{"id":100289,"date":"2016-10-15T19:17:28","date_gmt":"2016-10-15T18:17:28","guid":{"rendered":"http:\/\/www.visit-ulcinj.com\/blog\/?p=100289"},"modified":"2016-10-15T20:52:44","modified_gmt":"2016-10-15T19:52:44","slug":"mali-zi-shqiptaret-serish-te-percare-mund-te-humbin-dy-deputete","status":"publish","type":"post","link":"https:\/\/www.visit-ulcinj.com\/blog\/2016\/10\/15\/mali-zi-shqiptaret-serish-te-percare-mund-te-humbin-dy-deputete\/","title":{"rendered":"Mali i Zi: Shqiptar\u00ebt s\u00ebrish t\u00eb p\u00ebr\u00e7ar\u00eb, mund t\u00eb humbin dy deputet\u00eb"},"content":{"rendered":"

\"Koalicioni-shqiptaret-mali-zi\"<\/a>Nga Ylli Pata<\/strong><\/p>\n

Bashkimi q\u00eb b\u00ebri buj\u00eb pak koh\u00eb m\u00eb par\u00eb rezultoi jo efikas dhe u shkri si kripa n\u00eb uj\u00eb.<\/p>\n

T\u00eb diel\u00ebn, n\u00eb zgjedhjet parlamentare t\u00eb Malit t\u00eb Zi shqiptar\u00ebt shfaqen s\u00ebrish t\u00eb p\u00ebr\u00e7ar\u00eb dhe rrezikojn\u00eb t\u00eb humbin dy deputet\u00eb.<\/p>\n

Kjo \u00ebsht\u00eb nj\u00eb p\u00ebrs\u00ebritje e situat\u00ebs s\u00eb zgjedhjeve t\u00eb kaluara parlamentare n\u00eb Mal t\u00eb Zi, kur garuan 23 lista zgjedhore dhe 4 prej tyre ishin t\u00eb partive shqiptare, p\u00ebrkund\u00ebr faktit q\u00eb shqiptar\u00ebt p\u00ebrb\u00ebjn\u00eb vet\u00ebm 5% t\u00eb popullsis\u00eb.<\/p>\n

Partit\u00eb shqiptare e humb\u00ebn nj\u00eb deputet si pasoj\u00eb ndarjes n\u00eb kat\u00ebr lista, duke marr\u00eb n\u00eb total vet\u00ebm 2 deputet\u00eb nga tre sa ishte e mundur po t\u00eb ishin t\u00eb bashkuar.<\/p>\n

Lista e partis\u00eb FORCA p\u00ebr Bashkim ka marr\u00eb 5244 vota dhe nj\u00eb deputet; lista Koalicioni Shqiptar e p\u00ebrb\u00ebr\u00eb prej Partis\u00eb Demokratike dhe Lidhjes Demokratike n\u00eb Mal t\u00eb Zi mori 3824 vota dhe siguroi gjithashtu nj\u00eb deputet; lista e Unionit Demokratik Shqiptar mori vet\u00ebm 2848 dhe nuk siguroi asnj\u00eb deputet; nd\u00ebrsa lista Aleanca Rinore Shqiptare e drejtuar prej Anton Lulgjurajt dhe e p\u00ebrkrahur prej diaspor\u00ebs shqiptare n\u00eb SHBA mori vet\u00ebm 531 vota dhe asnj\u00eb deputet.<\/p>\n

Poqese UDSH-ja do t\u00eb kishte marr\u00eb 250 vota m\u00eb shum\u00eb, do t\u00eb kishte siguruar nj\u00eb deputet. Po ashtu, n\u00ebse Forca do t\u00eb kishte marr\u00eb rreth 350 vota m\u00eb shum\u00eb, do t\u00eb kishte siguruar deputetin e dyt\u00eb t\u00eb list\u00ebs s\u00eb saj. Mir\u00ebpo me mij\u00ebra vota shqiptare shkuan kot dhe deputeti q\u00eb duhet t\u00eb kishin marr\u00eb partit\u00eb shqiptare shkoi n\u00eb llogari t\u00eb partive malazese. Kuptohet q\u00eb konkurrimi me nj\u00eb list\u00eb t\u00eb re, edhe pse nuk ka shanse p\u00ebr fitore, ka leverdi ekonomike, sepse kushdo q\u00eb siguron mjaftuesh\u00ebm n\u00ebnshkrime p\u00ebr t\u00eb regjistruar nj\u00eb list\u00eb zgjedhore, siguron 22 000 euro nga buxheti shtet\u00ebror p\u00ebr fushat\u00ebn.<\/p>\n

