Në sallën e Komunës së Ulqinit u organizua takimi tradicional i 8. Marsit

Për nder të 8. Marsit – Ditës së Nënave në sallën e Komunës së Ulqinit u organizuar takimi tradicional ku përveç të punësuarave në organet e komunës ishin dhe ata të organeve republikane dhe sipërmarrjeve ku ajo është themelues.Të pranishmet i përshëndeti kryetari i Komunës z. Gëzim Hajdinaga i cili edhe me këtë rast theksoi që grate në çdo segment e kanë justifikuar plotësisht besimin e dhënë dhe se ata përherë mund të llogarisin në përkrahjen e ekzekutivit të Ulqinit. Më tej ai nënvizoi që energjia dhe kontributi intelektual i grave mbetet një bazament i rëndësishëm për Ulqinin dhe Malin e Zi që po i ofrohen çdo ditë e më shumë familjes evropiane.

Edhe këtë Tetë Mars për të gjitha të pranishmet ishin përgatitur dhurata simbolike.

Municipality of Ulcinj / Ulqin
Arsllan Hajdinaga

Popularity: 1% [?]

Shqipëri-Mali i Zi, bashkëpunime për turizmin dhe kulturën – Video

Ministri i Turizmit, Kulturës, Rinisë dhe Sporteve z. Ferdinand Xhaferraj bëri një vizitë në Republikën e Malit të Zi ku ishte i ftuar nga dy homologët e tij Ministri i Turizmit z. Predrag Nenezic dhe Ministri i Kulturës, Sporteve dhe Mediave z. Branislav Micunovic. Qëllimi i takimit me Ministrin e Turizmit të Malit të Zi, ishte kryesisht prezantimi i një projekt draft marrëveshjeje me qëllimin institucionalizimin e ideve të përbashkëta në shërbim të shkëmbimit të përvojave të ndërsjellta dhe insifikimin e bashkëpunimit për sa i përket zhvillimit të turizmit midis dy vendeve. Në takimin që u zhvillua ditën e premte, Ministri i Turizmit të Republikës së Malit të Zi, pasi i uroi mirëseardhjen ministrit Xhaferraj, prezantoi zhvillimin e turizmit në Malin e Zi duke sjellë shembuj nga transformimet e dukshme që ka pësuar ky sektor në këtë vend, që nga thithjet e investitorëve, kategorizimi i hoteleve dhe përafrimi i tyre drejt standardeve me të cilat operojnë sot vendet më të zhvilluara të Evropës. Ai theksoi rëndësinë që zë infrastruktura në zhvillimin e turizmit si dhe kultura e një vendi. Gjithashtu vuri në dukje bukurinë e bregdetit shqiptar, si edhe të natyrës, duke theksuar se potenciali dhe resurset që mbart Shqipëria janë shumë të mëdha. Përveç kësaj, ajo që ne kemi të përbashkët, theksoi ai, është se Budva, Kotorri, Butrinti janë trashëgimi kulturore në mbrojtjen e UNESCO, prandaj mund të përdoren për të synuar në thithjen e tregut turistik nga Japonia, Amerika dhe Kanadaja. Në fjalën e tij, ministri Xhaferraj, falënderoi homologun për ftesën dhe ndër të tjera i shprehu gatishmërinë për një bashkëpunim të ngushtë me Ministrinë e Turizmit të Malit të Zi, duke vlerësuar eksperiencën dhe traditën që ky vend ka në fushën e turizmit. Ministri Xhaferraj, bëri një pasqyrim të hollësishëm të zhvillimit të deritanishëm të turizmit në Shqipëri, duke theksuar se tashmë kemi krijuar një qëndrueshmëri të tregut turistik. Qeveria jonë, theksoi ai ka ndërhyrë në krijimin e kushteve të favorshme në infrastrukturë, të cilat i shërbejnë turizmit, duke përmendur kështu investimet në Gjirin e Lalzit, por duke qenë bashkëpunues me vendin tuaj do të jemi me efektive për konsumatorët turistik dhe në thithjen e tregjeve të huaja, duke u bërë me komplimentare dhe jokonkurrues, një mesazh ky i cili u përkrah dhe nga ministri malazez.
Xhaferraj i kërkoi homologut, mbështetjen për asistencë juridike në fushën e legjislacionit në turizëm, eksperiencat dhe modelet që ata kanë ndjekur në klasifikimin e hoteleve, realizimin e programeve të përbashkëta në promocion, me qëllim për ta bërë me atraktive ofertën turistike. Po ashtu, u ndanë mendime të përbashkëta për organizimin e tureve me krocera, midis dy brigjeve, dhe dy kulturave. Të dy homologet ndanë të njëjtin mendim se mbështetja nga krerët e qeverive respektive për të nxitur këtë bashkëpunim është mjaft e dukshme dhe premtuese për te ardhmen e turizmit të dy vendeve.

