Berisha dhe Gjukanoviq : Bashkëpunimi dhe zhvillimi i projekteve konkrete

Kryeministri Berisha dhe Kryeministri malazez Gjukanoviç bien dakord zgjerimin e bashkëpunimit dhe zhvillimin e projekteve konkrete
Dy palët diskutojnë projekte në fushën e infrastrukturës, turizmit, arsimit, kulturës etj..
Kryeministri Sali Berisha mirëpriti sot Kryeministrin e Malit të Zi Milo Gjukanoviç dhe delegacionin që e shoqëronte. Pas takimit tet a tet të dy kryeministrave, u zhvilluan bisedimet mes dy delegacioneve, të cilat u përqendruan në nxitjen e perspektivave të reja në bashkëpunimin dypalësh, aspiratat integruese europiane dhe euroatlantike dhe bashkëpunimi rajonal.
Dy homologët i konsideruan marrëdhëniet dypalëshe të shkëlqyera dhe shprehën vullnetin për të forcuar miqësinë dhe bashkëpunimin e gjithanshëm ndërmjet dy vendeve. Kryeministri Berisha e falënderoi Kryeministrin Gjukanoviç për vizitën, duke e konsideruar atë një kontribut të rëndësishëm në drejtim të zgjerimit të këtij bashkëpunimi. Vizita në Tiranë dhe bisedimet dypalëshe u konsideruan, gjithashtu, nga Kryeministri Gjukanoviç një mundësi e shkëlqyer për të shënuar një moment të ri në marrëdhëniet midis dy vendeve.

Kryeministri Gjukanoviç shprehu përgëzimet për marrjen nga Shqipëria të ftesës për anëtarësim në NATO.
Kryeministri Berisha i shprehu homologut të tij mbështetjen e qeverisë shqiptare për përpjekjet e Malit të Zi për integrim në strukturat euroatlantike. Edhe progresi i vendeve tona drejt Bashkimit Evropian, u shpreh Kryeministri Berisha, është në interesin më të mirë tonin dhe të rajonit.
Gjatë takimit, të dyja palët ranë dakord për të intensifikuar përpjekjet për zgjerimin e bashkëpunimit ekonomik, që, siç u konstatua, po njeh ritme më të mëdha pas hyrjes në fuqi të Marrëveshjes së Tregtisë së Lirë. Ato ndanë të njëjtin vlerësim se hapja e kufijve do të krijonte një treg mjaftueshmërisht të gjerë për investimet.

Në bisedimet e tyre, dy delegacionet u ndalën në mënyrë të veçantë në zhvillimin e projekteve konkrete që zgjerojnë bashkëpunimin mes dy vendeve, si në fushën e infrastrukturës projekti i ndërtimit të autostradës Adriatiko-Joniane, shqyrtimi i vendosjes së lidhjeve detare Durrës-Tivar dhe vendosja e linjës ajrore Tiranë-Podgoricë. Kryeministri Berisha shprehu angazhimin e qeverisë shqiptare për t’i krijuar qeverisë malazeze të gjitha lehtësitë e nevojshme për autostradën Podgoricë-Plavë, e cila, në disa kilometra të saj, kalon përmes territorit shqiptar. Kryeministri Berisha bëri të ditur se po ecet me shpejtësi në drejtim të përmirësimit të infrastrukturës që lidh dy vendet, si rruga Shkodër-Hani i Hotit, Shëngjin-Ulqin dhe Vermosh-Shkodër.

Duke e konsideruar liqenin e Shkodrës një aset të rëndësishëm për të vendet, dy kryeministrat theksuan rëndësinë e përpjekjeve të përbashkëta për mbrojtjen e ekosistemit të tij dhe vendosjen e shërbimeve të transportit që lidhin të dy anët e liqenit.
Të dyja palët u shprehën së bashkëpunimi në fushën e turizmit midis Shqipërisë dhe Malit të Zi, ku të dy vendet kanë potenciale të mëdha turistike, është një tjetër fushë me interes të përbashkët. Kryeministri Berisha tha se zhvillimi i një zone turistike rajonale do të rriste përfitimet për të dy vendet.
Të dyja palët u angazhuan për intensifikimin e bashkëpunimit ndërmjet dy vendeve edhe në fushën e kulturës, të arsimit, të sigurisë, luftën kundër kriminalitetit etj..
Duke u ndalur në zhvillimet në rajon, Kryeministri Berisha u shpreh se vendimi i qeverisë malazeze për njohjen e pavarësisë së Kosovës i shërben paqes dhe stabilitetit të rajonit. Kryeministri Gjukanoviç shprehu vlerësimet për rolin konstruktiv të qeverisë shqiptare në zgjidhjen e çështjes së Kosovës.

