{"id":105028,"date":"2017-05-14T20:25:18","date_gmt":"2017-05-14T19:25:18","guid":{"rendered":"http:\/\/www.visit-ulcinj.com\/blog\/?p=105028"},"modified":"2017-05-16T06:58:54","modified_gmt":"2017-05-16T05:58:54","slug":"haxhi-rexhep-ef-lika-nje-jete-ne-sherbim-te-fese","status":"publish","type":"post","link":"https:\/\/www.visit-ulcinj.com\/blog\/2017\/05\/14\/haxhi-rexhep-ef-lika-nje-jete-ne-sherbim-te-fese\/","title":{"rendered":"Haxhi Rexhep ef. Lika: Nj\u00eb jet\u00eb n\u00eb sh\u00ebrbim t\u00eb fes\u00eb – Video"},"content":{"rendered":"

\"\"<\/a>Mbr\u00ebm\u00eb, t\u00eb shtun\u00ebn me 13.05. 2017 n\u00eb Galerin\u00eb e arteve t\u00eb Qendr\u00ebs p\u00ebr kultur\u00eb n\u00eb Ulqin, Bashk\u00ebsia islame n\u00eb Malin e Zi dhe Mexhlisi i Bashk\u00ebsis\u00eb islame i Ulqinit organizuan nj\u00eb tubim t\u00eb dedikur haxhi ef. Rexhep LIK\u00cbS, ish Kryeimamit t\u00eb Ulqinit, m\u00eb tem\u00eb:<\/p>\n

\u201cN\u00cb JET\u00cb N\u00cb SH\u00cbRBIM T\u00cb FES\u00cb\u201d<\/strong><\/p>\n