Gazeta Sot
VIDEO TV IN
http://www.rtvin.me/flv/05_03_post_turizam.flv

Popularity: 1% [?]

Kombinatorika pokeriane e Nasradinit

Pasi e mbarova së shkruari, këtë reagim, e luta Zotin, të më udhëzojë në një titull të bukur, e tërheqës. Kështu, si duket, nuk vonoi dhe pas pak mu kujtua – meselja e Nasradinit,  që i jep kuptim fjalëve, të Luigj Shkrelit, në TV Teutë kur tha: “Ky është draft i SNP-së, si duket Bardhi, mban mbledhjen e Degës, ditën, në mbrëmje shkon e merret vesht me SNP-në, kurse natje vjen te na?!”

Thojnë  se, Nasradin Hoxha, për një problem të dy grave, e që i përkiste edhe atij, shkonte e i vizitonte në kohë të ndryshme duke u dhënë zgjidhjen e vet. Kur, arriti t’i fusë në sherr, filloi e “u ba hazër”! Shokët e pyetën: ç’bën Nasradin?! Ai u pergjigj shkurt; njëra prej  tyre tash po e rrezon tjetrën, dhe atëherë ajo bëhet e imja. Ky fat i Nasradinit me politikën nacionale në krye, duket se na shoqëroi deri në këto zgjedhje. Por, se si do të vejë puna në të ardhmen, është vështirë të thuhet. Gratë e Nasradinit DPS dhe SNP si duket nuk do të përlahen më për çështjen e Nasradinit (shqiptarëve)…

Pasi lexova reagimin e z. Bardhi, me titull “Kombinatorika pokeriane e atij që e ka mizën nën kësulë” e që ishte përgjigje në artikullin tim me titull “Kombinatorika pokeriane shqiptaro-malazeze (Koha Javore, 11.shkurt 2010), zbulova që z. Bardhi, asnjë mendim timin nuk mundi ta kontestojë. Përkundrazi, ai duke u thirrë në disa fjalë të mëdha, dhe në disa metafora “të tijat”, zbuloi sterilitetin e vet! Kjo më shtyri, që përmes reagimit të mundohem, t’i bëjë një leksion të fuqishëm në ndryshimin personal të tijin.

Pra, dëshira për të kuptuar drejtë e si duhet xhaxhin komandant të dikurshëm, të shqiptarëve – habitatin Bardhi, që kohëve të fundit po vazhdon të na habisë me shprehjet (fyerjet) e tija, qoftë ndaj meje, qoftë ndaj të tjerëve… më ka shtyrë të besoj në disa komplikacione të rrezikshme logjike që është duke manifestuar!

