Komisioni për revidimin e implementimit të ligjit mbi kryeqytetin zhvilloi mbledhjen e radhës

Të evidentohen të gjitha problemet
Tuz- Komisioni për revidimin e implementimit të Ligjit mbi Kryeqytetin dhe efikasitetin e tij ( për plotësimin e nevojave të KU të Tuzit) ka mbajtur të hënën mbledhjen e radhës në të cilën është kërkuar që kryetari i Kuvendit të KU të Tuzit, Nikollë Camaj ti evidentojë të gjitha problemet që kanë të bëjnë me funksionimin e KU.
“Në mbledhjen e Komisionit për revidimin e implementimit të Ligjit mbi Kryeqytetin kemi trajtuar tri gjëra. Në radhë të parë kemi kërkuar nga organet kompetente të KU të Tuzit t`i regjistrojnë të gjitha problemet që kanë të bëjnë me funksionimin e KU të Tuzit, pastaj kemi diskutuar edhe për të ardhurat e mundshme si dhe për koncesionet e palantacioneve, eksploatimin e rërës nga Cemi etj”, thotë kryetari i Komisionit për revidim dhe implementim, Vasel Sinishtaj.
Rr.D.
Burimi / Koha Javore

Tuz:Iniciativat- në favor të qytetarëve

Këshilltarët e koalicionit të pushtetit lokal të komunës urbane të tuzit të përkrahur edhe nga këshilltari i PSP i aprovuan katër iniciativat
Tuz- Edhe përkundër kundërshtimeve nga ana e këshilltarëve të PDS, se inciativat e propozuara për rend dite janë në kundërshtim dhe nuk kanë bazë ligjore, më në fund këshilltarët e LD në MZ, të ASH, të përkrahur edhe nga këshilltari i PSP arritën që të hënën të aprovojnë katër iniciativat që kanë të bëjnë me besimin e punëve nga kompetenca e Kryeqytetit, që Kuvendi i KU të Tuzit të emërojë dhe të shkarkojë një anëtar në organet drejtuese të shërbimeve publike, themelues i të cilave është Kryeqyteti, pastaj me besimin e punëve nga kompetenca e Kryeqytetit që KU e Tuzit të mbajë evidencën e banorëve, regjistrat e zgjedhësve dhe evidenca të tjera në përputhje me ligjin, me besimin e punëve nga kompetenca e Kryeqytetit që KU e Tuzit të kryejë punët lidhur me përcaktimin, arkëtimin dhe kontrollin e të ardhurave publike lokale, me besimin e punëve nga kompetenca e Kryeqytetit që KU e Tuzit të caktojë këshilltarin e Kuvendit të KU të Tuzit për të marrë pjesë gjatë lidhjes së martesave, të cilat më vonë do t`i dërgohen administratës së Kryeqytetit në shqyrtim.
Për këshilltarin e PDS-së, dr. Halil Dukoviq, iniciativat e propozuara nga ana e këshilltarëve të LD dhe ASH nuk kanë bazë ligjore që t`i vënë në rend të ditës. Ai para këshilltarëve bëri të ditur se “këtë qëndrim e keni fituar nga administratori kryesor i Kryeqytetit që nga muaji shkurt i këtij viti”.
“Me Projektligjin mbi regjistrat e amzës, të lindurve, të vdekurve dhe të martesave, këto punë i kryen Ministria e Punëve të Brendshme dhe administrata publike dhe jo Kryeqyteti”, thotë Dukoviq.
Rreth mendimit të Dukoviqit reaguan Vasel Sinishtaj dhe Smajl Çunmulaj, kur ky i fundit i tha se “për ligjin flasin ata të cilët nuk e respektojnë”.
Sekretari i KU të Tuzit, Robert Camaj, në ekspozenë e tij drejtuar këshilltarëve tha se secila iniciativë e propozuar do të mundësonte që më mirë të kryhen punët administrative dhe secila iniciativë do të ishte në favor të qytetarëve të kësaj treve.
Kryetari i Kuvendit të KU të Tuzit, Nikollë Camaj, por edhe sekretari i kësaj komune, Robert Camaj e përsëritën disa herë, se secila iniciativë e propozuar e ka pikëmbështetjen në Ligjin mbi Kryeqytetin.
Edhe Lindon Gjelaj (ASH) nuk sheh ndonjë arsye që iniciativat e propozuara të mos mbështeten edhe nga këshilltarët e opozitës, sepse siç pohoi ai nëse iniciativat nuk do të përkrahen edhe nga Kryeqyteti “unë do të isha i nënvlerësuar ndaj kolegëve të mi nga Podgorica”.
Në fund, kryetari i KU të Tuzit, Smajl-Maliq Çunmulaj në raportin e tij rreth Komisionit për përcjelljen e aktiviteteve për grumbullimin dhe plasmanin e organizuar të produkteve bujqësore nga territori i KU të Tuzit për vitin 2008 tha mes tjerash se në krahasim me vitet e kaluara, sezoni i sivjetshëm ishte pak më i mirë duke shtuar se çmimi i domates dhe patates edhe sivjet ka qenë i vogël. Çunmulaj tha se KU e Tuzit brenda mundësive do ta mbështesë këtë veprimtari dhe kërkoi që edhe vitin e ardhshëm përsëri të formohet një komision i këtillë, i cili do të fillonte me punë më heret.
rr.d.
Koha Javore

