Sori, kandidati për deputet që nuk di programin e PDK

Këto pyetjet që kemi shkruar më poshtë, i janë drejtuar prej disa ditësh, Qetsorit, djalit fitues të BB 2. Në fakt, siç e shihni, janë pyetje pa përgjigje. Pse? Sepse Sorit i janë dukur aq të vështira pyetjet, sa nuk ka arritur t’u kthejë përgjigje.
Por pyetjet nuk kanë qenë të vështira vetëm për Sorin, ato kanë qenë po aq të vështira dhe për anëtarët dhe drejtuesit e PDK-së, të cilët morën përsipër të organizonin takimin e SH2 me Sorin, por më pas, kur lexuan pyetjet e kuptuan që disave prej tyre nuk u jepnin dot përgjigje ata vetë, e jo më Sori.
Në fillim, duke qenë se Sori ishte “i ri” në këtë fushën e intervistave, zëdhënësja e PDK-së mendoi që për të duhet të shkruhej një profil i shkurtër, ku të shpaloseshin më shumë vlerat e tij si politikan i ardhshëm.
Por ne donim ta pyesnim Sorin (meqë është i vetmi nga djemtë e Big Brother që e paska marrë seriozisht listën e deputetëve) nëse e kishte lexuar programin e PDK-së?? Dhe pyetjen nuk e bëjmë ne. E kanë bërë lexuesit e Shekullit online që kur SH2 editoi lajmin se Qetsori ishte futur në listat e PDK-së.
Vërtet, ka arritur dot Sori ta lexojë së paku programin e partisë që do të përfaqësojë? E nëse jo, pse i thotë “po” një oferte të tillë? Ne besojmë se Sori nuk e ka lexuar as programin dhe as ia ka idenë kush janë votuesit e PDK-së. Se për 3 muaj ka qenë në lojë, më pas është nisur direkt drejt Italisë, pastaj, kur ka ardhur ka organizuar festën në Dukat, pastaj takoi edhe kryetarin e partisë. Eh mor Sori, po mos u mërzit. Ka edhe më keq se ty në politikë. Le që po ta pyesësh për program politik, rrezik mbetet në klasë edhe vetë Ndoka, e jo më Sori.
Më poshtë janë 5 nga pyetjet të cilave as Sori, as PDK-ja nuk mundi t’u përgjigjej:

1. Sori, a e keni lexuar programin e PDK-së?
2. Nëse po, çfarë thotë programi i PDK për fenë dhe familjen?
3. Të duket normale kjo tendencë e partive për të marrë kandidatë ish-lojtarë të “BB”-së ?
4. Çfarë mund t’i premtojë 1 personazh televiziv publikut në rolin e politikanit?
5. Ku e mendon Sori veten pas 5 vjetësh, kur të ketë edhe 5 fitues të tjerë të rradhës të BB-se?

Suksese

Popularity: 3% [?]

Qetsori Ferunaj : Pas Big Brother, Qetësori drejt Italisë

Mund te fitosh 50 mije euro dhe fame, por prape…dokumentet e qendrimit ne Itali jane me te rendesishme. Me mire se kushdo Qetsorin e kuptojne emigrantet por edhe te gjithe ata qe duhet te vuajne ne rradhet e ambasadave per te marre nje vize.. Gjeja e pare qe ka bere me urgjence fituesi i Big Brother ka qene nje udhetim i menjehershem drejt Italise. Shkaku sipas familjareve eshte rinovimi i dokumentave te qendrimit.

Pas fitimit të 50 mijë eurove dhe një makine luksoze, si dhe lënies së shtëpisë më të komentuar të këtij viti, Qetsori mësohet të ketë ikur në drejtim të Italisë. Shkak i udhëtimit të shpejtë të 33-vjeçarit nga Dukati i Vlorës është bërë thjesht afati i skadimit të dokumenteve në shtetin fqinj.

Lajmi bëhet me dije nga vetë e ëma e Qetsorit. E kontaktuar në telefon për të marrë një numër kontakti të Qetsorit, nëna e tij tha se ai të hënën ishte nisur drejt shtetit fqinj, në një udhëtim që nuk do të zgjatë më shumë se dy-tri ditë, udhëtim ky i detyruar nga procedurat e dokumentacioneve.

Pas telefonatave të shumta të urimit që ai ka marrë sapo ka dalë nga shtëpia e Big Brother, duket se djali nga Vlora nuk ka shijuar dot plotësisht shijen e fitores me të njohur e miq të tij, pasi i është dashur të udhëtojë.

33-vjeçari nga Dukati i Vlorës u bë i famshëm gjatë 100 ditëve të qëndrimit në “Big Brother Albania 2″, qëndrim i cili u kurorëzua me çmimin e madh, falë votave të marra dhe simpatisë së publikut shqiptar.

Më shumë se kudo Sori duket se pati “tifozllëkun” personal në Vlorë. Gjatë javës së fundit të qëndrimit në shtëpinë e përbashkët, në qytet janë parë elemente promocionale për të. Në një prej autobusëve të linjës me Dukatin, ka qenë e dukshme parulla “Votoni Sorin”, çka me qarkullimin nëpër qytet ka ftuar të gjithë që të mbështesin djalin nga Vlora.

___
“Kontribuoni me një sms për Qetësorin, ai është i pari”, – ky është teksti i mezashit që u ka mbërritur në telefon, të gjithë personave që njohin kryetarin e PDK-së, Nard Ndoka. Pak orë para së të shpallej fituesi i “BB”-së dhe votimi ishte i hapur, Ndoka kishte nisur “fushatën elektorale” për Qetësorin.