Para se t’i hyjë një analize të nivelit tim të reagimit, le të më falin lexuesit,  por po më duhet të zbres përkohësisht në rrafshin e nivelit të fjalorit të tij. E për ta bërë, sa më bindshëm këtë, po e nis me një vështrim timin të para disa viteve i cili i shkon për bukuri situatës depresive, të z. Bardhi, me rastin e mosaprovimit të Ligjit zgjedhor të përfaqësimit autentik të shqiptarëve. E atëherë pata thënë: “Ka pas qenë edhe është një adet i mirë, por edhe i keq ndër ne shqiptarët, që t’i këndohet në vaj, atij që as flet as dëgjon, njeriut të vdekur. Sa e kishim në te, dhe që kjo punë nuk ishte asgjë, me sa duket e dinim edhe vetë. Për adetin e “mirë” që përmendëm, nisur nga ajo që ka ngjarë thuhet se shpeshherë pas lavdeve që u bënim personave të ndryshëm, të parët tanë, kanë ditur të jenë ndaj tyre edhe tepër kritikë! Sidomos kur vajtonin pushtetarë të ndryshëm të regjimit si këta të sodit. Ka mbetur e regjistruar që në vaj njërit i kënduan edhe kështu: “o kuku e i mjeri unë për ty, je pas kenë një burrë dai, e t’ka pasë dash ty Mali i Zi, kur ka pas nevojë për ty!”.

Kemi frikë që ne ende nuk e mësuam që nga të tjerët kemi qenë të lavdëruar dhe të çmuar për aq sa e kemi pasur grigjën (kopenë) të madhe edhe për aq sa kemi ditur që t’a drejtojmë andej ku nuk u bënte dëm të tjerëve. Kuptohet, pastaj në bazë të meritave na i caktonin edhe rendet në Kuvendin Republikan”,… me mandate të “garantuara”… Po, kështu të ngjet kur fillon punën pa pasur fundin në mendje?!

Cekëm, në fillim, komplikacionet e Bardhit e në mesin e tyre është edhe mosaftësia për të kuptuar drejtë kuptimin e bartur të fjalës. Ai, fillimisht, manifeston komplikacion logjik te metaforat, kur thotë: “Edhe dhelpra që ndahet nga lukunia, me gjithë zgjuarsinë e saj të pranuar në mbretërinë e kafshëve, në bredhjet e saja për gjah të majmë, i ka të gjitha gjasat të bjerë pre e bishës…” Në fjalorin shqip-shqip “lukunia” ka këtë kuptim: tufë ujqish zakonisht të uritur e të egërsuar, që lëshohen në bagëti a në njerëz; kope ujqish, zogori. Lukuni ujqish. Iu vërsul një lukuni.”

Sa për metaforën, “edhe dhelpra që ndahet nga lukunia..”, autori, fatbardhësisht, po duket që arrinë të demaskojë vetveten pa e nisur mirë reagimin. Sepse nëse vërtetë unë paskësh “dalë nga lukunia”, atëherë kush ishte prijës i lukunisë (“çaporrit të ujqëve”)?! S’e thotë kot populli “basi kujtusi”, e këtë e vërteton edhe psikologjia e krimit! Por, që mund të jetë një çështje për zbërthim…, ilustroj rastin me hedhjen e nënshkrimit në përkrahjen e bllokut të referendumit, për pavarësinë e Malit të Zi, me të cilën z. Bardhi e dinte që pas hedhjes së nënshkrimit do t’i bënte aminë një herë e përgjithmonë Kongresit të Berlinit dhe jo rastësisht prijësi i “lukunisë” gjindej në Amerikë…, kur zëdhënësi i DPS-it, Predrag Sekuliq, për Vijestin e datës 05 maj 2006, shkruante: “Edhe Bardhi është në lojë”, (të pokerit). Këtë shqiptarët kurrë nuk do ta kishin mësuar po të mos e kishte publikuar z. Sekuliq! E kush atëherë e nënshkroi aktin e “turpit”, për z. Bardhi?! S’ka dyshim se e bëri ndonjë pasardhës imi, të cilin Bardhi “desh ta bëjë dikushi” ashtu siç thotë për mua, por “pa makinë e sekretareshë”… Pra po shihet, se edhe këtu na e hodhët. Bile, në atë kohë, gjatë rrugës në aeroplan, u kujtuat që z. Osman Rexha, kryetarit të PPD-së t’i thoni: Mirë keni bëre Osman që nuk e nënshkruat aktin e hyrjes në bllok!!! Po përse e bëtë këtë kur atëherë ishim në koalicion parazgjedhor në nivel Republikan me Ju?! S’ ka dyshim, që kjo bëhej për të mos na futur në hisen e mjeteve të fushatës për pavarësi, që na takonin  e që nuk ishin krejt pak, por 30 mijë euro… Aferim, për kaqë u shitën shqiptarët. Ju më nxorrët siç thoni: “nga arat me karabusha kallamoqi”, por mos harroni që edhe ju zbritët si profesor nga pullazi me qeser (çekiç) në dorë dhe u ulët ashtu si unë në fotelën e kryetarit… Dhe kjo s’ka gjë të keqe, ngase edhe Titoja ishte, agjustator (me çekiç në dorë), kur e nisi revolucionin, mirëpo problemi është diku tjetër: Ju, duke mos e qendërzuar jetën tuaj në parime të drejta ballanse me të tjerët, që nënkupton, rritjen e kurajos për të kuptuar të tjerët, po duket se duke qenë mjeshtër i çekiçit,” të gjitha gjërat i trajtoni si gozhda!!!