Ishte ky nj\u00eb tubim i q\u00eblluar, pasi q\u00eb jam i mendimit q\u00eb personazh\u00ebt si\u00e7 \u00ebsht\u00eb Mulla Rexhepi, jeta e tij, puna e pa lodhur, jo vet\u00ebm n\u00eb hapjen dhe forcimin e fes\u00eb ton\u00eb t\u00eb bukur, por edhe n\u00eb forcimin e unitetit komb\u00ebtar, n\u00eb kushte t\u00eb v\u00ebshtira me shum\u00eb sakrifica, n\u00eb ve\u00e7anti n\u00eb koh\u00ebn e komunizmit, duhet t\u00eb vler\u00ebsohet lart\u00eb.
\nPrandaj, edhe them\u00eb se isht\u00eb ky nj\u00eb tubim i q\u00eblluar. Personalitetet si\u00e7 \u00ebsht\u00eb Mulla Rexhepi, duhet t\u00eb p\u00ebrmenden, t\u00eb flitet p\u00ebr to dhe t\u00eb nderohen, deri sa ato jan\u00eb n\u00eb k\u00ebt\u00eb bot\u00eb, k\u00ebtu nd\u00ebrmjet nesh.
\nT\u00eb gjith\u00eb fol\u00ebsit e vler\u00ebsuan lart\u00eb pun\u00ebn e k\u00ebtij imami. M\u00eb mbeti nd\u00ebr mend nj\u00eb fjali e nj\u00eb zonje, nj\u00eb mesuese nga Rana, e cila tashm\u00eb edhe vet ushtron, punon n\u00eb edukimin e t\u00eb rinj\u00ebve, e cila me emocione dhe me fjal\u00eb t\u00eb zgjedhura p\u00ebr m\u00ebsuesin e par\u00eb t\u00eb saj tha, \u201c Pjes\u00ebmarrja n\u00eb k\u00ebt\u00eb tubim ishte nj\u00eb ndjenj\u00eb e ve\u00e7ant\u00eb p\u00ebr mua, pasi q\u00eb kishim nj\u00eb m\u00ebsues si\u00e7 jeni ju, inshallah keni jet\u00eb t\u00eb gjat\u00eb dhe t\u00eb lumtur\u201d. Vler\u00ebsimi i nj\u00eb nxh\u00ebn\u00ebsi ka nj\u00eb pesh t\u00eb ve\u00e7ant\u00eb p\u00ebr nj\u00eb m\u00ebsues, p\u00ebr nj\u00eb edukator i cili ishte nj\u00ebri nga pishtar\u00ebt e par\u00eb t\u00eb edukimit n\u00eb frym\u00ebn islame n\u00eb qytetin ton\u00eb.
\nEdhe un\u00eb dua t\u00eb shtoj di\u00e7ka p\u00ebr Mulla Rexhepin. E njoh relativisht mir\u00eb. P\u00ebr \u00e7do dit\u00eb ulet n\u00eb Ran\u00eb, e ban\u00eb nj\u00eb “gjiro” dhe shpesh rri dhe pi kafe me njer\u00ebz t\u00eb ndrysh\u00ebm, para koh\u00ebs s\u00eb faljes e mamazit. \u00cbsht\u00eb nj\u00ebri modest i thjesht i but, elegant i veshur dhe gjithmon\u00eb i qeshur. K\u00ebshtu ka qen\u00eb edhe para penzionit t\u00eb merituar.
\nMulla Rexhep Lika, pa dyshim ka l\u00ebn\u00eb gjurm\u00eb t\u00eb pashlyera n\u00eb qytetin ton\u00eb. Predikimet dhe ligjeratat\u00eb e tija kan\u00eb qen\u00eb t\u00ebrheq\u00ebse p\u00ebr shum\u00eb besimtar\u00eb, t\u00eb cil\u00ebt edhe p\u00ebr faktin se Mulla Rexhepi ka qen\u00eb imam n\u00eb Xhami, kan\u00eb filluar ta falin, m\u00eb s\u00eb pakti namazin e Xhumas\u00eb.
\nM\u00eb n\u00eb fund, Mulla Rexhepi \u00e7\u00eb nga fillimet e para t\u00eb tij ka punuar dhe t\u00ebr\u00eb jet\u00ebn ja ka kushtuar, harmonis\u00eb fetare n\u00eb mes\u00eb t\u00eb shum\u00eb konfesioneve dhe nd\u00ebrmjet shum\u00eb nacionaliteteve.
\nAi e b\u00ebri k\u00ebt\u00eb edhe m\u00eb par\u00eb, n\u00eb kushte t\u00eb v\u00ebshtira, n\u00eb ve\u00e7anti n\u00eb koh\u00ebn e komunizmit, pa pasur frik\u00eb, si imam i ri n\u00eb vende ku ka punuar, por edhe m\u00eb von\u00eb n\u00eb Ulqin.
\nGjithmon\u00eb ishte prezent, n\u00eb dasma, festa, g\u00ebzime, n\u00eb hidh\u00ebrime, n\u00eb luft p\u00ebr Valdanos, p\u00ebr Kripore, n\u00eb tubime t\u00eb ndrysh\u00ebm. Jam d\u00ebshmitar\u00eb, pasi q\u00eb edhe kam b\u00ebr\u00eb shum\u00eb foto ku ishte ai prezent, si Kryeimam, por edhe si imam dhe si nj\u00ebri dhe qytetar\u00eb i nderuar i qytetit ton\u00eb t\u00eb bukur. Githmon\u00eb ka qen\u00eb dhe \u00ebsht\u00eb prezent.
\nDhe fare n\u00eb fund, Mulla Rexhep LIKA ka qen\u00eb dhe \u00ebsht\u00eb orator i fort dhe i p\u00ebrgaditur. M\u00eb duket se p\u00ebrve\u00e7 dituris\u00eb fetare, ai k\u00ebt\u00eb dhunti e ka pasur dhe e ka nga Perendia.
\nNj\u00eb fjali t\u00eb cil\u00ebn ai shpesh e ka p\u00ebrs\u00ebritur duhet t\u00eb ceket edhe k\u00ebtu, n\u00eb k\u00ebt\u00eb vler\u00ebsimin tim modest t\u00eb dedikuar k\u00ebtij personazhi t\u00eb qytetit ton\u00eb. Kjo fjali ka nj\u00eb pesh\u00eb t\u00eb r\u00ebnd\u00eb p\u00ebr nj\u00eb mes\u00eb si\u00e7 \u00ebsht\u00eb vendi i yn\u00eb.
\n\u201cT\u00eb gjith\u00eb ne jemi prej nj\u00eb n\u00ebne dhe prej nj\u00eb babait t\u00eb krijuar nga nj\u00eb Krijues, i cili ka dashur q\u00eb t\u00eb gjith\u00eb t\u00eb mos jemi nj\u00eb feje, besimi”.
\nPrandaj ky mesazh ka qen\u00eb edhe t\u00ebrheq\u00ebs p\u00ebr shum\u00eb besimtar\u00eb q\u00eb t\u00eb vin n\u00eb xhami dhe t\u00eb fillojn\u00eb me u fal, po e p\u00ebrs\u00ebris\u00eb, m\u00eb s\u00eb pakti namazin e Xhumas\u00eb.
\nEdhe un\u00eb i d\u00ebshiroi nj\u00eb jet\u00eb t\u00eb gjat\u00eb dhe t\u00eb bukur, n\u00eb mesin e familjes t\u00eb tij, t\u00eb respektuar nga t\u00eb gjith\u00eb qytetar\u00ebt e qytetit ton\u00eb t\u00eb bukur. Prezenca e shum\u00eb qytetar\u00ebve n\u00eb k\u00ebt\u00eb tubim ishte padyshim, nj\u00eb deshmi p\u00ebr k\u00ebt\u00eb.<\/p>\n

Ismet Karamanaga <\/a>Facebook<\/strong>
\n