Në Milesh hapet Medreseja e par fetare në Mal të Zi

Tuz - Medreseja, shkolla e parë fetare në Mal të Zi e filloi mësimin të hënën. Në këtë institucion fetar, ligjëratën e parë e tha reisi i Bashkësisë Islame në Mal të Zi, Rifat Fejziq.
Në këtë Medrese janë regjistruar 54 nxënës nga Podgorica, Tuzi, Rozhaja, Bjello Pola, Berana, Nikshiqi dhe Ulqini.
BI në Mal të Zi ka njoftuar se hapja solemne e Medresesë në Milesh do të bëhet më vonë.
Burimi / Kohapress

Meritat, privilegjet dhe anomalitë si pasoja të një veprimtarie nuk ndahen

Reagim
Nuk dua të polemizoj me qëndrimet dhe pikëpamjet e z. Dinosha lidhur me veprimtarinë, qëndrimet dhe angazhimet e Lidhjes Demokratike, pasi që ai ka kohë që është i rreshtuar në një strukturë tjetër politike dhe, ndonëse e ka të njohur se angazhimet e LD në zgjidhjen e çështjes shqiptare në Mal të Zi kanë qenë të drejta, zor se mund të pritet qëndrim tjetër i tij në rapor me subjektin e parë, përpos atë që lexojmë në faqet e të përjavshmes sonë. Pra, qëndrimet e z. Dinosha nuk çudisin, edhe pse abecedën politike e mësoi në Lidhjen Demokratike.
Kohëve të fundit në faqet e “Kohës javore” kemi kënaqësinë që të lexojmë analiza, opinione dhe vështrime të ndryshme madje edhe nga një veprimtar publik, i cili të gjitha këto ka mundësi ti thotë në raste të shumta, si takime, mbledhje, tryeza, debate, në parlament etj. Por ani! Është mirë edhe kështu, që gjërat të mbeten të shkruara për ti lexuar një ditë edhe vetë autori. Personalisht nuk jam i prekur nga këto shkrime, aq më pak pasi që ato vijnë nga bashkëveprimtari politik në fillet e pluralizmit politik në Mal të Zi të viteve të 90-ta, z. Ferhat Dinosha.
Nuk dua të polemizoj me qëndrimet dhe pikëpamjet e z. Dinosha lidhur me veprimtarinë, qëndrimet dhe angazhimet e Lidhjes Demokratike, pasi që ai ka kohë që është i rreshtuar në një strukturë tjetër politike dhe, ndonëse e ka të njohur se angazhimet e LD në zgjidhjen e çështjes shqiptare në Mal të Zi kanë qenë të drejta, zor se mund të pritet qëndrim tjetër i tij në rapor me subjektin e parë, përpos atë që lexojmë në faqet e të përjavshmes sonë. Pra, qëndrimet e z. Dinosha nuk çudisin, edhe pse abecedën politike e mësoi në Lidhjen Demokratike. Ka edhe asi, i kisha quajtur me fjalorin e z. Dinosha, gojëkëqinjsh, që pohojnë ndryshe! Por unë nuk dua të replikoj duke sjellur tryezën në atë mënyrë që të flas për mangësitë e UDSH-së, as për “aktivistetët e denjë” të këtij subjekti, të cilët në vitet e 90-ta ishin kundër themelimit të subjektit politik shqiptar, e që sot rrahin gjoksin dhe në emër të UDSH-së mbajnë poste e kanë privilegje të shumta nga Qeveria e Malit të Zi. Por po, dua të komentoj disa qëndrime që lidhen me anomalitë në politikën tonë, për të cilat flet z. Dinosha, e të cilat janë më se të sakta por, si zakonisht, ai fajësinë për to do tia hedhë dikujt tjetër. Thonë se faji është jetim, andaj nuk çudit as tentativa e z. Dinosha që përgjegjësinë për anomalitë ta ndajë nga meritat që i do vetëm për vete. Por ato nuk mund të ndahen.
Fillimisht do të thoja se politikani i profilit të Dinoshës nuk do të duhej të ketë nevojë që të jetë kaq i “zhurmshëm” në arsyetimin e hapave të vet. Veprat le ta tregojnë atë. E në vepra të tij e të subjektit të tij janë rreshtuar bukur mirë aktivitete, por ato duhet pranuar me gjithë anomalitë që i përcjellin. I numëroj vetëm disa: komuna urbane e Tuzit, studimet e mësuesisë, Ligji mbi pakicat, Këshillat nacionale, që janë produkte të kompromiseve politke të UDSH-së. Për këto askush nuk u kërkon pjesë në meritat që u takojnë, por natyrisht as në anomalitë që dalin si pasojë e tyre. Ia fillojmë nga e para.

