoni, por në dalje e takuam Jusuf Likën dhe e pyetëm se si ndodhi që Arbnorja nuk mori shpërblim, ai u shpreh: “Betohem se nga shkolla që unë drejtoj nuk ka pasur zgjedhje tjetër perveç Arbnore Taficës dhe s`di se çka është bërë”
Me këtë që ndodhi, ne si prindër jemi të dëshpëruar, por dëshprimi i Arbnores është më i madh. Ajo para shoqërisë së vet doli gënjeshtare!
Me dëshirë që vajzën tonë të mos e lëndojmë më shumë, ne si prindër vendosëm të mos bëjmë hetime se si ndodhi dhe kush është fajtore, vendosëm të bëjmë këtë reagim në mjete të informimit ku në të ardhmen dëshirojmë:
- Që asnjë nxënësi apo talenti të mos i ndodhë kjo që i ndodhi Arbnores.
- Që shkollave t`u lihet e drejta që ata të vendosin - shpallin nxënësin/nxënësen më të mirë e jo të vendosë dikush në emër të tyre.
- Që festimi i Ditës së Ulqinit të mos përcillet me këso manipulimesh.

Mehmet Tafica
KOHA JAVORE

Përmirësohet padrejtësia e Ulqinit

Në prani të autoriteteve më të larta fetare, përfaqësuesve të pushtetit lokal dhe republican, kreu i Komunës së Ulqinit, Gëzim Hajdinaga dhe Reisi i Bashkësisë Islame të Malit të Zi, Rifat Fejziq vendosën të enjten gurthemelin për rindërtimin e Xhamisë së Detarëve, e cila u rrënua para 77 vjetësh nga autoritetet e atëhershme shtetërore malazeze. Avdo Gorana, kryetar i Bashkësisë Islame të Ulqinit, në fjalën e tij përshëndetëse tha se fillimi i rindërtimit të Xhamisë së Detarëve, e cila sipas gojëdhënës është ndërtuar para ardhjes së turqve në këto treva nga tregtarë dhe detarë të shteteve myslimane të mesdheut, është ngjarje e madhe civilizuese për të gjithë qytetarët e komunës së Ulqinit, veçmas për besimtarët myslimanë. Sipas Goranës rindërtimi Xhamisë do të bëhet me kontributin e besimtarëve, prandaj u bëri thirrje të gjithjë qytetarëve që në numër sa më të madh të japin kontributin e tyre. Reisi i Bashkësisë Islame të Malit të Zi, Rifat Fejziq falënderoi të gjithë ata që kanë kontribuar në rindërtimin e kësaj xhamie, e cila sipas tij nuk ka qenë thjeshtë vetëm objekt kulti, por edhe vend pushimi për detarët që kanë ardhur në Ulqin. Ai këtë ditë e cilësoi si ditë të drejtësisë, e cila, siç theksoi ai, “erdhi pak me vonesë, por me vullnetin e Zotit u përmirësua një padrejtësi”. Fejziq u shpreh i bindur se me këtë xhami bregdeti malazez dhe Mali i Zi do të zbukurojë hartën e vet turistike. Kryetari i Komunës së Ulqinit, Gëzim Hjadinaga, pohoi se me rindërtimin e Xhamisë së Detarëve në Ulqin asaj do t`i kthehet përsëri shkëlqimi i saj i dikurshëm, për të cilën kronikanët dhe historianët thonë se ka qenë njëra ndër më të bukurat në rajon. Ceremonisë së hedhjes së gurthemelit të Xhamisë i parapriu një takim i kryetarit të Komunës së Ulqinit, Gëzim Hajdinaga, që pati në kabinetin e tij me përfaqësuesit e të tri komuniteteve fetare në Ulqin, me ç`rast u konstatua bashkëjetesa dhe komunikimi i mirë ndërfetar i qytetarëve të kësaj komune.

