Liljana është 29 vjeç. Dje, pra më 1 maj, ishte datëlindja e saj. Punon kontrollore në paraburgimin e Vlorës. Të birit dy vjeç, i kanë vendosur emrin e babait të Qetësorit (që nuk jeton më), ndërsa pret një vajzë dhe është në muajin e katërt të shtatzënisë.

Në paraburgimin e Vlorës, sapo pyet përmes portës prej hekuri për të, e identifikojnë menjëherë, duke përdorur emrin e Qetësorit. “Ah, kërkoni të shoqen e Qetësorit? Por, a do të fitojë ai? Pyetja kthehet nëdebat ndërmjet bluve roje, ndërsa na ndihmojnë për një numër kontakti.
Liljana na lë takim pasdite në një nga baret e qytetit, ndërsa shoqëruesi me sy bojëqielli, i veshur tërësisht me xhins, është djali dy vjeç. Merko, ose si i thërrasin shkurt, Eri. Ajo që spikat në fillimin e bisedës, është se Liljana jeton ende me emocionet e takimit me të shoqin në shtëpinë e BB-së, kur i ka treguar për vajzën e tyre që, për pak muaj, do të vijë në jetë. Sot dita përkon me datëlindjen e saj dhe si për të ndarë këto momente me të shoqin, pranon menjëherë që biseda të lakohet rreth tij.

Çfarë ju bën më tepër pështypje këto javë drejt fundit të “Big Brother”-it? 
Ndoshta Qetësori është bërë më i ndjeshëm, pasi me çunin ka një lidhje të veçantë. Më i tërhequr ndaj ngacmimeve që ka patur në fillim, por gjithsesi, alegrinë dhe humorin nuk e ka ndarë në asnjë moment.

Do të veçoje ndonjë episod? 
Normalisht tani po vjen finalja dhe secili po tregon më tepër vlerat e veta. Duan të hyjnë në debate, por Sori këto i ka pasur që në fillim. Ndoshta të tjerët tani kanë nisur të aktivizohen më shumë. Siç e ka thënë dhe Sori, e ka filluar shpejtësinë e maratonës me 20 km në orë. Pra, është siç ka qenë dhe në fillim, ndërsa të tjerët po nxjerrin gjëra të tjera. Po të shikosh, p.sh., Adin, ai në fillim ka qenë më i qetë, ndërsa tani duket më luftarak, më ngacmues.

Përsa i përket nominimit Adi-Qetësor, çfarë mund të na thuash?
Thjesht një çështje “inati” pse u thye një pakt. Ndoshta tani po i bëhen në të njëjtën mënyrë. Këtë herë ishte Lirita. Të paktën, te nominimet që bën Sori, më duken me bazë, ka dhe argumente për to, ndërsa nominimet që i bëjnë Qetësorit, në njëfarë mënyre, i ngrenë dhe vlerat. E cilësojnë kandidat të fortë.
Sori me Adin nuk kanë asgjë personale. Madje ia ka thënë këtë. Edhe përsa u përket nominimeve,Adi e ka nominuar shumë më tepër. Ndoshta e shikon me frikë…

Sori ndihet apo jo vetëm, tani që është pa aleatë? 
Absolutisht jo! Sori është si më parë. Asnjëherë nuk trembet nga të tillë faktorë. Është folur pak nga banorët kjo, por nuk është aspak e vërtetë. Sori nuk është tipi që do të ndihej vetëm.

Çfarë do t’i veçonit Sorit nga banorët e tjerë? 
I kap mirë situatat, është studiues i të tëra gjërave, inteligjent, studion goxha mirë situatat, ngjarjet, nuk i shpëton gjë. Çdo gjë e bën të mirëllogaritur, në vendimet që merr është i prerë, i saktë. Nuk ka frikë nga opinioni i të tjerëve. Të paktën, me syrin tim, kam vërejtur se të tjerët kanë frikë nga debatet, mundohen të sillen mirë, ndërsa Sori nuk ka frikë nga debati.

Sa ndihet mungesa e Sorit në familje? 
Dita bëhet monotone. Çdo gjë e qetë, ndërsa me Sorin ke të papritura në çdo minutë. E para, Sorika shumë ide. Çdo ditë do të të japë ndonjë ide të re. I pëlqen ndryshimet. Nuk kanë munguar as propozimet për plane të pritshme për jetën tonë (për të cilat ajo nuk jep detaje). Ai do të eksplorojë, do një familje të madhe. Po ta krahasosh me tipin tim, jemi pak të ndryshëm në këtë. Unë jam e qetë, dua një jetë të mbyllur, Sori do shumë më tepër. Adhuron shumë natyrën, adhuron gjërat e bëra me dorë. Shtëpinë e do larg zhurmave të qytetit. Madje ka ideuar dhe skicat si do e kemi në të ardhmen.