Komuna urbane e Tuzit iu “shit” opinionit duke e krahasuar atë me komunën e Sarajit në Shkup. Kungull për shalqi, na u shit! Ajo ka emblemë, ne nuk kemi; ajo ka kufi, ne nuk i kemi; ajo ka ditën e vet, ne nuk e kemi, ajo ka buxhet e ne nuk kemi…. E Saraji nuk ishte kurrë qytet, por pjesë e tij, e Tuzi ishte çdoherë qytezë në vete, e kurrë pjesë e Podgoricës. Ditë më parë mora pjesë në një tryezë të rrumbullakët në Shkup, organizuar nga PER, Princeton, në lidhje me menaxhimin e komunave multietnike, ku ishte prezent edhe Ministri i pakicave, nga radhët e UDSH-së, bashkë me ndihmësin e tij, të cilët, pa kurrëfarë informatash relevante sulmuan ashpër, drua më ashpër se do ta bënte cilido malazias, qëndrimet e mia lidhur me bazueshmërinë që Tuzi të ketë komunë të plotë. Nuk dua të publikoj këtu detajet e kësaj tryeze sepse nuk është objekt i kësaj teme, por nuk mund të heshti faktin se Minsitri i (dez)informon të pranishmit se Komunës urbane të Tuzit i takojnë 8% të buxhetit të Podgoricës dhe se Tuzi (Malësia) do të fitojë komunën kur të dëshmohet se mund ta këtë buxhet edhe si komunë e ndarë.
Z. Nimani theksoi se Ulqini, kur ai ishte kryetar komune, kishte më pak se 3 milionë euro buxhet dhe se realizohej diku vetëm rreth 60%, por nuk i përmendi arsyet e mosrealizimit.
Ai nuk e sheh, apo më mirë të them nuk do ta shohë anomalinë kryesore se problem kyç në Mal të Zi paraqet mu çështja e decentralizimit, për të cilën do të duhej pritur përkrahja e Ministrit nga radhat e popujve pakicë. Por edhe nga z. Dinosha. Aty do të duhej të ishte rezuzltanta e bashkëveprimit që çon drejt decentralizimit e jo, për interesa të disa stolave, të përkrahen tentativat centralizuese të pushetit qendror që Ulqinin e lë pa plazhe, pa hotele, pa ullishta, pa truall ndërtimor, pra pa buxhet e Tuzin pa komunë të plotë.
E për cilat privilegje të heshten këto!? Të tilla privilegje nuk besoj të ketë!
Po studimet e mësuesisë, çfarë prodhuan? A nuk do të ishte më mirë të kishim një qendër studimesh në Ulqin apo Tuz, apo në fund të fundit, të siguronim bursa për aq mësues të rinj sa na duhen e tzi shkollonim në Tiranë, Shkodër, Prishtinë apo Tetovë. Hiperproduksioni i mësuesëve, që më tepër promovon Qeverinë malazeze si demokratike sesa ndihmon nevojën tonë, po ashtu është një anomali që i takon atij që bëri këtë kompromis, jashtë asaj që ishte konsensusi ndërshqiptar.
Poashtu Këshilli nacional së bashku me përbërjen e tij, paraqet anomali të llojit të vet, por gjithnjë, me mundësitë që i ka dhënë ligji, dikur, sipas UDSH-së, aq i mirë, e sot i anatemuar.
Dihet pse; UDSH nuk arriti ta marrë nën kontroll. Lexuesve besoj se u kujtohet qëndrimi ynë lidhur me këtë ligj, i prodhuar enkas për të inkurajuar popujt pakicë në prag të referendumit. Sikur edhe shumë projekte tjera që paraqiteshin si arritje shpëtimtare, e që në fund dilnin të mangëta. Këtë tashmë e ka të qartë edhe Dinosha, por ai nuk do ta shohë se situta nuk ndërron me shërim parcial. Shërimi mund të arrihet vetëm nëse ne kemi një front të përbashkët shqiptar, e jo të bashkuar me pushtetin, të mundim partitë e tjera shqiptare. Kjo nuk jep zgjidhje, por jep vetëm privilegje për individë, e që në raport me çështjen tonë të përbashkët edhe tutje krijon anomali. Angazhimet e tilla lënë vend që edhe ata pak bar që, falë akcesit të UDSH-së te fondet shtetërore, ka “shpërthyer anës mullarit”, të thahet, se përderisa mjetet nuk sigurohen në formë institucinale por me lidhje personale, ato mund të shuhen në çdo moment. Nuk besoj se duke i anatemuar të gjithë të tjerët dhe duke mbajtur UDSH-në si meritore të vetme për të mirat, mund të largohet terri i shkaktuar nga “sana e dendur rreth mullarit”, thënë me fjalorin poetik të z. Dinoshës.
Sa i pëkret Verës Kulturore në Ulqin dhe mospjesëmarrjes së një pjese të politkës shqiptare, do të shtoja se në disa ishim, por vendi që na u dha, tregoi se as ne nuk e kishim vendin aty, e jo më të vinin edhe të tjerët. Si duket ata e kishin të njohur këtë, pra se si shtëpiaku sillet ndaj nesh të vegjëlve, kur është i zënë me të mëdhenjtë, prandaj nuk erdhën.
Dhe krejt në fund, a është anomali të kesh një Ministri të pakicave dhe nga zyrat e saj të mos dalë asnjë pakënaqësi apo reagim lidhur me mënyrën e realizimit të aksionit famëkeq policor “Fluturimi i shqiponjës”. Janë torturuar pjesëtarët e pakicës, pleq e fëmijë, nga e cila vinin dy ministra që u ndërruan ndërkohë, e që janë nga radhët e UDSH-së dhe asnjë fjalë keqardhje, së paku familjarëve, nuk u drejtuan. Të lihen anash procesi dhe (pa)fajësia, por nuk ishte logjike që tortura ndaj të pafajshmëve, të heshtej. Paramendoni reagimet, sikur në atë post të ishte një kroat dhe të torturuarit të ishin nga pakica kroate!
Për këto e të tjera anomali a thua mund të jetë tjetërkush më meritor se ata që janë në pushtet! Derisa ata të gëzojnë privilegjet që si pasojë kanë këto lloj anomalish, neve na mbetet, së paku, që të vazhdojmë të mos i pëlqejmë ato.
Nikollë Camaj
Koha Javore

