Lajme nga Ulqini » Lorik Cana

Lorik Cana: Kam pozuar nudo per bamiresi – Video

ulqini — Sat, 29 May 2010 06:37:04 +0000

Lorik Cana është padyshim një nga ambasadorët më të denjë të shqiptarëve në botë. Futbollisti i shkëlqyer i “Sunderland” me një karrierë për t’u pasur zili, ndodhet këto ditë pranë Kombëtares shqiptare, ku do të luajë në ndeshjen miqësore me Malin e Zi ditën e martë. E kemi takuar pikërisht pas stërvitjes së ditës së djeshme, ku me mjaft dëshirë ka ndarë me lexuesit e “Bluetooth” disa nga çastet më të bukura të jetës së tij si futbollist profesionist, pse jo edhe të jetës së tij private, për të cilën përpiqet pafund që ta ketë vërtet të tillë. Megjithatë, disa detaje na i ka rrëfyer në këtë intervistë ekskluzive. Le të ecim së bashku në të…
Lorik, prej 7 vitesh luani me ekipin kombëtar, si e shihni Kombëtaren sot?
Gjithmonë me nder dhe kënaqësi. Janë bërë tashmë 7 vite, mund të them 7 vite të bukura të mbushura me shumë kujtime, disa janë me momente të vështira, sepse me një kombëtare si jona nuk është gjithmonë e lehtë, sidomos nga aspekti i rezultateve. Por çdo herë kur jemi të grumbulluar këtu në vendin tonë me lojtarët, me njerëz të vendit tonë kalojmë momente shumë të bukura dhe emocionet janë gjithmonë të jashtëzakonshme.
Cili është sadisfaksioni më i madh që keni marrë gjatë kësaj kohe?
Është sadisfaksion personal. Unë gjithmonë kam pasur ëndrrën dhe dëshirën t’i mbroj ngjyrat e fanellës së vendit tim dhe patjetër për ne si kosovarë është një nder i madh që të përfaqësojmë Shqipërinë dhe përfaqësimi i kësaj fanelle nuk është vetëm për në Shqipëri, është për të gjithë shqiptarët kudo që jetojnë dhe për të gjitha trojet shqiptare dhe kemi jashtëzakonisht shumë kujtime të mira nga aspekti sportiv. Patjetër që ndeshja me Greqinë ka qenë diçka e veçantë sepse nuk ishte thjesht vetëm një ndeshje sporti, por gjithë kombi ishte pas nesh dhe ishte diçka shumë e bukur.
Së fundmi jeni shpallur në Angli, “Ambasadori i shqiptarëve në botë”, çfarë është për ju ky vlerësim?
Është gjithmonë diçka jashtëzakonisht e mirë, sepse është diçka që të dhurohet nga njerëzit e tu, nga populli dhe nga bashkëkombësit tanë që jetojnë në Britaninë e Madhe. Unë thjesht di shumë mirë që me futbollin mund të përfaqësoj një vend të tërë, kështu që mundohem gjithmonë që të jap një imazh të mirë dhe që të jap maksimumin në fushë, mandej të jap një imazh të mirë të vendit tim, të popullit tonë dhe që vetë këta njerëz që të japin një shpërblim të tillë, të krenohen dhe ajo është dhurata më e madhe.
Latë Francën për Anglinë. Si ju duket jeta angleze?
Nga aspekti sportiv jam jashtëzakonisht i kënaqur, sepse është vendi ku është krijuar futbolli dhe është një pasion i jashtëzakonshëm. Për çdo futbollist është diçka e veçantë ta përjetojë atë kampionat. E shijoj çdo ditë, çdo stërvitje, çdo ndeshje sidomos. Pastaj nga pikëpamja jetësore është një vend ndryshe, patjetër që për vete, Franca është një ndër vendet më të mira për të jetuar dhe Anglia nuk krahasohet fare me Francën, por për momentin jemi futbollistë dhe një ndër gjërat më të rëndësishme kemi futbollin dhe aty jam jashtëzakonisht i kënaqur.
Ju mungon miqësia me futbollistët francezë, ju keni pasur mik të ngushtë Ribery-n, apo jo?
Po, tani kam ndërruar disa ekipe dhe patjetër që kam miqësi me shumë futbollistë, disa janë më të afërt se të tjerët, por kam lidhur edhe miqësi në klubin e ri dhe ia kaloj shumë mirë.
Po kur keni lexuar për mikun tuaj Ribery që pati një skandal seksual, si jeni ndjerë dhe, a keni folur me të për këtë gjë?