E kur konstatoni që: “duke keqpërdorur dhe tradhtuar edhe votën time edhe të gjithë votuesve, jo vetëm të LD në MZ dhe besimin tonë që ia dhamë atij – listës zgjedhore – koalicionit LD ne MZ – PPD (në zgjedhjet e 10 shtatorit 2006), në nivelin lokal… “duke u ulur, (apo e ulën) me dredhi apo tradhti”… “…pasi koalicionet parazgjedhore praktikisht nuk mund të shkëputen deri në zgjedhje të reja…” themi, që z. Bardhi e ka gabim, ai manipulon dhe tradhëton sepse e vërteta është krejt ndryshe! Koalicioni parazgjedhor nuk mund të prishet, nëse nuk prishet, por kur prishet partneri – partnerët ofrojnë dorëheqje, e supozojmë, që, nëse nuk ofrohet dorëheqje dhe pa paralajmërim kalohet me taborrin tjetër, kësaj, po të ndodhte do t’i thonin tradhti! Z. Bardhi me ju, me BDSH dhe FORCËN, zhvilluam tre muaj bisedime, si në Rambuje, dhe kur nuk u arrit marrëveshja, pra edhe me Ju, ofruam dorëheqje, mirëpo përveç PPD-së UDSH-së dhe FORCËS, Ju, nuk e nënshkruat?!. E përpimë edhe këtë?! Pritëm 8 muaj, por marrëveshja nuk u realizua. Si duket, Bardhit, i kishte mbetur në kokë të shpallë edhe PPD-në fajtore, e cila një herë e një kohë e akuzonte, se kish bërë tradhëti si Lidhje, në 96, duke shkuar në koalicion me Liberalët… Pastaj me SNP, në Plavë e Tuz…! Kur dihet që kish mundësi tjetër zgjedhjeje. Akuzat e tij, në këtë adresë, ia përngjajnë asaj popullores: Nënë, ma mbaj kopilin sa t’i them tjetrës k….! Edhepse, ne, u larguam pa u kurorëzuar si Bardhi me të tjerët dhe bëmë vetëm shumicë parlamentare… Atëherë, kjo do të thotë, që Ju, na keni përzënë nga koalicioni, si “vëllai i madh”, që jeni, e të cilin e përmendëni edhe në reagim kur thoni: “Në vijën e vëllait të madh të Koalicionit të njohur pokerian në Kuvendin e Komunës së Ulqinit…”Pasi nuk u kuptuam qartë, po ju pyesim: Përse e keni futur, fjalinë vëllai i madh… në thonjëza?! Mendojmë, që kjo tregon, se kohëve të fundit, me të madhe, ndiqni emisionet e tipit “Big Bradhër”, që e ndjekin zakonisht njerëzit e ekskomunikuar nga shoqëria?! Thonë, që psikologët, këtë, e shpikën me qëllim që personat e ekskomunikuar, të arrijnë, të kuptojnë, se çfarë është vlerë e çfarë është antivlerë në shëqëri. Besoni, që, po të ishit në Big Bradhër, e jo në politikë, moti nuk do tju kishin nominuar… për arsye fjalori depresiv!