Tuzi një komunë urbane që nuk përmbush kërkesat e shqiptarëve

Komuna urbane e Tuzit, në Mal të Zi, popullohet kryesisht nga shqiptarët, të cilët vazhdojn të kërkojnë nga qeverisja qëndrore e Podgorices, shpalljen e komunës së tyre me të drejta të plota, si gjithë komunat e tjera në Mali të Zi. Të zgjedhurit vendorë dhe vetë banorët e Tuzit, shprehen se qeverija e Malit të Zi duhet të bëjë më shumë për përfaqësimin e shqiptarëve dhe mbrojtjen e të drejtave të tyre.
Autor / Pëllumb Sulo
Burimi / Zëri i Amerikës

Postojanje gradske opštine ponižavajuće je za njene građane, kazao za Republiku predsjednik GO Tuzi Smail Čunmuljaj

Opština bez niđe ničega
Gradska opština Tuzi loše je zakonsko rješenje koje ne funkcioniše, ocijenio je za Republiku predsjednik te GO Smail Čunmuljaj. On je istakao da je postojanje te GO samo trošenje narodnih para i ponižavajuće je za sve građane tog kraja.
- Dok sam u vrijeme donošenja Zakona o glavnom gradu s pravom sumnjao da zvanična Podgorica za Malesiju priprema loše zakonsko rješenje, sada nakon dvije godine od obrazovanja GO Tuzi odgovorno tvrdim da je ono štetno za Malesiju i njene građane. Tada nijesam razmišljao da će meni zapasti da budem predsjednik jedne takve, nazovimo je “lokalne samouprave”. I tada sam sumnjao u iskrenost demokratskog iskoraka rukovodstva Crne Gore. Ali, u pravu je bio jedan naš sugrađanin, inače uticajna ličnost, koji je izjavio da Zakon o glavnom gradu ne sadrži ni “O” od opštine niti “D” od demokratije”- kazao je Čunmuljaj.
Prema njegovom mišljenju, ni u najnedemokretskim društvima “negdje na kraju svijeta” ne može se pronaći nešto slično.
- Ovo je gradska opština bez svoje teritorije i katastarskih granica, bez prava na titular imovine, bez svoje imovine, bez prava da odlučuje o nekretninama na svom području, nema nadležnosti nad građevinskim zemljištem, ni prava ubiranja prihoda.
Nadalje, nemamo svoj dan opštine ni pravo na formiranje izborne komisije, zatim komisije za imenovanje naziva ulica i naselja, nemamo svoj grb i zastavu, ni opštinskog “svjedoka” prilikom sklapanja brakova, već ga moramo pozajmljivati iz Skupštine glavnog grada.
Nemamo ni pravo delegiranja u upravnim odborima javnih preduzeća i ustanova koje rade i djeluju na području naše GO.
Ako se ovome još doda i činjenica da je lokalna vlast u Tuzima opozicija glavnom gradu, onda je jasno u kakvim se poteškoćama nalazimo - istakao je Čunmuljaj, dodajući da bi najpoštenije bilo da se na takvu lokalnu samoupravu stavi moratorijum ili da se ona ”ugasi” do pronalaženja kvalitetnog zakonskog rješenja.
- Ovako samo trošimo novac iz budžeta, a građanima nismo od koristi - kazao je Čunmuljaj.
D.Gomilanović
Izvor / Republika