Thonë se “dashuria kalon nëpërmjet stomakut”. Vlen shprehja, kur Sori di të gatuajë mirë? 
Ajo që më duhet të evidentoj, duke e lënë paksa mënjanë shprehjen, është ndryshimi. Unë dua shumë gjëra ndonjëherë për të gatuar diçka, ai ia arrin dhe me pak gjëra. Kur kemi datëlindje, fejesa, gjëra të tilla, është Sori që kujdeset. Në ditë të zakonshme, ndodh që gatuaj unë, pasi Sorit i duhet të merret me punë. Por duhet ta pranoj, Sori gatuan shumë më mirë.

Mund ta përdor shprehjen “dashuri” në njohjen tuaj? 
Njohja? Mund ta quaj histori paksa të çuditshme. Atëherë isha studente dhe po kaloja me shoqet para universitetit. Ai ishte me kushërirën e vet. Nuk e kisha parë asnjëherë. As ai mua. Përnjëherësh tha: “Me këtë vajzën dua të martohem”. Unë nuk e ktheva as kokën. Mendova siç e kanë çunat që duan të tërheqin vëmendjen. Rastësia e solli që vajza e dajës së Sorit të ishte në një klasë me mua. Ajo pruri një foto të një dasme. Aty kishte shumë njerëz, por mua më vajtën sytë te Sori. “Po ky çuni? Është djali i hallës sime, – vjen përgjigja. – Sa simpatik, – i thashë dhe ndoshta këtu nisi pika e lidhjes. Unë isha paksa e ndrojtur, por më doli instinktive shprehja. Sori në këtë kohë ishte student në Itali, vazhdonte vitin e dytë për filozofi dhe vinte kur kishte pushime. U prezantuam. Përshtypja e parë për Sorin nuk ishte kushedi se çfarë. Ai kishte një vëth në vesh, një shenjë në ballë, dhe as ma mbushi syrin, dukej shumë i egër. Por ishte alegro, djalë i shkathët, pa emocione. Unë emocione kisha, të them të drejtën. Përshtypja e parë shpejt u shua dhe u lidhëm. Pas 6 muajsh u fejuam. Ndenjëm dy vjet fejuar dhe pastaj u martuam.

Jeni ndier ndonjëherë xheloze në ditët kur Qetësori është brenda shtëpisë? 
Xheloze? Jo fare. Di që është besnik. E njoh mirë, por njoh pak a shumë dhe shijet e tij. Nuk ka asnjë shkas deri tani të ndihem xheloze. As në jetën e përditshme nuk ndihem xheloze. Është një tip i sinqertë. Për atë që ka, ma thotë. Megjithatë, ai ka krijuar relata të vërteta miqësie me të gjithë, madje edhe me gocat. Një familjar i vërtetë. Ndoshta po të ishte ndonjë nga vajzat provokuese, ndoshta…, por nuk e them dot në këto kushte, kur gocat aty janë goxha të mira.

Për ju u përdor një shprehje, që indinjoi nënën e Qetësorit…
Ishte një shprehje jashtëzakonisht shumë e ulët, që nuk përdoret për asnjë. S’e prisja nga Eltoni që mbahej si intelektual. Normal që më preku pak si shprehje. Edhe atë vetë, nëna e vet e ka bërë. Pa përdorur shprehjen e tij… Ndoshta edhe publiku e vlerësoi….

Javët e fundit si po përjetohen? 
Padyshim që e përjetojmë çdo moment të tij. Kemi emocione. Fitorja është gjë e madhe, por do doja që Qetësori të mos ndryshonte asgjë. Është shumë mirë kështu si po ecën.
Shumë i ndjekur është edhe aty ku punoj, në paraburgimin e Vlorës. Edhe familjarët e të burgosurve që vijnë të takojnë të afërmit, nuk harrojnë të bëjnë komente për të. Nëse vlerësohet sinqeriteti, loja e pastër, them se duhet të fitojë.