Nuk është gjë e këndshme për asnjërin, sidomos për të, sepse më pas ky fakt ndikon edhe në familje. Pastaj ia thashë edhe vetë atij, që vetë i ka fajet. Asnjë futbollist nuk mund të thotë që nuk më ndodh, shumica e futbollistëve në fakt bëjnë gjëra, por nuk shfaqen në publik. Kështu që atij i ndodhi dhe fatkeqësisht iu krijua shumë vështirësi sidomos në aspektin e familjes, por është njeri i fortë dhe besoj që do ta kalojë këtë sfidë.
Duke qenë futbollist me famë, ndonjëherë privoheni nga gjërat personale, ju vjen keq që duhet të hiqni dorë nga shumë gjëra për të pasur një imazh sa më të pastër?
Po, po neve dhe mua personalisht futbolli më sjell kënaqësi dhe nder dhe mundohem që t’i bëj të gjitha gjërat që të jem sa më performant dhe që të kem lojën më të mirë në futboll dhe ajo na bën që jeta jonë të rregullohet mbas futbollit, nga aspekti i pushimit, nga aspekti i ushqimit, nga aspekti i udhëtimeve, nga aspekti i kohës, pasi gjithçka është e lidhur me futbollin. Kjo është gjëja më e rëndësishme për neve, kjo është gjëja që familja jonë jeton pas futbollit, jeton për futbollin dhe gjithashtu dhe ne. Për ne nuk ka ndonjë gjë më të rëndësishme në aspektin profesional, kështu që duhet t’i kushtojmë shumë rëndësi dhe shumë kohë.
Kur keni ikur fillimisht në Zvicër keni ikur si emigrant, si e kujtoni atë kohë dhe e keni menduar ndonjëherë që do të arrinit sot këtu ku jeni?
Kanë kaluar rreth 20 vjet që jam larguar nga Kosova dhe kam kujtime patjetër edhe në Kosovë, andej kam shumë kujtime në Zvicër, kam kaluar rreth 10 vjet dhe patjetër që nuk ka qenë gjithmonë e lehtë. Sigurisht që jeta e një emigranti është e vështirë, sidomos njerëzit e vendit tim e dinë shumë mirë këtë punë. Kemi shumë njerëz që jetojnë jashtë vendit tonë për të cilët ka qenë gjithashtu e vështirë. Sidomos gjëja më e vështirë është që kur nuk ke mundësi për t’u kthyer për ta takuar familjen. Patjetër që prindërit e mi dhe motrën e kisha me vete, por që mundësia për t’u kthyer në Kosovë për t’i takuar të afërmit ishte e vështirë dhe nuk kisha mundësi. Kur u ktheva pas 10 vitesh në Kosovë ka qenë emocionuese. Por Zvicra më ka dhënë mundësinë që të kem një arsimim të mirë, që të kem mundësi për të arritur në futboll dhe patjetër që kam kujtime të mira dhe sigurisht që pa këtë, ndoshta edhe nuk kisha arritur të jem futbollist profesionist.
E cilësoni veten tuaj me fat?
Patjetër! Fatin duhet edhe ta krijosh, por patjetër jam me fat sepse një herë kam pasur një familje që më ka dashur shumë dhe më ka mbështetur gjithmonë, më ka shtyrë përpara dhe ajo ka qenë forca ime për të arritur. Kam pasur një baba, që ka qenë për mua edhe si këshilltar i madh dhe sigurisht duhet jashtëzakonisht shumë punë për të arritur në këtë nivel. Por sigurisht që jam me fat.
Sa ka ndikuar jeta juaj private në futboll?
Nuk është folur jashtëzakonisht shumë për mua, nëse jam gabim mund të më thuash…
Sepse jeni hermetik?
Jo, thjesht që jetoj jashtë.
Po ja, lidhja me Zana Krasniqin është zbuluar?
Mirë, po ajo nuk ka qenë ndonjë gjë e fshehur, sepse po deshe me fsheh ndonjë gjë nuk del nëpër kalendarë apo nëpër fotografi dhe lidhje apo jo lidhje, njerëzit nuk mund ta dinë. Njerëzit munden të lexojnë se çfarë shkruan shtypi. Është shkruar disa herë për shumë marrëdhënie të tjera, por ajo që është e vërtetë dhe ajo që është e gënjeshtërt më intereson vetëm mua.
Siç është lidhja e fundit me një vajzë angleze?
Siç e thashë njerëzit shkruajnë, disa besojnë – disa nuk besojnë, por mua nuk më duket gjë e rëndësishme, mua më shumë më pëlqen ta kaloj kohën dhe të flas për futbollin, për angazhimet e mia sesa të flas për marrëdhëniet e mia, sepse deri në momentin që nuk e kam gjetur personin që dua të kaloj jetën time, nuk më duket e rëndësishme që të flas.
Keni menduar për ta gjetur personin që do të kaloni jetën?