Bardhi:Zadržati albanske mandate

Predsjednik DS-a Mehmet Bardhi o izmjenama izbornog zakonodavstva
Demokratski savez prekjuče je predložio Skupštini da se tokom izmjena izbornog zakonodavstva na posebnim biračkim mjestima omogući raspodjela mandata samo izbornim listama sa albanskim nacionalnim predznakom koje ispune predviđeni cenzus.
- Dosadašnje izborno zakonodavstvo, sa nekim korekcijama, može biti prihvatljivo rješenje i za naredne višestranačke izbore. Prihvatljivo je da Crna Gora bude definisana kao jedna izborna jedinica. Za manjinske narode, odnosno za nacionalnu manjinu Albanaca prihvatljivo je dosadašnje rješenje da se u okviru Crne Gore kao jedne izborne jedinice na biračkim mjestima gdje Albanci žive kao autohtoni bira određeni broj poslanika - kazao je Mehmet Bardhi, predsjednik Demokratskog saveza.
U aktu dostavljenom Radnoj grupi on precizira da se to odnosi na Opštine Ulcinj i Tuzi, određena biračka mjesta u Podgorici, Baru, Plavu i Rožajama. Na tim biračkim mjestima, pojasnio je, birao bi se određeni broj poslanika srazmjerno učešću Albanaca u ukupnom broju stanovništva Crne Gore “sa prelivanjem glasova koje su dobile izborne liste sa nacionalnim albanskim predznakom na drugim biračkim mjestima, i obrnuto drugim izbornim listama koje su dobijale glasove na, uslovno rečeno, albanskim biračkim mjestima”.
U Demokratskom savezu, kako je istakao, smatraju da treba zadržati Dontov količnik ili neku drugu matematičku formulu koja će korektnije dati rezultate u proporcionalnom izračunavanju broja poslaničkih mjesta.
- Treba zadržati dosadašnje cenzuse za pravo učestvovanja u raspodjeli poslaničkih mandata, kao i broj potpisa za podršku izbornim listama u oba slučaja. Ako bude dobre političke klime, volje i saglasnosti, spremni smo da razgovaramo i o posebnoj izbornoj jedinici za Albance u Crnoj Gori. Naravno treba razraditi model - zaključio je Bardhi.
V.R.
Izvor / Dan

Ndalohet gëzimi “shqip”!?

Në çdo vend që ka demokraci të nevojshme sa të ndihesh i lirë, uniforma policore do të thotë rend dhe siguri dhe ajo gjithsesi është shembulltyra e një shteti. Masa e sigurisë apo përmasat që çdonjëri nga ne ndiejmë kur e shohim atë është matësi më i mirë se cilat janë raportet tona me uniformën policore.
Shteti ushtarak identifikohet me ushtri të fortë dhe me mbresa frike ndaj militarëve, shteti mafioz me mafje të fortë dhe gjithëkontrolluese, kurse shteti policor me polici terrorizuese.
Shteti demokratik ka një uniformë e ajo është “njëjtësia dhe barabarsia para ligjit”.
Gjatë javës që lamë pas Malësia për të satën herë u bastis, kështu do të fillonte artikullin çdo njeri i cili jeton në demokraci funksionale por në vendin tonë kjo është një rutinë normale. E gjithë loja qëndron te frika dhe mbjellja e saj. Për të treguar dhe dëshmuar forcën e vet shteti ka zgjedhë pakicën shqiptare, po atë popullatë që shfrytëzoi të drejtën qytetare para rreth tri vitesh dhe formoi shtetin e Malit të Zi.