Unë  nuk jamë kurrfarë “çakalli i pabesë” që sulmoj të tjerët… Fyrjet, shpifje, trillimet e tipit: “i poshtër”,” tradhtar”, “zotni… gomar”, janë vetëm shpifjet tuajat! Kujdes, Z. Bardhi relaksohuni me tema dhe fjalorë më të qetë!

Nga ajo që thoni, pjesërishtë është i vërtetë konstatimi i Juaj, kur nxirreni, me vargjet e rilindasve tanë e thoni: Edhe keshtu po qep e shkep/ me nji shqipe për gazep/ e si t’ishin në kllapi/  pa kqyr cak, pa majt hulli/, pa pas shkrimi as kamë as krye/, n’mereqep kartat kan zhye… Çështë e vërteta artikulli im i publikuar kishte shumë gabime gjuhësore dhe për këtë i thashë kryeredaktorit që të bëjë përmirësimin e tyre, por më është përgjegjur: Shkrimin e kemi trajtuar si reagim dhe në reagime të tilla nuk përmirësojmë gabimet?! Por, e kuptoj edhe Redaksinë, sepse duke ndërhyrë në lektyrë, nganjëherë, lëshimet drejtshkrimore, shndërohen edhe në gabime logjike që ndodhi edhe në shkrimin më të fundit.

Unë  personalisht gjithmonë në koalicione me të tjerët kam menduar, “fitore, për fitore”. Që do të thotë: fitoj unë, fitoni edhe ju. Kurse ju gjithnjë keni menduar: Fitoj unë, e ti hup!!! Personalisht nuk jam tip i pavarur, por jam i ndërvarur dhe për mua,”sukses” është në anën e kundërt të dështimit”, (T.J.Vatson). Mirëpo të mos njohësh një gabim, ashtu si Ju, të mos e korrigjosh dhe të mos mësosh nga ai është një gabim akoma edhe më i madh. Atëherë gabimi, zakonisht, e vendosë personin në një rrugë vetëmashtruese, të vetëpërligjur… ky gabim i dytë, pra ky mohim e fuqizon të parin, duke i dhënë atij rëndësi të shpërpjestuar dhe duke shkaktuar dëmtim akoma më të madhë ndaj vetes.

Sipas psikologjisë së suksesit, për dallim nga Ju që thoni: i tillë jam un?! Ne themi: unë mund të zgjedhë një trajtim ndryshe… dhe logjikat vazhdojnë, Ju: ai më tërbon jasht mase?! Ne: unë kontrolloi ndjenjat e mija. Ju: Ata nuk ma lejojnë këtë?! Ne: unë mund të krijoj një paraqitje efikase. Ju: Unë nuk mundem?! Ne: unë zgjedh. Ju: Unë duhet?! Ne: Unë pëlqej… et.etj.

Muhamet Nika
http://video.zoover.nl/media/play/2010/01/20100125130811_025.flv

Popularity: 1% [?]

SH.P.K SADI GROUP – Ndërmarrje për ndertimtari,transport,komunikacion,dhe shërbime

SH.P.K SADI GROUP ULQIN
Ndërmarrje për ndertimtari,transport,komunikacion,dhe shërbime.