Patjetër, patjetër! Asnjëherë nuk ka një moshë kur thotë njeriu që duhet të martohem, duhet të krijoj një relacion më serioz, por patjetër që dëshira është. Por pastaj ju siguroj që është vështirë për jetën tonë që të gjesh një njeri, sepse lëvizim shumë, por nuk duhet të nxitohemi, duhet t’ia lëmë kohës të bëjë punën e vet.
Mendoni që duhet të jetë patjetër shqiptare, apo nuk keni preferenca?
Shpresoj, shpresoj! Ashtu e kam dëshirën, por sa më shumë vitet kalojnë, aq më shumë e shoh që është e vështirë, sepse jetoj jashtë vendit dhe nuk takoj as shumë goca shqiptare, kështu që është e vështirë, jashtëzakonisht e vështirë.
Çfarë është për ju paraja? E konsideroni veten një njeri të pasur?
Për mua, paraja është gjë jashtëzakonisht e rëndësishme, sepse po munde ta shikosh një njeri që nuk ka shumë para dhe që vuan për ta fituar bukën e gojës në fund të muajit, sigurisht që paraja është një gjë jashtëzakonisht e rëndësishme. Ai njeri që thotë se nuk është e rëndësishme, ai njeri gënjen ose nuk ka qenë asnjëherë në nevojë, por mund të them se e ndjej veten të pasur sepse kam pasuri në çdo anë, kam pasuri në jetën time, që kam dashuri shumë të madhe, sidomos familjen time! Kam pasuri shëndetin, besoj që jap shumë nga vetja dhe besoj që kjo është një lloj pasurie. Pastaj pasuria ekonomike dhe pasuria materiale është një gjë tjetër, patjetër që kam disa dëshira dhe disa pasione që me pasurinë ose paranë mund t’i realizosh, megjithatë nuk kemi edhe aq shumë kohë për t’i shfrytëzuar.
Dikur keni pozuar nudo, do të pozonit sërish nëse do t’ju propozonin dhe do të kishit një ofertë vërtet të mirë?
E kam bërë me Parisin, tani, nuk kam qenë komplet nudo. Kam qenë nudo, por organet intime i kam mbuluar e atëherë kam qenë i ri, kam qenë 20 vjeç.
Po sot do ta bënit?
Pfff, në qoftë se mban një lloj intimiteti po, por kështu komplet nudo jo, mund të jesh nudo, por të mbash një intimitet. Në qoftë se është për një gjë të rëndësishme. Në atë kohë ka qenë për bamirësi dhe e kam bërë.
Ju jeni shfaqur si një njeri bamirës edhe në Shqipëri. Kujtoj këtu ndihmën për të përmbyturit në Shkodër…
Po, ai ka qenë një veprim instiktiv i imi. Unë me të vërtetë mundohem që me profesionin tim që më jep shumë shikueshmëri dhe dëgjueshmëri në arenën ndërkombëtare, mundohem ta përdor këtë për të dhënë një imazh të mirë të vendit tim, por gjithmonë jam shumë afër vendit dhe popullit tim. E di që një njeri i vetëm nuk mund të ndryshojë asgjë dhe nuk pretendoj që të mund të ndryshoj, por vetë si njeri unë e ndjej që të jem sa më afër popullit tim dhe në disa raste që edhe t’i ndihmoj. E kam bërë në disa raste në Kosovë, sepse është vendi ku kam lindur dhe jam shumë afër kosovarëve, por nuk bëj asnjë ndarje, asnjë dallim mes kosovarëve dhe shqiptarëve sepse për mua janë një popull dhe patjetër që kur Shkodra ka qenë në nevojë, jam përgjigjur. Më shumë ka qenë një gjë simbolike për të ndërgjegjësuar dhe opinionin dhe njerëzit e tjerë që kanë mundësi për të ndihmuar se sa për të treguar që ja, unë po ndihmoj. Kam disa operacione të tjera, besoj do bashkëpunoj edhe me fondacionin e fëmijëve shqiptarë, do bashkëpunoj edhe me UNICEF-in. Sot do ikim të vizitojmë fëmijët që janë në shtëpi riedukimi, në burgun e Kavajës. Do iki të kaloj pak kohë me ta, do iki gjithashtu me UNICEF-in të vizitoj edhe fëmijët e dhunuar. Janë gjëra që nuk më marrin shumë kohë dhe më duken shumë të rëndësishme.
Çdo vit vini për pushime në Shqipëri, keni bërë këtë vit një plan të tillë?
Besoj që po. Nuk e di akoma në çfarë momenti, por sigurisht unë e kaloj kohën në Kosovë me familjen, në Francë, do iki diku për të pushuar. Gjithmonë e kam një destinacion të ri, çdo vit udhëtoj rreth botës për të parë një vend të ri dhe sigurisht besoj se do t’i kaloj disa ditë edhe në Shqipëri, patjetër.