Por çka pasoi? Pasoi që shqiptarëve në vend se t`u avancohen të drejtat dhe liritë në shtetin që tani më si pretekst bllokues të proceseve nuk e ka Serbinë, të shikojnë në shtetin e tyre jo si në tokën e premtuar e cila do të shfaqet fill pas referendumit.
Aksioni policor “Fluturimi i shqiponjës” qe sajimi dhe kurtha në të cilën shteti deshi që të biem dhe të cilën kurrë nuk e besuam, duke na emërtuar me termin më antipopullor në qarqet globale si terrorist.
Edhe sot mund të dëgjosh në lajme e të lexosh në gazeta “lapsusin”: “terroristët shqiptarë”, duke i përfshirë të gjithë në një grupacion të ciliti s`i ka takuar kurrë madje askush nga ne.

Para disa javësh përfundoi procesi gjyqësor kundër të akuzuarve të atij aksioni dhe shumica e të akuzuarve u shpallën si terroristë, të fajshëm dhe meritorë të krimit, fill pas shpalljes së vendimit të akuzuarit për terrorizem dhe tani më të dënuar u liruan të mbrohen nga liria për t`u riburgosur javën që lamë pas.
Ky qe provokimi i dytë ndaj tyre, duke i liruar si të fajshëm dhe duke i riarrestuar po të gjithë, si më 09 shtator të 2006 ashtu edhe javën e kaluar të gjithë u riburgosën në shtëpitë e tyre me familjet e tyre dhe hallet që ata kanë.
Një shtet demokratik dhe dashamirës uniformat blu do t`i kishte larguar nga pamja e njerëzve sa të harrohen sadopak gjërat dhe të rikthehet mirëbesimi në to.
Por jo, ato shfaqen përsëri sepse çudirat në Malësi nuk kanë fund kurrë. Të shtunen në ora 24.00 fix, njësitet ndërhyrëse, të armatosura dhe të pajisura ashtu siç i takon një shteti që mbjell frikë, ndalojnë muzikën në njërin ndër lokalet në qendër të Tuzit dhe detyrojnë më se 1000 persona që të lëshojnë lokalin, pa asnjë sqarim. Por shteteve që forcën e bazojnë në polici nuk u nevojitet siç duket sqarimi.
Në Tuz, a nuk u dashka të këndohet shqip, apo ta riformuloj pak idenë: Tuzi, qendra e Malësisë, a nuk u dashka të gëzohet shqip?!
Robert Camaj
(Autori është sekretar i Komunës Urbane të Tuzit)
Burimi / Koha Javore