Diçka për banorët e tjerë… 
Adelajda me Bjordin… lidhja e tyre qe disi e sforcuar nga ana e Adelajdës dhe u rrit paksa si lidhje për çmimin final. Gjithsesi, duhet të ketë një ndjenjë.
Bjordi, i vogël, por goxha i zgjuar.
Adelajda, sado që është mësuese, por prapë në botën e saj ndikohet nga mentaliteti.
Po ta shikosh atë, Bjordi e ka ndihmuar dhe plotësuar goxha. Mendoj se pa të, Adelajda do kishte dalë nga shtëpia.

Adi thotë që loz drejt, por mendoj se luan paksa pas shpine.

Anjeza, gocë simpatike, e qetë, pa komplekse. Shkonte me Arjonin, do më pëlqente t’i shikoja bashkë ende. E shoh një vajzë të thjeshtë e pa komplekse. Pozitive.

Moza, habitem shumë që po reziston akoma, pasi nuk është aktive, as në debat, as në shtëpi. Pasqyron vetëm një femër të bukur, por pasive.

Juna, u shfaq person me shumë vlera, e fortë, me kulturë dhe u mendua se ç’do bënte. Tani e shikoj jo si një rivale për Sorin.

Arjani, inteligjent, me eksperiencë jete. Ka lexuar shumë. Është rival në inteligjencë, por i mungon humori. Kjo e fundit e bën Sorin, ndoshta dhe të dallueshëm nga të tjerët.

Gazeta Shekulli

Pse ishe në “Big Brother” Arjon?

Kërkoja një trampolinë ideale për t’u hedhur në synimet e mia. Ato lidhen me botën e televizionit ku dëshiroj të bëhem prezantues, por njëkohësisht do të konkurroj edhe në Akademinë e Arteve të Bukura për aktor.

A mund të jetë dialekti që ke në të folur problem për këtë gjë?

Për këtë arsye, do të ndjek edhe një kurs gjuhe dhe diksioni.

A pamë një Arjon të vërtetë në “Big Brother 2″?

Edhe unë nuk e kisha parë veten asnjëherë kaq të vërtetë.

Do ktheheshe përsëri atje brenda, pse?

Po, sepse do kisha dëshirë të provoja përsëri ngrohtësinë që më dha publiku kur dola.

Në “Big Brother” fitojnë të vërtetët, apo ata që aktrojnë më bukur?

Në “Big Brother” fitojnë ata që vendos publiku.

Po ti çfarë bëre?

Po të më pyesje brenda në shtëpi për këtë gjë nuk do të dija të përgjigjesha, por sot më thonë dhe më vlerësojnë si një djalë 360°.

A pate një strategji loje?

Të gjithë patën një strategji, por çdo strategji kur je aty brenda bie brenda pak ditësh.

Të jesh djalë i bukur, të ndihmon apo të ndëshkon në një lojë si kjo?

Unë kam bërë që aspekti fizik të anashkalohej për të nxjerrë në pah vetitë dhe virtytet që më karakterizojnë.

Ti dhe Moza ishit më të bukurit e këtij edicioni, ku qëndron dallimi mes jush (përveç seksit)?

Moza futet në rekordin “Guinness”, si një person që arriti të rrinte në një “reality” që bazohet te dialogu, 80 ditë pa folur.

U afrove shumë me Zhuljetën, ajo tha se ishte lojë, po për ty?

Ndava momente shoqërore shumë të bukura, por për të ishte lojë, unë nuk e vlerësoj për keq, sepse më dhuroi bashkëbisedime të bukura.

Çfarë të tha kur e takove jashtë?

O fodull.

Si po të duket Anjeza, tani që e shikon nga jashtë?

Pak e mërzitur në ato momente që normalisht i kalonim bashkë.

Adela i tha Anjezës se, po të më dilte Bjordi, unë vetëm do qaja, po ti si mendon për reagimin e Anjezës?

Çdo njeri i përballon ndjenjat dhe situatat në forma të ndryshme.

Mendon se Adela e do Bjordin, më shumë se të do Anjeza ty?

Si mund ta mas ndjenjën? Po të ekzistonte një ndjenjëmatës, do isha i pari që do ta kisha blerë.

Qetsori ka thëne se ti e ke dashur më shumë sesa të ka dashur ai, je i zhgënjyer nga këto fjalë?

Personat nuk duan kurrë në të njëjtën sasi, ka gjithmonë një që do më shumë se tjetri.