Kryeministri i Malit të Zi Milo Gjukanoviç, në krye të një delegacioni, zhvilloi sot në Tiranë një vizitë zyrtare me ftesë të Kryeministrit Berisha.

Sherbimi inormatif i kryeministrit

http://shqiphost.top-channel.tv/18754796/flv/kronika/berisha-gjukanovic.flv

Bellushi: ‘Gjenet e mia janë shqiptare, në damarët e mi rrjedh gjak shqiptari’

Presidenti shqiptar, Bamir Topi, ia ka dorëzuar atij dekoratën “Nderi i Kombit”, gjatë një ceremonie zyrtare të zhvilluar në Tiranë
Aktori i famshëm amerikan Xhim Bellushi, 54-vjeç, ka marrë njërën nga dekoratat më të larta shqiptare. Shqipëria është krenare me Bellushin dhe me dashurinë e tij ndaj vendit të paraardhësve të tij. Presidenti shqiptar, Bamir Topi, ia ka dorëzuar atij dekoratën “Nderi i Kombit”, gjatë një ceremonie zyrtare të zhvilluar në Tiranë. Prindërit e aktorit të njohur janë emigrantë nga Shqipëria, ndërsa aktori ka lindur në Shtetet e Bashkuara të Amerikës. Duke pranuar dekoratën, Bellushi ka deklaruar se gjithmonë ka qenë krenar për prejardhjen e tij. “Gjenet e mia janë shqiptare, ndërsa nëpër damarët e mi, rrjedh gjak shqiptarë”, ka deklaruar Xhimi.
Kosova Sot

.

Xhejms Belushi, rikthim në Qytezë

Nuk e ka lënë pas dore premtimin e tij për t’u rikthyer në fshatin e origjinës. Fjalët këtu është shtëpia ime, kur mbi disa gurë rrënojash të shtëpisë së tij të vjetër ai derdhi lot 13 vjet më parë, duket se do ta përmallin sërish aktorin hollivudian me famë botërore, Xhejms Belushi.
Ai vjen sërish për të dytën herë si shqiptar dhe qytezar, por edhe si biznesmen për të investuar në fshatin që ia ka lënë amanet babai i tij, i larguar nga qyteza që në vitet e para të shekullit të kaluar.

Një ekip pune ka prezantuar axhendën e aktiviteteve të tij gjatë rikthimit në vendin e origjinës, ku në plan të parë aktori i shquar me origjinë shqiptare, ka vendosur pikërisht fshatin që do ta vizitojë sërish, jo vetëm për të mbajtur premtimin para banorëve, por edhe për të investuar nga fondet e kompanisë së tij të mineraleve në Qytezë. Sipas menaxherit të kompanisë, Daug Burg, me iniciativën e Belushit dhe të kompanisë së tij janë parashikuar investime në shkollën shekullore të fshatit për ta rimëkëmbur, ngritja e një muzeu, ndërkohë që ka përfunduar ura e fshatit, e cila përbënte një rrezik të madh gjatë kalimit të saj, për shkak të amortizimit.

I ardhur si qytezar, Belushi ka planifikuar në javën e qëndrimit të tij më shumë se gjithçka të jetë pranë banorëve të paktë që i kanë mbetur këtij fshati, nga ku emigracioni dhe largimi i vijueshëm i komunitetit ka bërë që tashmë të numërohen shumë pak shtëpi dhe vetëm 20 banorë. Si president nderi, në krye të një kompanie kanadeze për kërkim mineralesh, Belushi ka zbritur sërish në tokën shqiptare me idenë se ëndrrat mund të bëhen lehtë realitet për Qytezën. Ekipi i qytetarëve që kanë përgatitur gjithçka për një axhendë të ngjeshur takimesh dhe aktivitetesh të aktorit shqiptar kanë vlerësuar paralelisht edhe ndikimin e madh që vetë Belushi ka pasur te banorët që nga ardhja e tij e parë, gjë e cila ka bërë që me kontributin e komunitetit të zonës të mirëmbahen të gjitha shtëpitë, pavarësisht nga braktisja e fshatit.