Revista Bluetooth

Click here to view the embedded video.

Lorik Cana dhuron 10 mijë euro familjeve të përmbytura – Video Exclusive

ulqini — Fri, 15 Jan 2010 09:27:11 +0000

Lojtari i kombëtares së Shqipërisë Lorik Cana gjëndet pranë familjeve të përmbytura, dhuron një shumë prej 10,000 euro në ndihmë të tyre.

Deklaratë:
Me shqetësimin më të madh po e ndjek situatën në veri të vendit, e cila si pasojë reshjeve dhe prurjeve të shumta ka shkaktuar përmbytje të sipërfaqeve të mëdha teritoresh. Duke i ndjerë në vehte këto pasoja, në shenjë solidarizimi me banorët e këtyre teritoreve të përmbytura, dhuroj shumën prej 10,000 euro, me destinacion për ndihmë të familjeve të ketij rajoni. Me këtë rast inkurajoj të gjitha përpjekjet që shteti shqiptar, individë, organizatat dhe vendet mike të cilët po bëjnë të pamundurën për t’ju gjetur sa më afër popullatës së këtyre zonave të afektuara nga kjo tragjedi. Në këtë drejtim, shfrytëzoj rastin tu bëj thirrje të gjithë atyre që kanë sado pak mundësi të ndihmojnë dhe tu gjenden në c’do formë pranë familjeve të përmbytura duke i ndihmuar ata, për ta kapërcyer këtë situatë.

Me respekt,
Lorik Cana

********************************************

Cana, një jetë mes futbollit dhe bamirësisë

Lojtari më i shtrenjtë shqiptar dhuroi 10 mijë euro për familjet e përmbyra. Kapiteni i Sanderlendit dhe lojtari i kombëtares është ambasador i UNICEF-it dhe PNUD-it
Akti i dhurimi të 10 mijë eurove personave të dëmtuar nga përmbytjet në Veriun e Shqipërisë nga ana e Lorik Canës, nuk është i pari për kapitenin aktual të Sanderlendit në Angli. Lojtari më i shtrentjë shqiptar i të gjitha kohërave ka qenë gjithmonë i vëmendshëm nga problematikës në vendin tonë, por dhe në Kosovë në shtetin e tij të lindjes. Iniciativat e Lorikut janë të shumta.
Në nëntor të vitit 2007, Lorik Cana, asokohe kapiteni i ekipit te Marsejes u bë anëtar i nderit të Fondacionit të Fëmijeve Shqiptarë, “Domenick Scaglione”, presidente e të cilit është zonja Liri Berisha, e cila është bashkëshortja e kryeministrit te Shqipërisë, Sali Berisha. Lorik Cana është aktiv me fondacionin shqiptar “Domenico Scaglione”. Por si lindi ky bashkëpunim?

“Më kontaktuan nga fondacioni të bashkëpunojë me zonjën Liri Berisha e Lajlja Pernaskën. Kjo e fundit është edhe zëvendëspresidente fondacionit. Unë jam anëtar nderi. Jam i vetmi nga sportistët në këtë fondacion bamirësie për fëmijët. Kam pasur kënaqësinë për t’i ndihmuar me aq sa kam pasur mundësi. Një nga këto ka qenë iniciativa e nisur prej meje për të marrë 1 euro nga çdo biletë e shitur nga ndeshja më e madhe e vitit në Francë, ajo midis Marsejës e Lionit. Mblodhëm një shumë prej gati më shumë se 20 mijë eurosh. Këto ishin vetëm nga biletat që u shitën, pasi në stadiumin “Velodromë” më shumë se 40 mijë bileta janë abone. Këtë iniciativë do ta përsërisim çdo vit”, – tha Lorik Cana për Albania-sport.com, në shtator të vitit 2008

Gjatë vitit të kaluar, Lorik Cana, u shpall fituesi i “Yjeve të pokerit”, një garë e organizuar nga televizioni francez “Canal Plus”. Kapiteni shqiptar i Sandërlendit fitoi jo pak, por 100 mijë euro, të cilat sipas tij do t’i përdorë për t’i ardhur në ndihmë familjeve në Kosovë.

Gjatë muajit nëntor të vitit të kaluar, ambasadori i UNICEF-it, futbollisti i shquar shqiptar, Lorik Cana, i dorëzoië Kryqit të Kuq Komunal të Gjakovës, miell dhe nga një pako ushqimore për 500 familje të varfra, dhurata këto që do u ndanë në prag të Festës së Bajramit,

“Edhe me këtë rast u dëshmua humaniteti i madh i Lorikut për familjet e varfra, për çka ne, në emër të familjeve nevojtare u jemi mirënjohës”, – tha Dushe Basha-Lama, koordinatore e Kryqit të Kuq të Gjakovës.

Ajo ka bërë të ditur se në procedurë është hartimi i listës së familjeve që kanë më së shumti nevojë, ndërsa numri i atyre familjeve që i janë drejtuar KK të Gjakovës për ndihma në ushqim, veshmbathje dhe lëndë djegëse.