Cilin kishe me të vërtetë konkurrent aty brenda?

Qetsorin.

A u stepe kur në “Big Brother” hyri Ari, pse?

Për mua, Ari ishte si gjithë të tjerët.

Kush do ta fitojë “Big Brother”?

Qetsori. A do rikthehesh në Itali? Varet nga ofertat e punës që do të kem, sepse jam mësuar të punoj.

Po me Roselën si shkon puna, do ta takosh?

Patjetër që do ta takoj, aty ku mbaron një dashuri, ka shumë vend për një miqësi.

A do të punosh këtë vit në sezonin turistik të verës?

Në Itali kam bërë bagninon (kujdestarin e plazhistëve), ndërsa këtu shpresoj të punoj gjithë vitin.

Çfarë pret të ndodhë me jetën tënde?

Të mos më ndryshojnë gjërat që kam dhe pres të realizoj ëndrrat e mia.

Po për fansat?

Dua t’i shpreh falënderimin tim të madh për çdo ditë që më kanë mbështetur kur isha aty brenda dhe për ngrohtësinë që më falin tani që jam jashtë.

BIKA

18/04/09 21:43

Gjatë spetaklit “Big Brother” kishte përgatitur një surprizë për dy nga banorët por , kjo surprizë i përfshiu të gjithë banorët. Ato kanë mundur të ndjekin një film të shkurtër “Arjoni me Anjezën”. Lidhja e tyre është ndjekur me shumë vemendje nga publiku ,por jo vetëm. Motra e Anjezës ka dashur të flasë me Arjonin. Ajo e ka pyetur nëse ndjenja është e vërtetë, apo është thjesht për spetakël. Ai ka deklaruar që ndjenja që ka ai për Anjezën është e vërtetë. Ajo i ka shprehur mbështetjen për lidhjen e tyre. Anjeza është emocionuar shumë kur ka parë nga monitori takimin e Arjonit me të motrën. Një tjetër person që ka dashur të flasë për lidhjen e tyre ishte dhe motra e Arjonit e cila i ka dhënë mbështetjen. Arjoni është përlotur ndërkohë që ka parë takimin e Anjezës me të motrën.

18/04/09 21:14

Banorët një ditë pas hyrjes në shtëpinë e Big Borther janë shprehur me një votim të fshehtë për të preferuarin e tyre. Ato ishin përshtypjet e para të tyre dhe me kalimin e kohës për disa prej tyre këto përshtypje janë kthyer në bindje , ndërsa për disa të tjerë kanë ndryshuar totalisht. Për këtë “Big Brother” i vendosi në një përballje banorët me të eleminuarit. Një nga përballjet që la përshtypje tek njëri prej banorëve ishte ajo e Arjonit me Mesidën. Ajo i thotë për lidhjen e tij me Anjezën që ishte e llogaritur. Ai është shprehur:-“Nëse do ishte kështu do e kisha bërë me ty! Nuk e prisja nga ty Mesida!” Bjordi kishte shkruar që preferenca e tij ishte Qetsori. Arbana e ka pyetur nëse ai kishte ende i të njëjtit mendim për Qetsorin. Bjordi thotë:-“Është i mirë se është i keq!”

AIDA

Gjërat pozitive- Karakteri i fortë

Gjërat negative- Përpiqet të manipulojë të tjerët

Çfarë do t’i thoshe po ta kishe përballë- “Ji më e drejtpërdrejtë”

MOZA

Gjërat pozitive- Bukuria fi zike

Gjërat negative- Sipërfaqësore

Çfarë do t’i thoshe po ta kishe përballë- “Je shumë e lehtë”

ADELAJDA

Gjërat pozitive- Mbron me forcë atë që është

Gjërat negative- Transmetuese e mirë e fjalëve

Çfarë do ti’ thoshe po ta kishe përballë- “Mos u fshih, ji Adela e javëve të para”

BIKA

Gjërat pozitive- Vajzë punëtore dhe e çiltër

Gjërat negative- Ndonjëherë reagon ashpër

Çfarë do t’i thoshe po ta kishe përballë- “Je njëshi i shtëpisë”

MESIDA

Gjërat pozitive- Mentaliteti i hapur

Gjërat negative- Mentaliteti i hapur

Çfarë do t’i thoshe po ta kishe përballë- “Më vjen mirë që të njoha”

ERJOLA

Gjërat pozitive- Vajzë energjike

Gjërat negative- Kalonte shumë kohë me cigaret

Çfarë do t’i thoshe po ta kishe përballë- “Më vjen keq që ike aq shpejt nga shtëpia”

LIRITA

Gjërat pozitive- Humori i këndshëm

Gjërat negative- S’më kujtohet ndonjë tipar i tillë

Çfarë do ti’ thoshe po ta kishe përballë- “Mirëdita…… vetëm?”