Ky ishte edhe amaneti që aktori la pas largimit të tij nga vendi 13 vjet më parë, ndërkohë që banorët janë kujdesur që ai ta gjejë fshatin ndryshe, duke rimëkëmbur kishën e vjetër dhe duke sistemuar shumë nga shtëpitë karakteristike prej guri, ndërkohë që një odë miqsh me objekte tradicionale të artizanatit është hapur nga vetë qytezarët për të tërhequr sa më shumë vizitorë e turistë. Qyteza me shtëpitë karakteristike prej guri, të futura mes gjelbërimit, me oborret me plloça dhe çezmat e gurit, me kishën mbi kodër dhe rrugicat karakteristike me kalldrëm, nuk është fshati i vetëm ku Belushi ka planifikuar të investojë.

Menaxheri i tij, i cili ka rezervuar të shprehë shumë nga surprizat e ardhjes së Belushit, thotë se investimet do të gjejnë shtrirje në shumë fshatra dhe qytete, ndërsa deri më tani punimet kryesore kanë qenë në zonën e Devollit, të Librazhdit dhe Mirditës. Surprizat e tjera janë ekskluzivitet i vetë aktorit me famë botërore, i cili që në mëngjes do të rikthehet në Qytezën e babait të tij dhe të gjakut prej shqiptari.

Gazeta: Shqip

Liqeni i Shkodrës, në prag të katastrofës ekologjike

Liqeni i Shkodrës, më i madhi në Ballkan, është në prag katastrofe ekologjike. Kërcënimi vjen nga shteti më i vogël i Ballkan, Mali të Zi. Lumenjtë që derdhen në liqenin e Shkodrës janë të ndotura me mbetje alumini, të konsideruara si tepër toksike. Alarmin e ka dhënë drejtoresha e Zyrës Rajonale të Mjedisit në qytetin e Shkodrës, Diana Bejko.
Ashtu siç kishin paralajmëruar specialistët vite më parë, fabrika e aluminit në kufi me Podgoricën në Mal të Zi nuk është më një kërcënim por një “përbindësh”. Fabrika derdh mbetjet e aluminit dhe kobaltit në liqen duke e çuar drejt një katastrofe të vërtetë ekologjike.
“Mbetjet e fabrikës së aluminit në Malin e Zi derdhen në liqen. Kjo është me të vërtetë ndotje e rrezikshme, pasi prezupozohet se ekzistenca e metaleve të rënda në ujin e liqenit dhe sidomos përmbajtja e aluminit, krahasuar me normat e lejuara të BE, i kalon shumë këto shifra. Po kështu dhe mbetjet e kobaltit janë përsëri mbi normat e cilësisë së ujërave për standardet evropiane”, ka deklaruar për televizionin Neës24, drejtoresha rajonale e mjedisit, Diana Bejko.
Po kështu lumenjtë që furnizojnë liqenin e Shkodrës nga Mali i Zi, Moraça sjellin dhe ndotje urbane me vete. Por shkëlqimin dhe pasurinë ekologjike për të cilën njihej liqeni më i madh i Gadishullit të Ballkanit, po dëmtohet dhe nga mbetjet e urbane që hidhen nga komuniteti që jeton përreth brigjeve të liqenit të Shkodrës, ndërtimet pa leje dhe prerja e pyjeve në malin e Taraboshit.
Bejko i ka bërë apel Bashkisë për të ndërhyrë duke ushtruar presion ndaj kompanive të ndërtimit të cilët në mënyrë të papërgjegjshme hedhin mbetjet inerte në brigjet e këtij liqeni.
Liqeni i Shkodrës ndodhet në veriperëndim të Shqipërisë dhe është liqeni më i madh i Gadishullit të Ballkanit. Ai është pjesë e kufirit të Shqipërisë me Malin e Zi dhe ka sipërfaqe 368 km2, nga të cilat 149 km2 ndodhen në territorin administrativ të Shqipërisë. Lumi Moraça dhe ai Cem përbëjnë 60% të prurjeve në liqen. 30% e ujit vjen nga burimet nëntokësore e përrenjtë dhe pjesa tjetër nga malet dhe reshjet e shiut. Nyja ujore e hapësirës Bunë-Drin, luan rol të rëndësishëm në sistemin ujor të liqenit.
Dikur, një nga zonat më të populluara me pushues dhe turistë, liqeni i Shkodrës ndihet i braktisur. Gjuetia e paligjshme e peshkut, përdorimi i mjeteve shfarosëse për zënien e tij, janë kërcënime të tjera për këtë liqen, të cilat nga dita në ditë po i zbehin shkëlqimin e dikurshëm.
Burimi / Balkanweb