Lorik Cana, futbollist i Sunderlandit në Premierligën angleze dhe njëkohësisht futbollist i kombëtares së Shqipërisë, edhe në shumë raste tjera është treguar solidar, duke u ndihmuar fëmijëve, të varfërve dhe sportistëve kosovarë.

Cana ka përkrenaren ilire të bërë si tatuazh në krahun e djathtë, ndërsa shqiponjën me dy koka e ka në bicepsin e krahut të majtë. “Le Provens” shkruan se “sot në Kosovë, në Prishtinë, fotografia e Lorik Canës është në librat e nxënësve të shkollave, nëpër stilolapsa, çakmakë.

Lorik Cana ishte një ndër emrat e shquar të ndeshjes së bamirësisë së organizuar nga ish-kapiteni i Marsejës, Fabio Celestini në emër të “Fondacionit 4-4-2” në Zvicër. Takimi përfundoi 10-5 për formacionin kundërshar të Canës, ku bënin pjesë midis të tjerëve edhe Zidan, Laudrup, Jordi Krujf e Raul. Kapiteni aktual i Marsejës, shqiptari Lorik Cana, ishte pjesë e formacionit të “OM all stars” (Të gjithë yjet e Olimpikut të Marsejës), së bashku edhe me Pires, Durand, Zenden, Ravaneli etj.

Kapiteni i Sandërlendit, Lorik Cana, në fund të dhjetorit të vitit 2008 u dekorua nga Presidenti i Republikës, Bamir Topi, me Urdhrin “Ambasador i kombit”, teksa më parë është përzgjedhur nga UNICEF-i edhe ambasador i kësaj organizate, ku këtë status e gëzojnë emra të elitës botërore si Kaka, Ronaldinjo, Andrij Shevçenko, Ronaldo, Zinedin Zidan etj.

“Unë bashkëpunoj me Kombet e Bashkuara, e saktësisht me UNDP-në, një organizatë për Programin e Zhvillimit të Kombeve të Bashkuara. Më kanë kontaktuar direkt për të qenë ambasador për pjesën e Kosovës e për të sensibilizuar problemet që ka atje. Ambasadorë të përgjithshëm janë Ronaldo e Zidan. Didier Drogba është për Afrikën, ndërsa Ana Kurnikova është për Rusinë. Marr pjesë në mbledhje që bëhen dhe në ndeshjet humanitare që zhvillohen. Kam marrë pjesë në disa ndeshje të tilla”, – tha gjatë një interviste për Albania-sport (shtator 2008).

Burimi: Albania-sport.com

Video Exclusive Top Channel

Click here to view the embedded video.

Ndihmo

Click here to view the embedded video.

Mediat Angleze: Cana jeton me Zana Krasniqin

ulqini — Fri, 16 Oct 2009 15:02:48 +0000

Gratë, të fejuarat dhe të dashurat e futbollistëve tërheqin vëmendjen e publikut, ashtu ka ndodhur edhe me Lorik Canën. Sapo është transferuar te Sunderland, gazeta “The Sunday Sun” raporton për lidhjen e tij sentimentale me ish-Miss Kosova, Zana Krasniqi.
“Një bukuroshe e re ardhur në Veri, dhe ajo është një ndër vajzat me stil dhe sharm të veçantë”, – shkruan gazeta për jetën private të Canës. “Zana Krasniqi, e dashura e futbollistit të Sunderlandit, Lorik Cana, konkurroi në ‘Miss Universe’, ku doli e gjashta. Besohet se brunia bukuroshe është duke zgjedhur shtëpinë afër Wearside, pasi i dashuri i saj u bashkua me “macet e zeza” pas largimit nga Olympique Marseille. Modelja që ëndërron të bëhet disenjatore, mezi pret të bëjë shoping në dyqanet e nivelit të lartë.

Lorik Cana me një femër në plazhin e Dhërmiut

ulqini — Tue, 23 Jun 2009 15:52:02 +0000

Është përfolur shpesh jeta private e futbollistit Lorik Cana por pavarësisht konfuzionit që mund të jetë shkaktuar në media, asnjëherë nuk është bërë i qartë statusi i vërtetë i tij. I komentuar edhe për aparencën e tij si një ndër meshkujt më simpatikë, shpesh është parë nën shoqërinë e vajzave shumë të bukura dhe madje një e tillë ka qenë me të edhe fundjavëen e kaluar në Dhërmi. Futbollisti është parë i shoqëruar në bregdet dhe nuk ka qenë e vështirë të identifikohet nga fansat e tij. Me sa duket ai ka vendosur që një pjesë të pushimeve dhe
relaksit ta kalojë në bregdetin shqiptar dhe në shoqëri të këndshme. Se cila është vajza me të cilën ishte i shoqëruar Cana, akoma nuk kemi ndonjë detaj më tepër. Mbase gjatë verës do kemi mundësi të mësojmë detaje rreth vajzës dhe lidhjes së futbollistit të famshëm dhe shumë seksi.