Kryejm të gjitha ndërtimet e ulta dhe përfundimtare në objekte të reja adaptimi-renovimi i objekteve të vjetra si dhe rregullimi rreth objekteve
Kryejm këto punime:

• - Elektro instalime
• - Hidro dhe kanalizime
• - Termo dhe hidro izolime
• - Nivelizime
• - Keramik
• - Mermer
• - Granit
• - Rigips – knauf
• - Montimi dyerve të mbrendshme
• - Laminat
• - Parket
• - Fasad
• - Ngjyrosje
• - Montimi i sanitarive

Punimet e jashtëm :

• - Galanteria e betoneve – montim
• - Trotoare
• - pragje të ndryshme
• - Rregulimi parqeve

Shërbimet : Mbikqyrim dhe rregullojm objeket e banimit të bashk qytetarëve tanë në teritorin e Ulqinit,të cilet gjinden me punë të përkohshme jasht shtetit.

Informata më të hollsishme në Nr. Tel.
Email: sadikanaqi@hotmail.com

Popularity: 1% [?]

FORCA: Do t’i ankohemi Gjyqit Kushtetues nëse miratohet modeli i propozuar zgjedhor

Forca e re demokratike FORCA , nëse modeli i propozuar i përfaqësimit të pakicave në parlament do të miratohet , do ti ankohet Gjyqit kushtetutes , por nuk do të heq dorë nga pjesëmarrja në zgjedhjet lokale , u njoftua nga kjo parti.
Me modelin e propozuar zgjedhor , për pakicat që përbëjnë më tepër se 2 për qind të banorëve të Malit të Zi cenzusi zgjedhor do të jetë prej 04 deri në 07 për qind , varësisht nga përgjigja përfundimtare. Nënkryetari i FORC-ës Genci Nimanbegu deklaroi se kjo zgjedhje paraqet shkelje të kushtetutës dhe të dispozitave për përfaqësimin autentik dhe proporcional të pakicave.
Ai theksoi se FORCA i konsideron zgjedhjet lokale shumë të rëndësishme bile të barabarta me ato parlamentare , sepse kjo parti përpiqet për decentralizimin e pushtetit në Mal të Zi.

TVCG

Popularity: 1% [?]

Buna shndërrohet në leverdi ndërshtetërore

Ulqin, 27 janar – Ministri malazias i Transporit, Detarisë dhe Komunikacionit, Andria Lompar me homologun e tij shqiptar, Sokol Olldashi, në mbrëmjen e së martës kanë konfirmuar idenë e valorizimit të lumit Buna, njofton KosovaLive.
“Ekziston interesi i dyanshëm për hartimin e një elaborati për thellimin e Bunës edhe për ta ribërë atë të lundrueshëm”, u shpreh ministri shqiptar i Transportit , Sokol Olldashi.
Pas takimit në kabinetin e kryetarit të Komunës së Ulqinit, Gëzim Hajdinaga, pa praninë e medias, dy ministrat në një konferencë të gazetarëve të shumtë të interesuar, deklaruan se me këtë rast është aktualizuar ideja e ndërtimit të rrugëve rajonale ndërkufitare Plavë-Vermosh-Podgoricë, Velipojë-Ulqin.
Në një prononcim për KosovaLive, Olldashi tha se tashmë 75 për qind të punimeve ndërtimore të këtij objekti janë kryer, por nuk fiksoi ndonjë datë se kur mund të përurohet ajo.
Nga ana tjetër, edhe ministri malazias, Andria Lompar e quajti shumë të rëndësishëm bashkëpunimin me Shqipërinë në ndërtimin rrugëve kufitare, mbi të gjitha të pjesës që kalon nëpër Mal të Zi, përkatësisht Plavë-Guci-Shqipëri-Podgoricë.
“Do të kandidojmë iniciativa të përbashkëta rajonale. Mali i Zi projekteve të Shqipërisë në këtë frymë do t’u japë përkrahje të plotë”, tha ministri malazias i transportit.
Ndërkaq, kryetari i Komunës së Ulqinit, Gëzim Hajdinaga u shpreh se Ulqini po konfirmohet si një qendër e rëndësishme diplomatike edhe urë lidhëse midis Malit të Zi dhe Shqipërisë.