Dinosha:vazhdon polemika rreth njohjes së pavarësisë së Kosovës nga Mali i Zi

Shqiptarët dhe serbët, luftë deklaratash
Kryetari i UDSH-së, Ferhat Dinosha, ka thënë se njohja e Kosovës është në interesin shtetëror të Malit të Zi, por edhe stabilitetit të rajonit. Edhe kryetari i Alternativës Shqiptare, Gjergj Camaj, ka vlerësuar se “shteti që synon të bëhet pjesë e integrimeve euro-atlantike dhe që akoma nuk e ka njohur realitetin e ri në rajon dhe ata që mendojnë akoma se Kosova është krahinë jugore serbe janë në lajthitje sepse me këtë gjë i shkaktojnë më shumë dëm popullit dhe shtetit të vet”. Deklaratat e krerëve të partive shqiptare kanë hasur në reagime të ashpra nga partitë proserbe në Mal të Zi të cilat kanë thënë se shqiptarët po bëjnë presion mbi pushtetin malazez.
Derisa pushteti në Mal të Zi vazhdon të heshtë rreth çështjes së njohjes së pavarësisë së Kosovës, ditëve të fundit është rikthyer lufta e deklaratave ndërmjet partive shqiptare dhe atyre serbe në Mal të Zi.
Kjo luftë ka filluar dhe është zhvilluar kohë pas kohe që nga shpallja e pavarësisë së Kosovës më 17 shkurt të këtij viti.
Partitë shqiptare kërkuan që në atë kohë që Mali i Zi të njohë menjëherë pavarësinë e Kosovës për shkak të fqinjësisë së mirë, por edhe për shkak të proceseve integruese.
Kryetari i Unionit Demokratik të Shqiptarëve, Ferhat Dinosha, pat deklaruar në fund të muajit prill se Mali i Zi do të duhet ta njohë pavarësinë e Kosovës në muajin maj për shkak të simbolikës që ka ky muaj për shtetin malazez.
Pas kalimit të majit, Dinosha ka caktuar verën si afat kur Mali i Zi duhet ta njohë pavarësinë e Kosovës.
Por tani që jemi në fund të gushtit dhe verës, ka qenë sërish Dinosha ai që ka nxitur luftën e deklaratave duke thënë se Mali i Zi do të mund ta njihte pavarësinë e Kosovës deri në fund të këtij viti.
Ai ka rikujtuar se duke qenë se në vitin e ardhshëm janë paralajmëruar të mbahen zgjedhjet parlamentare, do të ishte mirë që Mali i Zi gjatë këtij viti të jepte përgjigje ndaj pavarësisë së Kosovës.
Dinosha ka thënë se njohja e Kosovës është në interesin shtetëror të Malit të Zi, por edhe stabilitetit të rajonit.
“Kjo nuk është çështje disponimi por e interesit nacional dhe besoj se këtë vit do të jemi dëshmitar të kësaj. Duhet të arrijmë deri aty që Mali i Zi sipas bindjes së vet, pa sygjerime dhe presione nga jashtë, ta bëjë këtë vetë sepse kjo është e pashmangshme heret a vonë”, ka theksuar ai.
Kryetari i UDSH-së ka thënë se nuk posedon burime të cilat do t`i tregonin datën e saktë të njohjes së pavarësisë së Kosovës, por ka shprehur besimin se forcat që kanë ditur t`ia rikthejnë pavarësinë Malit të Zi pa pasoja dhe incidente, do të dinë të vlerësojnë se kur është koha më e mirë për njohjen e pavarësisë së Kosovës.
Edhe partia më e re shqiptare në skenën politike të Malit të Zi, Alternativa Shqiptare, ka kërkuar nga Qeveria e Malit të Zi që të njohë sa më parë pavarësinë e Kosovës.
“Pushteti malazez do të ishte përgjegjës i drejtpërdrejtë për pasojat eventuale që do t`i shkaktonte imazhit të Malit të Zi dhe rrugës së tij europiane mosnjohja e pavarësisë së Kosovës”, ka vlerësuar kryetari i ASH-së, Gjergj Camaj.
Sipas tij, “shteti që synon të bëhet pjesë e integrimeve euro-atlantike dhe që akoma nuk e ka njohur realitetin e ri në rajon dhe ata që mendojnë akoma se Kosova është krahinë jugore serbe janë në lajthitje sepse me këtë gjë i shkaktojnë më shumë dëm popullit dhe shtetit të vet”.
Camaj ka thënë se qëndrimi i ASH-së nuk ndryshon nga qëndrimi zyrtar i shteteve më të fuqishme dhe më të zhvilluara botërore “se Mali i Zi fiton më shumë në rrugën e tij europiane duke njohur pavarësinë e Kosovës, sesa vetë Kosova”.

“Ne si shqiptarë nuk do të mundohemi të mësojmë pushtetin se çfarë duhet të bëjë në këtë situatë, sepse ne nuk jemi pjesë e pushtetit, por jemi të bindur se përfitimin më të madh në rastin e njohjes së pavarësisë së Kosovës do ta ketë Mali i Zi, me ç`gjë do të stabilizohej situata në rajon”, ka vlerësuar Camaj.
Por deklaratat e krerëve të partive shqiptare kanë hasur në reagime të ashpra nga partitë proserbe në Mal të Zi.
Partia Demokratike Serbe ka kërkuar nga partitë shqiptare në Mal të Zi që të mos bëjnë presion ndaj pushtetit në Podgoricë që të njohë pavarësinë e Kosovës.
“Ajo që mendojmë se nuk do të duhej të ndodhte është fakti se këto presione vijnë edhe nga vetë Mali i Zi - nga partitë shqiptare, të cilat i lusim të qëndrojnë anash, siç kanë thënë edhe vetë, duke mos u përzier në marrëdhëniet vëllazërore në Mal të Zi”, ka thënë zëdhënësi i kësaj partie Matija Nikoliq.
Kjo parti, siç thuhet, i rikujton ata që bëjnë presion dhe ata që gjenden nën presion për pakënaqësinë e shprehur në mitingun e madh popullor të mbajtur në Podgoricë menjëherë pas shpalljes së pavarësisë së Kosovës.
Edhe partitë e tjera proserbe në Mal të Zi janë shprehur disa herë kundër njohjes së pavarësisë së Kosovës nga Mali i Zi.
Ndërkaq pushteti në Mal të Zi edhe pse nuk është shprehur në mënyrë të drejtpërdrejtë ka lënë të nënkuptohet përmes deklaratave të kohë pas kohshme se Malit të Zi i duhet heret a vonë ta njohë pavarësinë e Kosovës.
Në këtë linjë ka qenë edhe deklarata disa ditë më parë e nënkryetarit të Partisë Demokratike të Socialistëve, Svetozar Maroviq.
Duke folur për çështjen e njohjes së pavarësisë së Kosovës, ai ka theksuar se Mali i Zi shumë shpejt do të gjendet në situatë që të vendosë nëse do të ecë drejt Europës apo që prioritetet e tij t`i vendosë në plan të dytë.
Sipas tij, integrimet europiane janë objektivi më i rëndësishëm i Malit të Zi.
Maroviq ka thënë se ata që thonë se do të ndërmarrin hapa radikalë në rast se Podgorica njeh pavarësinë e Kosovës janë po të njëjtit që në Beograd kanë protestuar kundër pushtetit aktual në Serbi dhe kanë bërë thirrje për demonstrata në mbrojtje të Radovan Karaxhiqit.
Lidhur me mundësinë e njohjes së Kosovës nga Mali i Zi është shprehur kohë më parë edhe Prishtina zyrtare.
Kryeministri i Kosovës, Hashim Thaçi, ka theksuar se Mali i Zi dhe Maqedonia mund ta njohin në të njëjtën kohë Kosovën.
Deri tani Kosovën e kanë njohur 46 shtete të botës, në mesin e të cilëve disa nga shtetet më të fuqishme dhe më të zhvilluara të botës, si SHBA, Gjermania, Franca, Britania e Madhe, Italia, etj.
Burimi / Koha Javore