Gj. Gjonaj
Koha javore

Takim me intelektualë të Ulqinit

Në ambientet e hotel “Dolcino”, kryesia e Bashkësisë Islame të Ulqinit, ka organizuar një takim me elitën e intelektualëve dhe biznesmenëve të Ulqinit. Në këtë takim të ngrohtë, i ftuar nderi ka qenë thirrësi islam Muhamed Sytari, i cili ka marrë pjesë edhe në ceremoninë e Mevludit Sherifë të organizuar pas namazit të iqindisë së ditës së sotme në xhaminë e Mezjahut.
Në fjalën e tij hyrëse, z. Avdo Gorani, kryetar i porsazgjedhur i Bashkësisë Islame të Ulqinit ka përshëndetur pjesëmarrësit dhe njëkohësisht ka falënderuar gatishmërinë e tyre për të qenë sëbashku në këtë mbrëmje të veçantë. Më pas ai ka prezantuar edhe mikun e mbrëmjes, të ftuarin nga Shkodra, thirrësin islam Muhamed Sytari.
Në fjalën e tij, miku nga Shkodra është ndalur te haku i Resulull-llahit (a.s) në veten e secilit musliman, duke marrë shkak edhe nga data e përkujtimit të lindjes së zotërisë së bijve të Ademit, Muhammedit (a.s). Ai ka nxitur të pranishmit për të kontribuar në çdo kohë për të mirën e fesë islame dhe harmonisë së saj me shoqërinë.
Njëkohësisht ai ka përshëndetur projektet e shumta të Bashkësisë Islame të Ulqinit, të bëra publike nga kryeimami i Ulqinit, H. Rexhep ef. Lika, gjatë ceremonisë së pasdites në xhaminë e Mezjahut.
Takimi është përshëndetur edhe nga kryetari i komunës së Ulqinit, z. Gëzim Hajdinaga, kryeimami i Ulqinit, H. Rexhep ef. Lika, dr. Gani Karamanaga, studiuesi Ismet Karamanaga e shumë intelektualë të tjerë të pranishëm.
Të pranishëmve në këtë takim i është shpërndarë edhe monografia: “Hafiz Qamil Tresi- në gjurmët e një biblioteke që sfidon heshtjen e kohës…”, të thirrësit islam Muhamed Sytari.
Në fund të diskutimeve, nga të pranishmit janë drejtuar pyetje të shumta për mikun nga Shkodra.
www.muhamedsytari.net

Thirrësi islam Muhamed Sytari, mysafir i B.I. Ulqin

Me ftesë të Bashkësisë Islame të Ulqinit, thirrësi islam Muhamed Sytari ka marrë pjesë në ceremoninë e përvitshme të organizuar në xhaminë e Mezjahut, në qendër të Ulqinit, me rastin e përkujtimit të ditës së lindjes së hazreti Muhammedit (a.s), Mevludi Sherifë.
Pas faljes së namazit të iqindisë, kryeimami i Ulqinit, H. Rexhep ef. Lika, ka prezantuar të ftuarin e Bashkësisë Islame në këtë aktivitet duke theksuar se: “Duke filluar me këtë aktivitet, Bashkësia Islame e Ulqinit, ka vendosur që për çdo muaj do të ketë nga një të ftuar për të folur mbi vlerat dhe mesazhet e fesë tonë”.
Në ligjëratën e tij, thirrësi islam Muhamed Sytari, ka folur mbi dashurinë dhe respektin që duhet të shprehë secili musliman për të dërguarin e All-llahut. Ai ka nxitur ndjekjen dhe pasimin e traditës muhamedane, si rrugë shembullore e të jetuarit të jetës me besim e dashuri.
Pas ligjëratës së të ftuarit nga Shkodra, është kënduar Mevludi Sherifë dhe është bërë duaja e kësaj ceremonie.
Në këtë aktivitet binte në sy pjesëmarrja e dendur e hoxhallarëve të kësaj zone, të cilët ishin edhe pjesëmarrës në këndimin e pjesëve të ndryshme të mevludit.
I gjithë aktiviteti është regjistruar nga kamerat e tv teuta, për t’u transmetuar më pas në një program special të tij.
Lavdrim Hamja

www.muhamedsytari.net

Dëshironi kontakt me kryetarin e Ulqinit”Gëzim Hajdinaga”

 

Mayor of Ulcinj:Gëzim Hajdinaga
Adresa:
Rruga.Gjergj Kastrioti bb
81360-Ulqin
MONTENEGRO
Tel. +382 85 412 050
Fax +382 85 412 413
E-mail: soulcinj@hotmail.com

 

 

 

---

Mayor of Ulcinj:Gzim Hajdinaga
Adresa:
ul.Djerdj Kastrioti bb
81360-Ulcinj
MONTENEGRO
Tel. +382 85 412 050
Fax +382 85 412 413
E-mail: soulcinj@hotmail.com

 

 

 

 