Koha Net

Popularity: 1% [?]

Mali i Zi aplikon taksa të reja ekologjike

Podgoricë, 26 janar  – Mali i Zi, i goditur nga një gjendje shumë e rëndë ekonomike “shpik” forma të reja të përmirësimit të buxhetit shtetëror. Kështu, Ministria e Rregullimit Hapësinor dhe e Mjedisit ka marrë vendim për ngritjen e taksave ekologjike, duke u arsyetuar se ky është shtet ekologjik dhe në këtë mënyrë përmbush standardet drejt integrimit në Bashkimin Evropian.
Ky dekret nis implementimin nga data 1 shkurt. Kështu, shtetasit malazias eko-taksat i paguajnë me rastin e regjistrimit të automjeteve dhe lartësia caktohet sipas llojit të tyre, që sillen prej 10 deri në 150 euro në vit.
Ndërkaq, shtetasit e huaj, taksat i paguajnë në vendkalimet kufitare me rastin e hyrjes në territorin e Malit të Zi vetëm për kohën e qëndrimit në këtë vend.
Për automjetet transportuese me një tonazh më të lartë se 3.5 tonë të kategorisë N2, eko-taksa është 2 euro në ditë (24 orë), për një javë 7 euro, një muaj 20 dhe 100 euro për një vit.
Për automjetet që janë mbi 12 tonë të lejuar të kategorisë N3, paguhet 3 euro në ditë, 8 për një javë, 20 për një muaj dhe 150 euro për një vit.
Edhe më parë, vendimi i Ministrisë malazeze të Financave është kritikuar ashpër nga opozita parlamentare, pronarët e automjeteve, e mbi të gjitha nga turistët, meqë, siç kanë vërejtur ata, ndikon në mënyrë drastike të qarkullimit turistik, si degë kryesore ekonomike e këtij shteti, por nuk jepen dëshmi bindëse se ku shpenzohen mjetet që grumbullohen nga kjo taksë.

Koha Net

Popularity: 1% [?]

M.Gjukanoviq: Mali i Zi e respekton Serbinë si faktor të rëndësishëm në rajon – Video

Kryeministri malazez Milo Gjukanovic ka deklaruar se me vendimin per te vendosur marredhenie diplomatike me Kosoven, Mali i Zi ka pranuar realitetin e ri.
“Ky veprim eshte respektim i nje realiteti politik, i cili eshte i pamundur te ndryshohet”, ka pohuar Gjukanovic ne nje interviste per nje te perditshme serbe “DAN”.Kreu i qeverise se Podgorices ka mohuar lajmet e publikuara ne media te ndryshme, se vizita e tij e fundit ne SHBA kishte te bente me kete vendim.
Gjukanovic eshte shprehur se Mali i Zi kishte planifikuar te vendoste marredhenie diplomatike me Kosoven edhe me here, por nuk e kishte bere kete per shkak te Beogradit.
Kryeministri i Malit të Zi Millo Gjukanoviq deklaroi se Mali i Zi e respekton Serbinë si faktor të rëndësishëm në rajon dhe se nuk ndërmerr hapa të cilët mund ta dëmtojnë atë.

Ajo që duket si problem është se një pjesë e opinjonit në Serbi ende nuk është e gadshme të pranojë se Mali i Zi është shtet i pavarur dhe se zhvillon politikë të vet në pajtim me interesat e veta nacionale.

Kështu vendimet e vështira të cilat i kemi siejullr të ngjashme me vendimin për Kosovën kanë përfshir edhe raport mjaft sensibil ndaj qëndrimit të pritur negativ të Serbisë ndaj këtyre çështjve, theksoi Gjukanoviq.