Sipas t\u00eb gjitha gjasave, rolin p\u00ebr\u00e7ar\u00ebs dhe tretjen e deputetit t\u00eb tret\u00eb shqiptar n\u00eb zgjedhjet e 16 tetorit do ta shkaktoj\u00eb lista e Lidhjes Demokratike Shqiptare t\u00eb drejtuar nga Nikoll\u00eb Camaj, e cila mund t\u00eb siguroj\u00eb nj\u00eb deputet vet\u00ebm n\u00ebse trefishon votat e deritanishme. P\u00ebr t\u00eb krijuar nj\u00eb ide t\u00eb p\u00ebraf\u00ebrt t\u00eb votave q\u00eb mund t\u00eb marr\u00eb lista e tret\u00eb, nevojitet q\u00eb t\u00eb analizohen votat e Lidhjes Demokratike n\u00eb Mal t\u00eb Zi n\u00eb zgjedhjet e kaluara.<\/p>\n

N\u00eb zgjedhjet lokale q\u00eb u zhvilluan n\u00eb vitin 2012, Lidhja Demokratike n\u00eb Mal t\u00eb Zi mori 749 vota n\u00eb komun\u00ebn e Tivarit, 302 vota n\u00eb Plav\u00eb e Guci dhe 318 n\u00eb Ulqin. N\u00eb Rozhaj\u00eb, LDMZ nuk figuron n\u00eb zgjedhjet lokale, por n\u00eb ato parlamentare n\u00eb t\u00eb nj\u00ebjtin vit bashk\u00eb me Partin\u00eb Demokratike dhe Alternativ\u00ebn Shqiptare n\u00eb kuad\u00ebr t\u00eb Koalicionit Shqiptar mor\u00ebn 81 vota. Nd\u00ebrsa, n\u00eb zgjedhjet lokale t\u00eb vitit 2014, Lidhja Demokratike n\u00eb Mal t\u00eb Zi mori tre mandate me 891 vota.<\/p>\n

Pra, duke p\u00ebrllogaritur votat n\u00ebp\u00ebr krahina t\u00eb ndryshme n\u00eb zgjedhjet e kaluara, n\u00eb total Lidhja Demokratike n\u00eb Mal t\u00eb Zi ka marr\u00eb 2341 vota. Nga k\u00ebto, 1274 vota jan\u00eb marr\u00eb nga deg\u00ebt e LD n\u00eb MZ t\u00eb Rozhaj\u00ebs, Plav\u00eb-Gucis\u00eb dhe Mal\u00ebsis\u00eb q\u00eb u ndan\u00eb, dhe sot jan\u00eb n\u00ebn udh\u00ebheqjen e Nikoll\u00eb Camaj, si dhe 1067 votat e deg\u00ebve t\u00eb Ulqinit dhe Kraj\u00ebs q\u00eb vazhdojn\u00eb t\u00eb jen\u00eb n\u00eb kontroll t\u00eb Mehmet Bardhit. Bashkimi me doktor Isat Jakupin \u00ebsht\u00eb krejt pa pesh\u00eb pasi n\u00eb zgjedhjet e fundit ku ka marr\u00eb pjes\u00eb Jakupi, kan\u00eb qen\u00eb ato t\u00eb vitit 2010 kur kishte marr\u00eb vet\u00ebm 86 vota q\u00eb po t\u2019i shtohen votave t\u00eb kaluara t\u00eb deg\u00ebve t\u00eb LDMZ-s\u00eb q\u00eb drejtohet nga Camaj, shkojn\u00eb n\u00eb total 1360.<\/p>\n

Pra, do duhej q\u00eb Camaj t\u2019i trefishonte votat p\u00ebr t\u00eb siguruar nj\u00eb deputet, \u00e7ka do t\u00eb thot\u00eb se votat shqiptare t\u00eb List\u00ebs s\u00eb Lidhjes Demokratike Shqiptare sipas t\u00eb gjitha gjasave jo vet\u00ebm q\u00eb kan\u00eb p\u00ebr t\u00eb shkuar d\u00ebm, por kan\u00eb p\u00ebr t\u00eb penguar dy listat e tjera shqiptare q\u00eb t\u00eb marrin deputetin e tret\u00eb.<\/p>\n

\u00cbsht\u00eb e pakuptueshme pse Camaj dhe forca e re politike q\u00eb ai ka krijuar prej shk\u00ebputjes nga LDMZ-ja e drejtuar prej Mehmet Bardhit, i ka hyr\u00eb k\u00ebsaj aventure politike q\u00eb i ka gjasat e vogla p\u00ebr t\u00eb pasur sukses. \/tesheshi.com\/<\/strong><\/p>\n