Panoramaplus

Cana : “Envie de voir ce qu’il se passe à l’étranger”

Lorik Cana tani provon edhe në fushën e modës

ulqini — Sat, 21 Mar 2009 17:49:18 +0000

Futbollisti i Kombëtares shqiptare dhe kapiteni i Olimpikut të Marsejës, Lorik Cana shpreson që në të ardhmen të provojë një karrierë të re në botën e modës. Mesfushori shqiptar është aktualisht imazh i firmës belge “Bikembergs”, por dëshiron të punojë me shtëpinë e modës Marite dhe Fransua Zhirbo, pasi adhuron punët e tyre. Megjithatë, Cana nuk ka ndërmend t’i përkushtohet rregullisht këtij profesioni, edhe pse është ftuar në Milano për të marrë pjesë në një sfilatë.

Lorik Cana është futbollisti i katërt më i paguar në Olympique Marseille. Këtë statistikë e ka nxjerrë e përditshmja franceze “Le Parisien”, e cila ka publikuar listën e futbollistëve më të paguar në kampionatin francez, respektivisht të 5 futbollistëve më të paguar të çdo klubi. Sipas kësaj të përditshmeje, mesfushori kosovar merr 189 mijë euro në muaj, ndërsa paga vjetore i bie mbi 2 milionë euro.

Ndërkohë që për Canën janë interesuar edhe drejtuesit e Hamburgut, të cilët kanë përgatitur një ofertë prej 15 milionë eurosh për ta transferuar mesfushorin kosovar Lorik Cana. Sipas mediave franceze, përkundër ofertës së majme, Marseja nuk do ta lëshojë simbolin e ekipit nga Velodrome. Lorik Cana e fsheh në pëllëmbë bukurinë e tij. Cana, 25- vjeçari shqiptar përballet me një bukuri të hatashme, një trup prej 1m 86 cm dhe peshë prej 86 kg.

Click here to view the embedded video.

Cana nuk do te luaje me Maltën

ulqini — Mon, 26 Jan 2009 21:56:30 +0000

Lorik Cana duket më në dyshim se kurrë për të qenë në fushë në ndeshjen e 11 shkurtit kundër Maltës. Mesfushori i kombëtares vazhdon të vuajë dëmtimin në gju të pësuar në fund të muajit dhjetor dhe mjekët kanë parashikuar si datë rikthimi për të 8 shkurtin, ditë kur Marseja do të luajë me Bordonë në kampionat.
Por, edhe kjo datë nuk është e sigurtë. Madje, ka qenë vetë futbollisti, ai që ka sqaruar kohën e rikthimit në një deklaratë për mediat franceze. “Kam qenë i dëmtuar, por kurrë s’kam qenë jashtë kaq shumë. Më duhet të jem i kujdesshëm, sepse nuk dua të rikthehem dhe më pas të dëmtohem përsëri, kështu që nuk mund të fiksoj një datë për rikthimin tim”, është shprehur Cana. Mungesa e mundshme e Canës është problemi më i madh për trajnerin e kombëtares Ari Han në prag të kësaj sfide.
Shqipëria rrezikon të mos ketë as kapitenin Altin Lala për ndeshjen që do të luhet në Valeta. Lala nuk është rekuperuar ende pas operacionit nga hernia diskale që bëri në fillim të dhjetorit. Ndeshja Maltë-Shqipëri do të zhvillohet më 11 shkurt. Kombëtarja shqiptare ka 5 pikë pas 4 ndeshjesh për eleminatoret e Botërorit 2010, duke regjistruar një fitore, dy barazime dhe një humbje.

Top Channel

Click here to view the embedded video.