Madona mbledh mijëra shqiptarë në Budva

Ora la pas 10:20 minuta, kur “karvani i argëtimit” braktisi sheshin “Nënë Tereza”. Rrugëtimi i 27 autobusëve përgjatë bulevardit, mëngjesin e së enjtes, ndihej mirë te sytë e njerëzve. Pankartat e mëdha, ngjitur autobusëve tregonin qartë vendmbërritjen. “Po shkojmë te Madona!”. Çdokush do të donte të bëhej pjesë e atyre autobusëve në udhëtimin, Tiranë-Budva. Rreth një mijë vetë, abonentë të “Riniring”, merrnin pjesë në këtë tur aventuresk, të organizuar nga kompania më e re celulare në vend, “Eagle Mobile”. Udhëtimi dukej i gjatë drejt Budvës, vendit ku kësaj here, ylli i muzikës pop kishte zgjedhur për të promovuar hitet e albumit të saj më të ri, “Hard candy”, por orët e gjata ia vlejtën. Donin dhe dhjetë minuta të shkonte 18:00, kur në stacionin e parë, para hyrjes për në “Jazz Beach”, nga larg dalloje njerëzit e mbledhur tufë, që prisnin të hapeshin portat. Jo vetëm shiu, që sapo nisi, por as makinat e tonazhit të rëndë, që hynin e dilnin, drejt vendit ku do të zhvillohej koncerti, e kishin vështirë të “trembnin” turmën e madhe. Fansave të mbledhur nga Mal i ZI, Kroacia, Serbia e Kosova iu shtuan edhe mijëra shqiptarë, të cilët vështirë t’i kesh parë në mitingje a protesta. Shumica të rinj, të cilët njohin hitet e fundit të legjendares së popit, të organizuar me shoqëri, mes të cilëve edhe Zajmina, që e veshur sportiv, nuk i ndahej turmës, e cila vraponte për të gjetur hyrjen, po ashtu dhe Eneida Tarifa apo Pirro Çako. E të tjerë që thërrisnin me të madhe, sapo në qiell veç shiut, dallohej dhe ndonjë helikopter që zhurmonte. Nga organizatorët e koncertit të Madonës, mësohet se janë shitur rreth 65 mijë bileta, mjaftueshëm për të mbushur çdo kënd të sheshit të plazhit. Por nëse ndonjëherë do të ishte tentuar nga shqiptarët të sillnin Madonën për koncert në Shqipëri, vetëm për prozhektorët e skenës, duhet të mendohen mirë. Spektakli nisi pas orës tetë, në një skenografi të realizuar mjaft mirë.
Dy “M” të mëdha, ngjyrë violë nga 50 metra të larta dhe në mes skena, ku do të performonte Madona, që ishte 90 metra e gjerë. Videoprojektorë në çdo cep. Koncerti u çel nga këngëtarja suedeze Robyn, e cila performoi në skenë disa nga hitet e saj më të mira. E pas më shumë se dyzet minutash Madona mbërriti në vend me një helikopter nga hoteli “Beèiæi”, ku qëndronte bashkë me familjen. Ajo filloi shfaqjen me dy këngë nga albumi i saj i ri, duke vazhduar me këngët të tjera të njohura ndër vite, performanca e të cilave dukej se ishte menduar në çdo detaj. Përgjatë një orë e gjysmë, ku Madona këndoi live hitet e saj më të fundit, “4 minitues”, “Give it to me”, ishte e shoqëruar nga 20 balerinë dhe 12 anëtarë të tjerë të bandës së saj. Veç show-t dhe spektaklit që ajo di të bëjë shumë mirë në skenë, tani nuk duken të çuditshme puthjet e saj me femra, sikurse për herë të parë më Britney Spears. Ndodhi dhe në këtë koncert, me një nga balerinat e saj. Ndërkohë, veshjet që ndërroi pothuaj në çdo këngë Madona, ishin nëntë kostume të modeluara nga disenjatorët e njohur të botës me emrin e saj. Ndërkohë fansat, pjesa më e madhe nga Shqipëria, të cilët ishin me mijëra në këtë koncert, nuk ngurruan të blinin biletat nga 200 euro për skenën VIP, ndërsa të tjerët, nga 39,6 e deri në 85 euro, për të shijuar live koncertin e Madonës deri rreth orës 24:00. “Game over”.
Burimi / Panorama.com.al

Kryetarja e Kuvendit takon Kryetarin dhe anëtarët e Gjykatës Kushtetuese të Malit të Zi.

Reformat dhe sfidat legjislative, shkëmbimi i përvojave në forcimin e sistemit të drejtësisë dhe bashkëpunimi rajonal ishin fokusi kryesor i takimit që Kryetarja e Kuvendit të Shqipërisë, Jozefina Topalli zhvilloi sot me Kryetarin e Gjykatës Kushtetuese të Malit të Zi, Milan Markoviç dhe 7 anëtarët e kësaj gjykate.