JUNA

Gjërat pozitive- Bashkëbisedon pa komplekse

Gjërat negative- Qesh kot pa lidhje

Çfarë do t’i thoshe po ta kishe përballë- “Mos e shaj grupin ku bën pjesë, se kështu shan veten tënde”

ADI

Gjërat pozitive- Humorist i mirë

Gjërat negative- Nuk e thotë fjalën e vet, është dakord me mendimet e të tjerëve”

Çfarë do t’i thoshe po ta kishe përballë- “Respekte për kurajën”

QETSORI

Gjërat pozitive- Flet hapur pa doreza

Gjërat negative- Kokrra e mashtruesit

Çfarë do t’i thoshe po ta kishe përballë- “Mos u tremb nga të rinjtë”

ARJONI

Gjërat pozitive- Djalë punëtor dhe me edukatë

Gjërat negative- Nuk mendon me kokën e vet

Çfarë do t’i thoshe po ta kishe përballë- “Interi e ka siguruar titullin”

BJORDI

Gjërat pozitive- Djalë i këndshëm, i mprehtë

Gjërat negative- Nuk e mbron veten siç duhet

Çfarë do t’i thoshe po ta kishe përballë- “Mos fl i kaq shumë”

ANI

Gjërat pozitive- Serioziteti

Gjërat negative- Nuk fl iste fare

Çfarë do t’i thoshe po ta kishe përballë- “Ku je o burrë i dheut”

AGONI

Gjërat pozitive- Tip i veçantë, nuk bezdiste njeri

Gjërat negative- I fi ksuar me Che Guevarën

Çfarë do t’i thoshe po ta kishe përballë- “O zotëri, po të lutem o zotëri”

PAVLINI

Gjërat pozitive- Djalë me formim, i papërtuar

Gjërat negative- Zgjatej shumë në të folur

Çfarë do t’i thoshe po ta kishe përballë- “Amico vuoi problemi?”

TONI

Gjërat pozitive- Në një javë nuk i gjeta ndonjë gjë pozitive

Gjërat negative- I shtirur

Çfarë do t’i thoshe po ta kishe përballë- “S’ia vlen të merrem me të”

ARJANI

Gjërat pozitive- I thotë gjërat si i mendon

Gjërat negative- Flet shumë

Çfarë do t’i thoshe po ta kishe përballë- “Do t’i thosha vetëm përshëndetje, se pastaj do të fl iste vetëm ai”

04/04/09 21:30

Big Brother ka vendosur që të eleminuarit të kenë një përballje me banorët. Gjatë spetaklit është trasmetuar një klip me më të këqijat e thëna për ta nga banorët. Për këtë u është mundësuar një komunikim me ta. Zhuljeta është e elemininuara e parë që përballet me Aidën e cila e lë pak konfuze këtë të fundit. Në përballjen e Liritës me Qetsorin ai i thotë që e ka parë si lojtare dhe shton:-“Më dole para dhe luajta!” Adelajda është banorja e cila është përballur me dy të eleminuar. Mesida i thotë:-“Adela kur nuk ke ndonjë argument ti thua gjithmonë që këto janë mendimet e mia!” Sipas saj Adelajda duhet të respektojë vuajtjet e të tjerëve.