Në pyetjen nëse vendosja e marrdhënieve diplomatike me Kosovën mund të ndërlidhet me vizitën e tij në Uashington, Gjukanoviq u përgjigj negativisht duke theksuar se Mali i Zi ka planifikuar që mardhëniet diplomatike me Kosovën ti vëndos edhe më parë , mirëpo, këtë nuk e ka bërë duke respektuar informatat nga Beogradi.

Ai theksoi se është mënduar se Beogradi mund ti shkojë në favor që të mos bëhet asgjë në këtë drejtim derisa të mos paraqiten argumentet për pavarësin e njëanshme të Kosovës në gjyqin ndërkombëtarë të drejtësisë në Hagë.

Pasi që kjo fazë ka përfunduar , kemi konsideruar se duhet të veprojmë në pajtim me implementimin e një vendimin të cilin e kemi siedhur para më tepër se një viti, theksoi Gjukanoviq duke shtuar se askush nga Uashingtoni nuk ka insituar në drejtim të tillë.

TVCG

Popularity: 1% [?]

Millo Gjukanoviq: Mesazh inkurajues nga SHBA – Video

Në kuadër të vizitës zyrtare në SHBA kryeministri i Malit Te Zi Millo Gjukanoviq mbajti një ligjëratë në Qendrën për marrëdhëniet transatlantike në Universitetin Xhon Hopkinsk lidhur me integrimet evro-atlantike të Malit të Zi.
Gjukanoviq theksoi se gjatë takimeve të djeshme me nënpresidentin e SHBA Xhozef Bajden dhe sekretaren e shtetit Hillari Klinton ka marr mesazhe shumë inkurajuese për Malin e Zi.
Mesazhi i Administratës amerikane për kryeministrin Gjukanoviq ishte unik – Mali i Zi mund të llogarisë në mbështetjen e plotë të SHBA-ve drejtë anëtarësimit në NATO dhe UE.
Zyrtarët amerikanë i ofruan ndihmë pushtetit malazezë edhe për vendosjen e shtetit juridik gjë që është parakusht për përparim të mëtejmë në integrimet euroatlantike .
Siç theksoi Gjukanoviq pas takimit me zonjën Klinton dhe ligjëratës në Universitetin Xhon Hopkins është i gatshëm që ti plotësojë obligimet e veta në kur është fjala për përparimin e pushtetin e të drejtës.
Jemi të vetëdijshëm për problemet që i kemi dhe jemi të gatshëm që me përgjegjësi ti zgjidhim ato , duke besuar se vizionin tonë të anëtarësimit në NATO dhe UE do ta realizojmë me plotësimin e standardeve të cilat do ta kualifikojnë Malin e Zi për pjesëmarrje në këtë shoqëri të zgjedhur, theksoi Gjukanoviq.
Kryeministri Gjukanoviq, siç është paralajmëruar do të takohet sot edhe me drejtorin e Bankës botërore Robert Zelik dhe drejtorin e Fondit monetarë ndërkombëtare Shtraus Kan.
Gjatë këtyre bisedimeve do të dominojnë çështjet ekonomike dhe aranzhmani eventual i Malit të Zi me Fondin monetarë ndërkombëtarë.
Gjukanoviq po ashtu do të takohet edhe me guvernatorin e shtetit Merilen Martin O Meli.

RTCG

http://www.voanews.com/MediaAssets2/russian/2010_01/milo-djukanovic-intervju.flv

Popularity: 1% [?]

Zëvendësministrja e jashtme e Malit të Zi nesër viziton Kosovën

Zëvendësministrja e Malit të Zi Irena Radoviq do të vizitojë nesër Kosovën, me ç’rast do të zhvillojë takime të shumëta me autoritetet kosovare.
Kjo është vizita e parë e zyrtarëve të Ministrisë së Punëve të Jashtme malazeze pas vendosjes se marrëdhënieve diplomatike të Malit të Zi me Kosovën një javë më parë.

Koha net

Popularity: 1% [?]

Next Page »