Pasi u uroi mirëseardhjen, Kryetarja e Kuvendit thekoi se dy vende kaq të afërta gjeografikisht duhet të intensifikojnë marrëdhëniet në planin dy palësh por edhe rajonal.
“Shqipëria është një vend me transformime më të mëdha, tha zoti Markoviç, vend ku duket qartë zhvillimi ekonomik e infrastrukturor dhe ngjason me një kantier ndërtimi. Ne ndihemi mirë kur një vend mik si Shqipëria ka këtë zhvillim dhe, shkëmbime të tilla vizitash nxisin forcimin e mëtejshëm të marrëdhënieve politike e profesionale.”
“Reformat e para legjislative që në kryem, theksoi Kryetarja e Kuvendit, ishin ato ekonomike. Përgjysmuam taksat, lehtësuam procedurat e hapjes së një biznesi të ri, krijuam një klimë të tillë ekonomike që ka sjellë një bum investimesh dhe turistësh në vend. Tashmë në Kuvend po vijojmë punën në reformimin e drejtësisë, që është një prioritet i yni.”
Më tej bashkëbiseduesit diskutuan rreth reformave në përmirësimin e kuadrit ligjor dhe bashkëpunimin ndërinstitucional në forcimin e shtetit të së drejtës.
Bashkëpunimi rajonal ishte një tjetër pikë e bisedës, ku Kryetarja e Kuvendit theksoi se me realitetin e ri pas pavarësisë së Kosovës, rajoni është më i stabilizuar dhe vendet ballkanike duhet të rrisin bashkëpunimin, për të shkurtuar proceset integruese.
Kryetarja e Kuvendit tha se do të ishte kënaqësi për të dhe Kuvendin e Shqipërisë vizita e Kryetarit të parlamentit të Malit të Zi, brenda një periudhe sa më të afërt.
Në takim ishte i pranishëm edhe Kryetari i Gjykatës Kushtetuese të Shqipërisë, Vladimir Kristo.
Burimi / Parlament.al

Ambasadori i Republikës së Shqipërisë në Mal të Zi,sqaronë Podgoricën

Ambasadori i Republikës së Shqipërisë në Mal të Zi, Tonin Beci, tha të shtunën se autoritetet malazeze i kanë të qarta argumentet e Shqipërisë për domosdoshmërinë e njohjes së Kosovës shtet i pavarur dhe sovran. “Kur vjen fjala për vendet e rajonit dhe fqinje të Kosovës,aktiviteti dhe përpjekjet e diplomacisë shqiptare kanë pasur intensitet edhe më të madh. Ju siguroj se këto përpjekje nuk kanë munguar edhe në raport me Malin e Zi dhe argumentet tona njihen mirë nga strukturat përkatëse shtetërore të Malit të Zi”, tha ambasadori Beci.Diplomati shqiptar, përmendi faktin se Shqipëria, si fqinj i Malit të Zi, ka qenë ndër shtetet e para që ka njohur Malin e Zi si shtet të pavarur. Ai foli për raporte shumë të mira ndërshtetërore mes Shqipërisë dhe Malit të Zi, duke shtuar se qeveritë e të dy vendeve janë të vetëdijshme për domosdoshmërinë e bashkëpunimit në rrugën e integrimit të tyre në strukturat euro-atlantike.
“Konstatojmë me kënaqësi se edhe pala malazeze ka dëshmuar të njëjtin vullnet politik për marrëdhënie të ngushta dypalëshe me vendin tonë në interes të përbashkët”, tha Beci.Ambasadori Beci shton se Shqipëria dhe Mali i Zi kanë sot të gjitha motivet dhe angazhimin për të bashkëpunuar për një të ardhme evropiane të popujve tanë dhe të rajonit në tërësi.“Tashmë janë vendosur kontakte të rregullta mes drejtuesve me të lartë shtetërorë si dëshmi konkrete e domethënëse e intensifikimit të dialogut politik dhe e rritjes së shkëmbimeve në të gjitha fushat, çka demonstron një vullnet të përbashkët për t’i shndërruar ato në shembull pozitiv në rajon”, tha ai.
Burimi / Gazeta Express

Kryetari i UDSH-së Ferhat Dinosha thotë se Mali i Zi dhe Shqipëria duhet të fillojnë bisedimet mbi çështjen e dyshtetësisë