31/03/09 04:10

Arjoni pyet Anjezën për ndryshimin e mendimit të saj për banorët nga jashtë shtëpisë, brenda saj. Anjeza i tregon se i ka ndjekur, por nga jashtë dukeshin më ndryshe, ndërsa tani që është dhe ajo brenda ka filluar t’i njohë më mirë. Arjoni e pyet se për cilin banor ishtë kurioze që të ballafaqohej dhe ajo i përgjigjet për Sorin. Ajo thotë se është ndryshe nga ai që mendonte, por është ende herët për të dhënë një përcaktim mbi të. Anjeza tregon se dita ditës i shtohen ose i pakësohen vlerësimet për të gjithë banorët dhe se ndihet pak në vështirësi për të dhënë përcaktime të sakta për të gjithë. Sipas Arjonit, është dicka pozitive nga ana e saj që ka ardhur për t’i dhënë shans të gjithëve për t’i njohur. Anjeza thotë se i bën përshtypje që cdo gjë që thotë ajo, banorët e marrin si të mirëqënë vetëm sepse ajo vjen nga jashtë dhe mund të dijë opinionin e publikut. Ajo thotë se shpreh vecse mendimin e saj. Arjoni mendon se kjo mund të jetë një lloj arme për të që mund ta përdorë kundër të tjerëve, pasi ata të gjithë kanë frikë se cfarë mendon publiku për ta. Anjeza tregon se e mendonte më të vështirë për t’u afruar me të tjerët, por në fakt i doli krejt e kundërta. Arjoni e lidh me faktin se ajo vjen nga jashtë dhe banorët e kanë afruar jo për ta njohur, por për të kuptuar prej saj. Ai i tregon se me aq sa ka kuptuar nga ajo, ajo ka hyrë me “detyrat e shtëpisë” të bëra mirë, qëndron aty ku e vënë pa problem dhe se është shumë dinake, por këtë gjë nuk po e fsheh dot. Arjoni i thotë se përvec këtyre, asaj i kanë shpëtuar shumë gjëra në këtë shtëpi dhe e këshillon që të mos rrijë vetëm, por Anjeza ia kthen se e vetme ka ardhur në këtë lojë.

31/03/09 01:50

“Më pëlqen si luan Anjeza!”- i ka thënë Qetsori asaj dhe Arjonit. Për Mesidën ai tha se dështoi, ngaqë u lexua menjëherë se cfarë loje bënte. “Mesi u lëshua, jo u lexua!” –e ka korrigjuar Arjoni. “Po u lëshove, u lexove!”- ia ka kthyer Qetsori. Sipas tij, Anjeza është më intrigante, më e përmbajtur, më interante, më mister. Arjoni ka pohuar të njëjtën gjë. “Dhe nuk është e thjesht t’i përmbahesh kësaj linje!” – ka shtuar Qetsori. “Shumë e vështirë është!”- ka pohuar Anjeza.

Është e qetë dhe të krijohet përshtypja se ta bësh të nervozohet, është një mision i pamundur. E megjithatë nuk duket se ka patur një jetë të lehtë. Mesida Lleshi, vajza brune e cila la shtëpinë e “Big Brother” një javë më parë, është një nga bashkëbisedueset më komode që fati mund të ta rastisë ta kesh përballë. Rrëfimet e saj mbi anët e errëta, të dhimbshme, apo edhe për momentet e bukura të jetës, përveç se shoqërohen herë me buzëqeshje e herë me pak trishtim, gjithsesi vijnë të qeta dhe pa keqardhje. Nuk është mërzitur që ka lënë shtëpinë më të famshme në Shqipëri, por tregon se e ka marrë malli për të gjithë banorët sapo ka dalë që andej. Ndërkohë jashtë e presin miqtë dhe disa kushërinj të cilët së bashku, janë familja e saj sa herë ajo vjen në Tiranë.

MARRËDHËNIET ME BANORËT DHE SHOQËRIA ME ZHULJETËN
Nëse ne ju themi se tani që ka dalë jashtë shtëpisë Mesida po shoqërohet me Zhuljetën, ju a do ta besoni? Duket absurde por është e vërtetë. Vetë Mesida tregon se ndjehet mirë në shoqërinë e Zhuljetës dhe po e frekuentojnë njëra tjetrën me shumë kënaqësi, duke zbuluar se mes tyre ekziston një marrëdhënie shumë e mirë mikeshash. “Ju nuk mund ta imagjinoni se sa tip fantastik është Zhuljeta. Ajo është një vajzë e dashur dhe ke kënaqësi të bisedosh me të”. Kështu thotë Mesida ndërkohë që kur e pyesim se si ka mundësi që këto cilësi nuk i reflektoi dot brenda shtëpisë ajo thotë: “Kur je në lojë, ndodh që edhe të tjetërsohesh. Mjafton një gjë e vogël që të ta prishë humorin dhe një gjë po kaq e vogël që të të lumturojë. Zhuljeta ka një marrëdhënie shumë speciale me të vëllain, Romeon, dhe fakti që asaj nuk i bënë as edhe një surprizë që t’i mundësonte një komunikim të vogël me të, e demoralizoi. Mendoj se Zhuljeta ishte e vetmja në atë shtëpi që nuk i bënë asnjë surpizë. Tani kam mundur të zbuloj Zhuljetën e vërtetë dhe më pëlqen shumë”.