International Youth Day 2008

Me rastin e dites nderkombetare e te rinjve Forca Rinore organizoi nje performans ne Tuz ku jane shperndare fletushka rreth kesaj dite dhe me te cilin rast eshte lexuar nje deklarate. Në mbrëmje është mbajtur edhe koncerti për te rinjët në të cilën morrën pjesë më tepër se 1000 te rinj nga Malësia.

Deklarata për media

Në konferencën që u mbajt me 17 dhjetor në Asamblenë e përgjithshme te OKB, u pranua propozimi qe u be nga Konferenca Botërore e Ministrave ku u vendos qe dita ndërkombëtare e te rinjve te shpallet 12 gushti. Ata vendosen qe kjo dite te shënohet me qellim qe ne je fare mënyre te rrisin ndërgjegjen e te rinjve, kyçjen e tyre ne jetën publike, dhe njohjen e potencialeve te tyre.

Ideja ishte qe edhe ne te fillojmë ta kremtojmë një dite te tille, me një sere aktivitetesh qe kemi përgatitur sepse e kemi pare te arsyeshme qe rinise duhet ti kushtohet një vëmendje e posaçme, duhet ti japim shanse qe edhe ata te marrin pjese ne te gjitha vendimet qe janë me rendësi, t ia japim edhe atyre shanse qe te vendosin për te ardhmen e tyre sepse rinia është faktorë qe mund te ndikoje ne përmirësimin e jetës.

Duke marre parasysh se ne shtetin tone ka shumë probleme qe lidhen me rininë duke ia filluar prej atyre me elementare e deri tek ato qe janë jetësore: arsimi, punësimi gjendja ekonomike,mirëpo, është një çështje qe duhet ti kushtohet një vëmendje e posaçme sepse dita e ditës ne shtypin e përditshëm lexojmë qe droga është një fenomen qe po shtohet ne shoqërinë tone. Ndërsa te gjithë ne e dimë se si problem kryesore ne Malësi është edhe emigracioni i cili është shkak i papunësisë si pasoje e gjendjes se vështire ekonomike.

Pra ne një fare mënyre me ketë aktivitete qe shpresojmë qe te behet tradicional ne agjendën e Forcës Rinore kemi menduar qe organeve kompetente ti a tërheqim vëmendje ne një mënyre te bukur ti tregojmë se edhe ne ekzistojmë se edhe ne kemi potencial dhe aftësi te vendosim për veten tone dhe jeni te afte ne çdo aspekt.

Jemi ne ata qe kemi potencial, force, ide, ambicie për te ndryshuar diçka ne kah me te mire, te shkojmë drejte se ardhshme te jemi te barabarte me te gjithë te tjerët,,,

Problemet janë te shumta ne te gjithë e dimë atë mirëpo ne vend qe te flasim për ato probleme ne duhet te jemi vete iniciues te ndihmojnë ne çdo aspekt sepse ne mundemi te kemi një te ardhme me te mire. Secili prej nesh po te ulemi e ti dëgjojmë ka problemet e veta , mirëpo ne duhet te marrim një rruge dhe ti zgjedhim ato..
Pra, për hire te rinise, për hire te përmirësimit te pozitës sonë ne ketë shoqërinë le te f