Dyshtetësia e dobishme për të dy vendet
Podgoricë - Kryetari i UDSH-së, Ferhat Dinosha, ka thënë se Mali i Zi dhe Shqipëria duhet të fillojnë bisedimet mbi dyshtetësinë pasi që kjo do të ishte e dobishme për të dy shtetet.
“Absolutisht mendoj se do të ishte e dobishme të fillonin bisedimet lidhur me këtë temë ndërmjet Malit të Zi dhe Shqipërisë për arsye se të dy shtetet kanë në gjirin e popullsisë së vet pjesëtarë të popullit shumicë të vendit tjetër. Tashmë u kam sugjeruar disa përfaqësuesve nga të dyja palët se një gjë e tillë do të ishte e dobishme”, ka thënë ai.
Dinosha konsideron se për këtë çështje do të diskutohet “në nivel më të gjerë” dhe ka theksuar se në kuadër të partisë së tij tashmë kanë biseduar për këtë.
“Në nivel të partisë kemi pasur bisedime lidhur me këtë temë dhe sigurisht që në këtë fazë, do të inicojmë këtë çështje. Edhe Kushtetuta e Malit të Zi e parashikon këtë mundësi dhe sa i përket kësaj zgjidhjeje shteti që është i interesuar për diçka të tillë duhet të ndërmarrë iniciativën”, ka thënë ai.
Dinosha ka sqaruar se në këtë rast kemi të bëjmë me interesin e “qytetarëve të caktuar që më heret”, të cilët me siguri dëshirojnë të kenë shtetësinë e Malit të Zi. “Duke pasur parasysh që kemi ambasadorin e Shqipërisë në Podgoricë, kjo është lehtë të inicohet”.
Ai ka thënë se është standard që qytetari i cili posedon dyshtetësi të votojë në vendin ku punon dhe paguan tatimet.
“I njëjti qytetar nuk mund të votojë në të dy shtetet. Në këtë rast, duhet të përcaktohet për njërin prej tyre. Ky është standard dhe kjo çështje nuk mund të jetë e rregulluar ndryshe”, ka theksuar Dinosha.
Sipas kryetarit të UDSH-së, “Mali i Zi është vend i vogël dhe me siguri do të duhej të kishte parasysh atë çfarë sugjeron edhe Kushtetuta, që për këtë çështje të ekzistojë njëfarë mase dhe kontrolli që nuk do të dëmtonte interesin shtetëror të Malit të Zi”.
Burimi / Kohapress

Me rastin e ditës ndërkombëtare të të rinjve,Forca rinore organizon

International Youth Day 2008

Dita ndërkomtare e të rinjve 2008

HYRJA GRATIS

TUZË 2008

Me rastin e ditës ndërkombëtare të të rinjve, këtë vit Forca do fillojë me kremtimin kësaj dite në Tuz.
Kemi përgatitur një Koncert për të rinj në lokalin “Cavalieri” me yjet e muzikës argëtuese ku do marrin pjesë:
Produkt 28, Amanda, Cani dhe DJ Mani. Koncerti do filloje ne ora 21:00.
Jeni të mirëseardhur

Sponsor Gjeneral dhe Organizator.