15 milionë për Canën,oferta nga drejtuesit e Hamburgut

ulqini — Wed, 21 Jan 2009 10:59:10 +0000

Drejtuesit e Hamburgut kanë përgatitur një ofertë prej 15 milionë eurosh për ta transferuar mesfushorin kosovar Lorik Cana. Sipas mediave franceze, përkundër ofertës së majme, Marseille nuk do ta lëshojë simbolin e ekipit nga Velodrome. Skuadra e Hamburgut po mendon seriozisht ta sjellë kapitenin e Olympique Marseilles, Lorik Cana në stadiumin Nordbank Arena. Mediat franceze të hënën kanë shkruar se ekipi nga Bundesliga ka përgatitur një ofertë prej 15 milionë eurosh për t’i siguruar shërbimet e mesfushorit kosovar Mirëpo, sipas këtyre medieve, ekipi nga stadiumi Velodrome nuk do ta lëshojë 24 vjeçarin, i cili konsiderohet si simbol i klubit marsejez. “Hamburgu interesohet për shërbimet e Canes dhe flitet për një ofertë 15 milionë euro. Edhe pse oferta është e nivelit të lartë, klubi i Marseilles nuk ka vendosur ta lëshojë njërin prej simboleve të këtij klubi”, shkruan ueb sajti dingue2foot.com. Gjithnjë sipas mediave franceze, ekipi i drejtuar nga trajneri holandez Martin Jol e kërkon mesfushorin kosovar si zëvendësim të holandezit Nigel de Jong, i cili këto ditë pritet t’i bashkohet Manchester Cityt. Lorik Cana është një prej futbollistëve kryesorë në Marseille dhe një largim nga stadiumi Velodrome vlerësohet se nuk do të pritet mirë nga tifozët e klubit marsejez. Ndërsa përveç Hamburgut, nga Bundesliga interesim për t’i siguruar shërbimet e kosovarit ka shprehur edhe kampioni aktual i Gjermanisë, Bayern Munich. Sipas mediave franceze, thuhet se Ribery (ish bashkëlojtar i kosovarit te Marseille) ka insistuar në transferimin e Canës në Allianz Arena. Ndërsa gjatë vitit që e lamë pas kanë qarkulluar zëra se për kosovarin interesim ka shprehur kampioni i Italisë, Inter, ai i Spanjës, Real Madrid si dhe dy ekipet nga Premierliga, Arsenal dhe Evrton. Ish-futbollisti i Paris Saint Germain ka kontratë me Marseillen deri në verën e vitit 2012, mirëpo nuk ka përjashtuar mundësinë që në fund të këtij sezoni t’i thotë lamtumirë ekipit nga stadiumi Veledrome.
Gazeta Express

Foto Exclusive: Të dashuruar Lorik Cana dhe Zana Krasniqi

ulqini — Sun, 11 Jan 2009 00:15:00 +0000

Ditët e fundit po flitet për një lidhje të mundshme dashurie mes supermodeles kosovare Zana Krasniqit dhe futbollistit të njohur shqiptare Lorik Cana. Vitin që kaloi të dy janë përfolur shumë si personalitet dhe kanë qenë shumë të suksesshëm. Nga një juri profesionale dhe njerëz shumë të njohur në Kosovë, Zana Krasniqi fitoi kurorën si “Miss Universe Kosova 2008” dhe përfaqësoi shtetin e Kosovës në një eveniment të madh bukurie “Miss Universe 2008”, gjë që bëri për herë të parë Kosovën të ndihet si shtet, por duke u radhitur në dhjetëshen e femrave më të bukura në rruzullin tokësor. Por nuk u ndal me kaq, duke vazhduar me shumë suksese të tjera, pasi asaj iu ofruan mundësi nga kompani të ndryshme të modës për të sfiluar për ta. Por bashkë me suksesin, gjatë vitit 2008 për Zanën nuk munguan as thashethemet. Duhet pasur parasysh se lidhja me Lorik Canën nuk është e para, që e vë në qendër të lajmeve rozë Zana Krasniqin, pasi disa vite më parë bukuroshja ka pasur edhe një lidhje pak më të gjatë me Laert Kelmendin, djalin e pronarit te Radio Televizionit 21, vend ku punoi gati gjithë familja e Zanës, babai i saj dhe motra Fjolla, e cila është redaktore e muzikës në programin “21plus”. Por kjo lidhje si duket nuk ka funksionuar duke e çuar çiftin drejt ndarjes. Të dyja këta janë fëmijë të dy personaliteteve shumë të njohura në Kosovë, ajo vajzë e kompozitorit të njohur kosovar Naim Krasniqit, kurse ai djali i Agim Canës menaxher i klubit futbollistik Vllaznia gjatë vitit 1980 dhe një futbollist shumë i njohur në kohën e ish-Jugosllavisë. Ashtu si Zana edhe Loriku ka qenë shumë i suksesshëm në karrierë. Si i ri ka luajtur në një klub futbolli zviceran, ku deri në vitin 2000 ai ka luajtur në “Lausanne sports”, derisa ka kaluar ne gjigantin francez Paris Saint-Germain. Zana dhe Loriku bien në sy edhe si një çift shumë i bukur dhe duke qenë kaq të rinj në moshë kanë arritur kaq shumë famë. Zana ka arritur një sukses të konsiderueshëm fal ndihmesës së madhe që i jep fotografi me famë botërore Fadil Berisha. Suksesi i Zanës nuk ishte vetëm kaq, ajo tashmë është bërë imazh edhe i parfumit të parë shqiptar, që mban emrin “GENTVIS Fragrance” ku një ndër themeluesit e këtij parfumi është Ilir Xheladini dhe për këtë parfum është punuar më shumë se 3 vite. Ne dëshirojmë që kjo lidhje të jetë e gjatë dhe sukseset e tyre në karrierë gjithashtu.