ARJONI SHOK APO…?
Sapo ka dalë nga shtëpia e “Big Brother”, Mesida ka takuar të parët prindërit e Arjonit. Ka patur kuriozitet
t’i njohë pasi në rrëfimet e Arjonit ata paraqiteshin si prindër model. Dhe nuk është zhgënjyer. “Kam ndenjur rreth katër orë duke biseduar me prindërit e Arjonit dhe jam kënaqur. Ata ishin njerëz të mrekullueshëm. Kjo spjegon edhe arsyen pse Arjoni është i tillë. Ai djalë ka jo vetëm një pamje të bukur por edhe një shpirt po aq të bukur. Është një nga djemtë më të mirë dhe të kompletuar që kam takuar ndonjëherë” – tregon Mesida. Po si mund të vazhdojë lidhja mes Mesidës dhe Arjonit kur ky i fundit të jetë jashtë? “Mendoj se mund të jemi vetëm shokë pasi si të tillë u pozicionuam që në fillim. Ne mendojmë njëlloj në këtë aspekt, nëse nuk kemi një tërheqje që në fillim, asgjë nuk mund të ndryshojë me kalimin
e kohës, por di që do ta kem shumë shok” – thotë ajo.

UNË NUK DI TË AKTROJ
Përpiqemi të mësojmë nga Mesida se cila mendon ajo se ishte arsyeja që u votua për të dalë: “Unë kur hyra në atë lojë nuk mendoja që mund të fitoja dhe nuk kisha ndër- Kur vëllai im u martua dhe u bë me bebe, mami erdhi në Suedi dhe unë shkova ta takoj. Im atë nuk ma fali këtë gjë dhe më mbajti mëri. Por tani që kam dalë nga shtëpia e “Big Brother” ai më ka dërguar një sms ku më tregon se është shumë krenar për mua mend të përdorja asnjë strategji. E kam të pamundur që të tjetërsohem pasi jam në paqe me tipin tim. Unë jam natyrë që i dua shumë njerëzit dhe nuk mund të bëj ndryshe. Prandaj dhe lojën e mora me shumë qetësi. Për mua ishte një eksperiencë më shumë, një mundësi për të njohur njerëz të rinj dhe për t’u kënaqur. Më mirë kështu. Sapo dola dikush më ndaloi në rrugë dhe më tha: “Ti je Mesida? Lum shokët që të kanë”

E NDARË MES DY DASHURIVE PRINDËRORE
Prindërit e saj janë ndarë kur ajo ishte 5 vjeç dhe vëllai 4 vjeç. Gjykata vendosi që fëmijët të kalojnë nën kujdestarinë e të atit. Në atë kohë, në fillim të viteve ‘90, i ati me dy fëmijët vendosi të lërë Shqipërinë dhe u vendosën fillimisht në Gjermani. Tani kanë rreth 9 vite që jetojnë në Suedi. Mesida e ka takuar mamanë e saj, e cila jeton në Gjermani dhe është martuar me një gjerman, vetëm 5 herë gjatë gjithë jetës së saj. Kjo marrëdhënie e një vit që ajo nuk flet me të atin. Ja si kishte ndodhur: “Kur vëllai im u martua dhe
u bë me bebe, mami erdhi në Suedi dhe unë shkova ta takoj. Im atë nuk ma fali këtë gjë dhe më mbajti mëri. Por tani që kam dalë nga shtëpia e “Big Brother” ai më ka dërguar një sms ku më tregon se është shumë krenar për mua”. Po mamaja? Nga tezja ka mësuar se edhe e ëma e ka ndjekur por që kur
ka dalë nuk është bërë e gjallë dhe nuk i ka dërguar as edhe një mesazh. Mbase më vonë mund të ndodhë…

PLANET PËR TË ARDHMEN
Po mbaron fakultetin e Juridikut në Suedi por dëshiron të vijë e të jetojë në Shqipëri. Momentalisht jeton në
një shtëpi me qira te rruga Myslym Shyri të cilën e ndan me një mikun e saj, por që nuk e ka të dashur. Nuk ka ndonjë lidhje për momentin por mendon se të jetosh në Shqipëri është shumë më mirë se jashtë dhe shumë shpejt do të stabilizohet këtu përgjithmonë.