Forca e Re Demokratike

Autorrugët e Kroacisë dhe lidhja ma e shpejt Mal të Zi - Kosovë - Shqiperi

Kosovarët simjet do ti përdorin Autorrugët e Kroacisë,kurse kjo do jet shpres e zhvillimit turistik të Malit të Zi në të gjitha domenet turistike
Ishte hera e parë që kaloj përmes Kroacisë dhe shqetësimi kryesor ishte se si do të jetë gjendja e rrugëve atje. Bashkë me familjen time kemi udhëtuar shumë viteve të fundit, dhe deri tani i kemi rënë përmes Italisë duke marrë tragetin në Bari, për të hyrë në Mal të Zi (Tivar). Kjo puna e tragetit nuk është vetëm një shpenzim më shumë, por të humbet edhe një natë kohë. (Të shpresojmë që me integrimin e Malit të Zi dhe Shqiperis drejt BE-së, lëvizja e njerëzve të jetë më e madhe dhe tragetet ndërlidhëse me Italinë fqinje të jenë më funksionale, më pak burokratike në sjelljen e tyre dhe kontrollin e pikave të kufirit, si dhe më të shpejtë – askush nuk ka dëshirë të humbasë një natë kur është për rrugë!)
Pasi kaluam Dubrovnikun, një qytet mjaft i shtrirë buzë ujit në fund të kodrave gurore, ku pula ha zall, por ku nga lart mund të vërenim një cilësi ndërtimi të pallateve shumë më të mirë sesa pallatet e qyteteve tona e sidomos , hotele të bukura mes pyllit, rrugë të shtruara dhe të mbajtura pastër, etj..
Ajo që na bëri më shumë përshtypje ishte rregulli i madh dhe pastërtia në rrugë dhe bregu saj, sidomos në qytetin e Makarskës. Pa ekzagjerim, një qytet bregdetar me aq pak mundësi e burime natyrore, përveç turizmit, i mbajtur dhe i rregulluar aq bukur, i ngjall zili edhe qyteteve gjermane dhe mund të krahasohet pa asnjë dyshim me pjesët më të bukura të qyteteve të vogla zvicerane,
Diku më tej, rrugës së ngushtë e me dredha të bregdetit afër Kotorrit po në Mal të Zi, ku mungonte një urë aq e domosdoshme për të këputur shkurt, siç kishin bërë në pjesën e Bosnjës, afër Neumit ku gjithashtu ura asht shumë e domosdoshme.
Jo, jo, rruga kishte hapësirë të mjaftueshme por përsëri, ne na duhej një autostradë, sepse jemi mësuar që në udhëtime të tilla të gjata, të bëjmë rreth 1500-1800 km në ditë.
Autostrada A1 ishte një mrekulli në llojin e saj. Së bashku me familjen time i kemi rënë Evropës kryq e tërthor për vite me radhë, e të mrekullohem nga një autorrugë kroate, kësaj nuk e di çfarë emri t’i vë. Por kjo është e vërtetë. Autorruga rreth 365 km e gjatë Zagreb-Split, e cila kalonte madhështore përmes kodrinave dhe maleve shkëmborë, ishte ndërtuar në stilin austriak të rrugëve dhe kishte një cilësi të mrekullueshme, gjë që u bë edhe zanafilla e këtij shkrimi, si shënim udhëtimi, kujtesë për politikanët kroat seriozë.
Autorruga kishte 4 korsi në të gjithë gjatësinë e vet, nga dy në secilën anë, të shtruara me asfalt, dhe nga një korsi shtesë anash për ndërhyrjet e emergjencës, apo të policisë, në rast nevoje. Kufizohej në mes me dy rreshta anësoresh metalike dhe nga një në secilën anë, në të gjithë gjatësinë e saj, pa munguar në asnjë vend dhe për më tepër, autostrada ishte e rrethuar me rrjetë teli në te dyja anët, e mbajtur me elementë zinkat në të gjithë gjatësinë e saj, që nuk gjen në asnjë autostradë evropiane, për të penguar kafshët “dykëmbëshe”, që ta përdorin ambientin e autostradës si mbikalim të imponuar.
Për qëllim personal, jam munduar të gjej në Kosovë dhe në Mal të Zi nga këto elemente zinkati, që mbanin rrjetën e telit në të dyja anët e autostradës kroate, në të gjithë gjatësinë e saj prej 365 km, dhe nuk kam gjetur asnjë. Për më tepër, autostrada në fjalë, kishte tabela elektronike të mjaftueshme, të shpërndara në vendet e përshtatshme në të gjithë gjatësinë e rrugës, që tregonin edhe temperaturën e ambientit.
Autostrada Zagreb-Split, me synimin për t’u shtrirë deri në Dubrovnik (ndërkohë po punohej për zgjerimin e rrugës në hyrje të Splitit si dhe për autostradën Split-Dubrovnik), i ka kushtuar popullit kroat rreth 2,3 miliardë dollarë, dhe kroatët kanë se pse të ndjehen krenarë për këtë gjë. Të ndjehen krenarë për vendin e tyre shkëmbor, e me burime natyrore më të pakta se ne; të ndjehen krenarë për politikanët e tyre vizionarë, që mbajnë këmbët e tyre në tokë e nuk fluturojnë me pras nga vetëkënaqësia, si disa nga krerët e politikës shqiptare.