MBRETI I FUSHËS SË GJELBËR

Futbollisti prishtinas me famë franceze, kapiteni i ekipit Olimpique de Marseille, Liga e I-rë (Francë), po i përjeton ditët më të bukura të rinisë: luan shkëlqyeshëm, është i dashuruar, jeton në qytetin piktoresk bregdetar të Marsejës, ku dhe ka kaluar natën e Vitit të Ri, është futbollist i paguar mirë dhe i janë qepur keq Arsenali dhe Evertoni anglez… Sipas të gjitha gjasave, ky do të jetë sezoni i fundit i Lorik Canës në stadiumin “Veledrome”. “Nuk jam shumë i sigurt, ka shumë mundësi që ky të jetë viti i fundit që unë luaj në Marsejë”, ka thënë ai. Bayern Munich objektiv ka edhe transferimin e mesfushorit të Marsejës, Karim Ziani si zëvendësim i mundshëm i Bastian Shvanshtajger. Sipas football.fr, gjiganti bavarez gjatë verës mund të paguajë 25 milionë euro për dyshen marsejeze Cana–Ziani.

Panorama

Intervju speciale e Lorik Canës…….

Klinsman kërkon Lorik Canën te Bajerni

ulqini — Wed, 07 Jan 2009 18:40:41 +0000

Bajerni i Mynihut vazhdon të jetë i interesuar për Lorik Canën.
Mesfushori shqiptar është objektivi kryesor i kampionëve të Gjermanisë, të cilët pritet të bëjnë një ofertë zyrtare, ndërsa marrëveshja besohet se do të arrihet në fund të sezonit.
Kapiteni i Olimpik Marsejës është një lojtar polivalent dhe karakteristikat e lojës së tij pëlqehen shumë nga trajneri i bavarezëve, Jurgen Klinsman.
Por, Cana nuk është i vetmi lojtar marsejez që ndiqet nga Bajerni: nën vëzhgim është edhe mesfushori tjetër, Karim Zani, i cili mund të luajë në pozicion qendror, por edhe në krah. Për të dy këta futbollistë, Franc Bekenbauer dhe Karl-Haic Rumenige janë të gatshëm të paguajnë një shifër të përafërt me 25 milionë euro.

Riberi

Bajerni është në kërkim të një mesfushori me tipare shkatërruese, dhe prej kohësh po shqyrton alternativat në merkato. Shkak janë bërë refuzimet e njëpasnjëshme të holandezit Mark van Bomel, i cili nuk pranon të rinovojë kontratën me klubin, pasi po mendon të kthehet të luajë në vendlindje.
Pikërisht për këtë arsye, klubi po punon që të përgatisë terrenin për afrimin e Lorik Canës. 25-vjeçari u është këshilluar drejtuesve të skuadrës që ka fituar 35 trofe në Gjermani (21 tituj kampionë dhe 14 Kupa) nga Frank Riberi.
Miqësia e mesfushorit shqiptar me yllin e përfaqësueses franceze ka mbetur e fortë që prej periudhës kur ky i fundit luante në Marsejë. Madje, në pushim të ndeshjes Bajern-Kotbus në fund të vitit 2008, Riberi vrapoi tek Ervin Skela për t’i dhënë fanellën e tij, sepse kishte marrë një porosi nga Cana.
Mediat gjermane u habitën me atë episod, por më vonë u sqarua se pas një bisede telefonike kosovari i kishte kërkuar shokut të tij të vjetër fanellën për t’ia dhënë një pjesëtari të stafit të Kombëtares kuqezi. Vetëm pak javë më parë Cana kishte deklaruar se pavarësisht ofertave të shumta në adresë të tij (Evertoni e Arsenali në Angli, por edhe Roma në kampionatin italian), destinacioni më i mundshëm ishte Bajerni i Mynihut.

Dëmtimi

Ndërkohë që nga merkato për Lorik Canën vijnë sinjale pozitive, e njëjta gjë nuk mund të thuhet për infermierinë. Zv/kapiteni i Kombëtares ka probleme në gju dhe dje iu nënshtrua radiografisë për të mësuar më shumë rreth dëmtimit.
Stafi mjekësor i Olimpik Marsejës i rekomandoi lojtarit të paktën 10 ditë pushim absolut, në mënyrë që situata të mos përkeqësohet. Prej këtij lëndimi, mesfushori rrezikon të mos luajë në takimin e së shtunës me Okserin.
Top Channel

Lorik Cana + Zana Krasniqi

ulqini — Sun, 04 Jan 2009 19:13:00 +0000

Modelistja kosovare, Zana Krasniqi, sipas të gjitha gjasave ka filluar një lidhje intime me kapitenin e Olimpique Marseille, Lorik Cana.
Gjatë ditës së djeshme, në faqen personale të Krasniqit në Facebook, është ndryshuar statusi i saj nga “beqare” në “në një lidhje”. Fotoja e parë e Zanës është ajo me mesfushorin e Kombëtares shqiptare, Lorik Cana.
Gazeta Express

Click here to view the embedded video.