 

http://video.google.com/videoplay?docid=-4238476290706707223

Kryetari i komunës së Ulqinit, Gëzim Hajdinaga, bisedoi të mërkurën me kryetarin e komunës italiane

Qëllimi, thithja e fondeve të BE-së
Ulqin - Kryetari i Komunës së Ulqinit, Gëzim Hajdinaga, bisedoi të mërkurën me kryetarin e Komunës Guilionese të rajonit Molisa të Italisë, Cloridano Bellochio, rreth mundësisë së krijimit të Euro Distriktit “Adritiku”, i cili ka për qëllim thithjen e fondeve të BE-së të destinuara për këtë rajon.
Sipas projektit, në këtë organizëm parashikohen të marrin pjesë 16 qytete të rajonit të Adriatikut, tetë prej të cilave nga rajoni Molisa në Itali, gjashtë komunat bregdetare në Mal të Zi dhe qytetet Shkodra dhe Kruja në Shqipëri.
Beloçio tha se bëhet fjalë për një projekt unik dhe shprehu kënaqësi që në bisedimet e zhvilluara me kryetarët e komunave në Mal të Zi që parashikohen të përfshihen në projekt ka hasur në përgjigje pozitive.
“Jemi të kënaqur që kemi hasur në përgjigje pozitive në Mal të Zi dhe në njerëz që janë të hapur për bashkëpunim. Të gjithë këtë e shikojnë me një energji pozitive”, tha Beloçio.
Projekti parashikon që deri në fund të muajit shkurt, kryetarët e qyteteve të japin pëlqimin për përfshirje në Euro Distrikt, kurse në muajin mars në Itali pritet të nënshkruhet Konventa.
Kryetari i Komunës së Ulqinit, Gëzim Hajdinaga, nënvizoi gatishmërinë e Komunës së Ulqinit për pjesëmarrje në projekte të tilla rajonale që kanë për qëllim zhvillimin e tij.
“Ne si komunë jemi të hapur për bashkëpunim dhe normalisht me kënaqësi kemi pranuar që të jemi njëra prej atyre komunave në Mal të Zi që do të jenë në këtë organizëm”, theksoi ai, duke shtuar se vendimi do të merret pas shqyrtimit në detaje të anëve pozitive dhe detyrimeve që burojnë nga Konventa dhe përfshirja në këtë organizëm.
I.K
www.kohajavore.cg.yu

Pjesemarrje e kryetarit të Komunes se Ulqinit Gëzim Hajdinages ne Panairin e Vjenës në Austri

Ne ambjentet e Restaurant ” IL Konte “në Vjen u organizua koktel ku do të marrin pjes me se 100 vetë,ku gjithashtu do të marrin pjes edhe mediat Austrijake, jan të thirur gjthashtu në koktel dhe kryetarët e bashkive të shum vendeve të austris.Panairi i Turizmit “FERIEN” Read more

U Ulcinju će se graditi samo uz očuvanje prirodnih ljepota

Riječ ima… predsjednik opštine Ulcinj, gospodin Gëzim Hajdinaga

Ulcinj, naš najjužniji grad od prirode je izdašno nagrađen, divno more, duge pješčane plaže, zelenilo što buja u njihovom zaleđu, te Solana sa mnogobrojni i rijetkim pticama, jezero Šasko, rijeka Bojana Read more

Pour les Ulqinake de Ulqin : que pensez-vous de la privatisation de votre ville?

http://video.google.com/videoplay?docid=-4238476290706707223
Depuis l’indépendance du Monténégro, la ville d’Ulcinj/Ulqin est à vendre. Tous les biens de l’État, y compris les plus grands hôtels de la côte, sont en cours de privatisation. Et plutôt que les acheteurs russes qui se pressent pour investir, la municipalité souhaiterait voir arriver des hommes d’affaires albanais… Read more

Ulqini me mega-spektakël pret ndërrimin e moteve

Pritja e Vitit të Ri në Ulqin

Pritja e Vitit të Ri në sheshet e qyteteve tashmë është bërë tradicionale për metropolet evropiane, por këtë vit, nën patronatin e Komunës së Ulqinit, një pritje e tillë do të organizohet edhe në Ulqin. Me një mega-koncert edhe ulqinakët kanë vendosur që të përshëndeten me të vjetrin dhe të presin Vitin e Ri në ambient të hapur.Kryetari i Ulqinit, Gëzim Hajdinaga, ka deklaruar se, “po ndërtojmë Ulqinin evropian ashtu siç edhe kemi Read more

« Previous Page