Kroacia duhet të ndjehen krenarë për ata inxhinierë, projektues e zbatues të këtij projekti gjigand, që nuk i vjedhin paratë e popullit për të fryrë vithet si lopa të majme, por i kanë dhënë Kroacisë moderne një produkt që ka qenë ëndrra 40 vjeçare e atij populli, për të ndërlidhur jugun me veriun; të ndjehen krenarë se dinë të punojnë për të arritur realisht standarde rrugësh edhe më të larta se në Evropë. Këtij i them integrim unë, ose përpjekje reale drejt integrimit evropian, me vepra, e jo me fjalë..
Autostrada Zagreb-Split ka 292 facilitete, 26 ura, 50 mbikalime të gjata, 91 mbikalime të shkurtra, 78 nënkalime 25 kalime, 14 tunele, ku më të gjatët janë ai i Sveti Rok (5.687 m).
Ndjenjat e mia u përzien me kënaqësinë e rrugës që rrëshqiste nën rrotat e makinës sonë, nën një shpejtësi 120-150 km/h. Paralelisht me entuziazmin që na ndiqte në atë udhëtim, duke shkurtuar distancën tonë në drejtim të Zvicres, ndjeja edhe një zhgënjim të madh për vendim timë të dashur.
Kur hymë në autostradë morëm një biletë – ashtu siç praktikojnë të bëjnë për autorrugët e Italisë dhe kur mbërritëm në Zagreb paguam paratë e udhëtimit për atë rrugë – gjithsejt 25 Euro. Kur ecën në një rrugë të cilësisë së lartë, pagesa të tilla simbolike nuk të duken asgjë, dhe më shumë të rëndon ndërgjegjia se si shqiptar, që hyn në Kosovë apo Mal të Zi me makinë të huaj, të duhet të paguash 1 Euro për ditë, vetëm për të prishur makinën tënde në gropat e njëpasnjëshme, që shoqërojnë rrugët tona në Kosovë apo Mal të Zi. Me kënaqësi do i kisha paguar 1 Euro sa herë që do më duhej të shkoja nga Kosova në Maqedoni,apo nga Kosova në Mal të Zi, apo diku tjetër,por refuzoj të paguaj 1 Euro në ditë për disa rrugë, që veç rrugë nuk janë.
Kosovës ose Malit të Zi ë i mjafton një rrugë e tillë sikurse tuneli Sozin veri-jug, si ajo autorruga kroate, për të treguar shenjë të lartë zhvillimi real dhe jam i bindur se çdo qytetar do e paguante këstin e vënë për të kaluar me makinë përmes kësaj rruge. Se kursimi që bën në karburant apo amortizim të automjetit, gjatë qarkullimit përmes një rruge të tillë, është më i madh sesa pagesa simbolike që bën në këtë rast.
Qeveria Kosovare apo ajo Malazeze i ka lënë mundësitë hapur për koncesione në ndërtimin e rrugëve Kosovë –Shqiperi apo Kosovë Mal të Zi,mirpo kur do te kryhen ato ende nuk dihet.
Kur të vijë ajo ditë – nëse vjen ndonjëherë – të jemi të sigurtë se nuk do të ketë më lutje për t’u integruar në Evropë, pasi strukturat e Evropës së bashkuar do të vijnë vetë për të kërkuar integrimin e Kosovës,Malit të Zi,Maqedonis,Bosnjes dhe Shqiperis sepse ato janë struktura burokratike, që interesohen më shumë për të mbledhur 3% e brutos nacionale të çdo vendi anëtar të BE-së, sesa ndonjë gjë tjetër. Për këtë të jeni të sigurtë!
KosovA,Malit i Zi,Maqedonia,Bosnja dhe Shqiperia vazhdon të jetojë me ampula. Ndërtimi i rrugëve me standarde të larta presupozon që edhe energjia elektrike të ndriçojë tabelat e saj elektronike gjatë 24 orëve. Avaria elektrike kushton humbje të mëdha, dhe jo vetëm në rrugë. Rrugët e standardeve të larta thithin njerëz nga jashtë dhe mund të përdoren edhe nga një numër i madh turistësh, të cilët mund t’i përdorin rrugët tona tranzit për në Shqipëri-Greqi dhe Azi. Shqiptarët dhe të tjerët nacione ballkanike si dhe politikanët tanë duhet ta kuptojnë ketë fenomen, ashtu siç e kanë kuptuar një pjesë e mirë e kroatëve, të cilët turizmin e kanë të vetmin burim të ardhurash.
Politikanë të dashur ju që keni në dorë zhvillimin e vendit, mundohuni të jeni më pragmatistë dhe shfrytëzojeni këtë shembull për ta shkëputur vendin nga ndjenja e rënkimeve, korrupsionit, lutjeve, tragjedive dhe ofshamave të mossuksesit, që rëndom e ka pushtuar ndërgjegjen e shoqërisë shqiptare. Askush nuk e respekton një lypsar – vetëm mund ta mëshirojë. Populli ynë, me të gjitha ato resurse që ka vendi, është në gjendje të jetojë me më shumë dinjitet, nëse politikanët tanë janë në gjendje të shmangin ndjenjën e inferioritetit që i karakterizon, ose të hapin rrugë për thithjen e trurit pragmatist, që mund të vijë nga shqiptarët e shkolluar jashtë apo mrenda vendit.

Video kamerat në Auto rrugë-Online dhe Radarët

http://www.vimeo.com/603706