Siç kemi shkruar dhe më parë, Qetësori është në listën e kandidatëve të kësaj partie në Vlorë. Por kujdes. Nuk eshte i pari ne liste dhe ne kushtet e nje partie te vogel si PDK, edhe ne rast se merr vota prej fames së Sorit, i zgjedhuri mund të jetë dikush tjetër. Të shohim kush do tregohet më dinak, Sori apo politika.

Sori nuk eshte i vetmi nga BB qe eshte futur ne listat e kandidateve per deputete. Adi, nje tjeter banor i BB dhe finalist, gjendet ne listat e G99 per Tiranen. Eshte i pesti ne liste, pak si shume larg zones se fituesve. Gjithsesi, urime djemve. Ne fund te fundit, me keta politkane qe kemi, shtepia e Big Brother dhe shtepia e “politikes” nuk ka ndonje ndryshim te madh.

Qetsori është fituesi i maratonës 100 ditore në BB. Është mbyllur të shtunen në mbrëmje loja, e cila ka nxjerrë dhe fituesin e 70 mijë eurove. Mes katër kandidatëve Adi, Adela, Bjordi dhe Qetsori, publiku me anë të votimeve ka vendosur të nxjerrë fitues Qetsorin. Ata që arritën të përjetonin emocionet më të forta ishin Qetsori dhe Adela, por nuk kishte si të ndodhte ndryshe, çmimi do ishte vetëm për një dhe atë e ka marrë pikërisht djali nga Dukati iVlorës. Në fakt, ai nuk ka marrë plot 70 mijë eurot, por ka zgjedhur të marrë 50 mijë euro dhe një makinë. Ndryshe nga çfarë mendohej dhe ai kishte deklaruar që në fillim që i duheshin me patjetër 70 mijë eurot për të rregulluar lokalin e tij. Tashmë ai shkon në shtëpi si fitues, duke ngritur në këmbë jo vetëm fansat jashtë shtëpisë dhe në skenën e spektaklit, por edhe të gjithë popullit vlonjat. Jashtë shtëpisë e kanë pritur gruaja e tij, e cila do të sjellë në jetë një vajzë dhe djali i tij i vogël, të cilin ai pati mundësi ta takonte gjatë spektaklit.

Gazeta Shekulli

Popularity: 3% [?]

Arjon Muca : Anjezen e pelqej por nuk e dashuroj

Cifti i veteshpallur ne “Big Brother”, Arjon -Anjeza, nuk jane tamam te tille. Kjo gje u vu re edhe gjate qendrimit te Arjonit brenda shtepise, pasi asgje nuk ndodhi me ta… Mjaftuan ca perkedhelje dhe nje puthje ne buze per t’u perfolur me tej per nje dashuri te madhe, por ja qe nuk eshte keshtu.

I kontaktuar nga Sh2-shi, Arjoni ka pohuar diten e djeshme, se Anjezen e pelqen, por nuk e dashuron. Kete gje e ka diskutuar dhe me vajzen qe tashme ndodhet brenda ne shtepi. “Te dy e kemi pranuar kete fakt”, – thote ai. Ajo qe lindi mes nesh ne ambiente e shtepise ishte nje ndjenje reciproke nga te dy, por eshte shume heret per ta quajtur dashuri.

Djali, qe gjate qendrimit te tij ne Big Brother ka rene ne sy per pamjen shume terheqese dhe, vec kesaj, edhe per nje xhentilese me femrat, aq sa per t’u pasur zili, eshte treguar i sinqerte gjate gjithe kohes. Anjeza nuk ka qene e pare qe ka preferuar shoqerine e Arjonit, para saj ishte Zhuljeta e me pas Mesida. Per asnje nga keto ai nuk ka pohuar se i ka dashur, megjithese ka ndare nje shtrat me to, dhe kjo vetem ne menyre miqesore. Eshte karakterizuar per natyren e tij te permbajtur, sidomos me femrat, duke nxjerre konkluzione te qarta per nje marredhenie.

Arjoni ka pohuar se, “nuk mjaftojne dy jave per te lindur nje dashuri mes dy njerezve. Nje lidhje, per t’u quajtur e konsoliduar, duhet te kaloje ne disa filtra njerezore, qe vetem ambienti i jashtem mund te t’i jape”. Nga ana tjeter, djaloshit simpatik nuk i ka munguar suksesi me femrat dhe fama ne kete reality show ia ka shtuar me shume kerkesat. Duket se kete pjesemarrje Arjoni do ta perdore si nje trampoline per t’i hyre botes se modes, spektaklit, dhe jo vetem. Ndersa lidhja me Anjezen ka shume rezerva. Do te jete koha qe do t’i tregoje, jo vetem ketij cifti, por edhe publikut, se si do te shkoje lidhja e tyre.

Shekulli

Popularity: 3% [?]

Big Brother Albania 2, Nata Finale, Intervista me Adelen

Popularity: 5% [?]

Big Brother Albania 2, Nata Finale, Intervista me Bjordin

Popularity: 3% [?]

Big Brother Albania 2, Nata Finale, Intervista me Adin

Popularity: 3% [?]

Big Brother Albania 2, Nata Finale, Qetsori merr cmimin

Popularity: 3% [?]

Big Brother Albania 2, Nata Finale, Fiton Qetsori

Popularity: 3% [?]

Big Brother Albania 2, Nata Finale, Eleminimi i Bjordit

Popularity: 3% [?]

Big Brother Albania 2, Nata Finale, Eleminimi i Adit

Popularity: 3% [?]

Next Page »